مشكلتي نسيبتي

[مشكلتي]

السلام عليكم :
أنا شاب من الشرق الجزائري متزوج منذ عامين من فتاة كنت أعرفها و كنت أعرف عنها نبل الأخلاق و هي كذلك و الحمد لله . كانت حياتي الزوجية في البداية عادية و بعد مرور الشهور تغيرت الأمور و صرت أقلق من هذه المصاهرة و بدأ الندم على الزواج يدخل عقلي و السبب هو نسيبتي "أم زوجتي " التي لن يمر شهر أو أقل حتى تأتي لزيارة ابنتها ، في البداية لم أكن أبالي لكن بعد طال هذا الأمر و أصبح دوريا صرت أقلق ، لا أدري إن كان هذا الأمر عند الناس امرا عاديا أم لا . المهم أني لم اعد اطيق رؤية نسيبتي أو حتى سماع صوتها بسبب زياراتها المتكررة ، علما أن ابنتها تعيش حياة هادئة مع أهلي و هم يحبونها و يحترمونها . أحس و كأن هذه المرأة لا تحترمنا و لا تبالي بأفراد الأسرة المهم أنها ترى ابنتها . دخلت في شجارات كثيرة مع زوجتي بسبب هذا الأمر الذي نغص حياتي و لا أدري كيف ستكون النهاية .

[*أم كوثر*]

وعليكم السلام ورحمة الله
سؤال فقط
ترى ان كانت امك مكان نسيبتك
اي امك من تتردد على زيارتكم
هل سيكون هذا نفس تصرفك؟؟
جاوب نفسك بنفسك

[** أبو أسيد **]

أنا نسيبتي تأتي عندي و نديرها فوق رأسي و حاب تبقى مع بنتها طول العام ما عندي مشكل .....


أخي كنصيحة اذا أردت أن تكبر أكثر في عين زوجتك فزد و بالغ و ان لم تستطع فتظاهر في احترام و توقير والديها


سواء والديها أو والديك كأقصى تقدير ما سيعمرون أكثر من 20 سنة و ستتوحشون اسائتهم و كلامهم فضلا عن احسانهم فاستغلوا الفرصة و أحسنوا و اصبروا و الله لا يضيع أجر المحسنين ...

[sara160349]

بعني مافهمتش نسيبتك مدايرتلك مشاكل يعني تجي تتهاوش مع داركم ولا تحرش مرتك ضدكم ولا انت ماتحبش تشوفها وخلاص نظن المشكل فيك اخي هيا امها و تتوحش بنتها شوف نفسك راك تشوف امك نهار كامل و هيا بخلتها تشوف بنتها مره علي مرة هذه انانية من وجهة نظري الي عاد الامر زاعجك ابعث مرتك يوم في الاسبوع هكذا تعود امها تشوفها و ماتجيكمش

[KARIO]

ماذا لو كانت زوجتك لا تطيق زيارات امك ماذا سيكون شعورك طبعا ستعتبرها زوجة غير صالحة و لربما طلقتها فورا, لكل عائلة عادات فربما عاداتهم هكذا, اين المشكلة ان كانت لا تتدخل في حياتكم الشخصية فمثلا امي لا تاتيني الا ناذرا جدا رغم اني وحيدتها و جدتي نفس الشيء مع بناتها لان في عائلتنا نعتبر الذهاب عند النسيب عيب الامر الدي يستغربه زوجي و الحمد للله الذي رزقني بزوج صالح فهو دائما يعزم امي بل و يذهب لاحضارها الخلاصة ان ما في عقلك هو ناتج موروثات لعادات لا تغني و لا تسمن من جوع, لو كنت مكان زوجتك لاعتربت هذا قلة احترام لامي و لنفسي في المقام الاول و من الواضح ان زوجتك ليست من النوع الذي يفرض شخصيته و الا لما سمحت لك في مناقشتها في الامر اصلا لانها امها و الام مقدسة و فوق كل اعتبار

[aymen01]

راهم يشوفو بناتهم كل يوم و انت شهر جاتك بزاف

[يوسف سرار]

خو ننصحك تصبر و تسستحمل تخيل راها في مكانة أمك

[ام ايمان16]

راهم الردود قبلي كفاو ووفاو من الجنسين يعني حتى الرجال راهم معارضين تفكيرك
وايضا لو كان هاذا راي زوجتك وامك لي هي تجي كل يوم؟؟

ومافهمتش كيفاش جاتك كل شهر بزاف ام تشوف بنتها ؟؟؟؟؟؟؟؟؟
ياخي عاود تفكيرك ونورمالمو تعتذر لزوجتك لانك هاوشتها على جال امها

كنت نضن بللي زاعجاتك على جال انها كيما قالو ديرلك مشاكل بهدرتها او شيء من هاذاالقبيل لكن اذا كانت تجي فقط لرؤية بنتها فراك غالط
وانتا ماقلتلناش اذا راك تخلي زوجتك تروح تزور دارهم او لا
وعلى حساب الشوفة ماتخليهاش تروح على هذي ولات امها هي لي تجي تشوفها
وزيد حاس روحك مضلوم ؟؟؟؟؟
ربي يهديك

[أم ريتاج زهرة]

على ما اظن لو كانت امك مكان امها ما كان هذا رايك للاسف عاود التفكي

[abdoguat]

أخي راك عندك الحق لكان كثرت عليك أحكي معى مرتك قولها تتصرف قولها راني نحب نكون آلاز خلي أمك تجي كيما منكونش وإلا روحيلها إنت ومع هذا أخي أنصحك تكبر قلبك على وجه مرتك و أقبل منها على وجه ربي

[طيور الجنان]

شوف اخي عندك الحق تنزعج منها اذا كانت ديرلك مشاكل بينك و بين زوجتك واو مع عائلتك صح .
لكن اذا كانت جيكم زيارة وتروح هذا مافيه والو اخي هي أمها كما عندك انت ام تخب لو دائما تكون معك.
احمد ربي على زوجتك الظاهر انها صالحة لو كانت اخرى لقالت لك باه تستقلو بمنزل وحدكم و ماجي لا امك لا امها و في هاذ الحالة تولي تروح انت و جيب امك.
يا اخي اذا كانت زوجتك تعامل اهلك معاملة حسنة اعز امها من اجلها.
انا امي نحللها و ماجيش عندي تقولي ارواحي انت ياريت جيني ونحطها فوق راسي هي و حماتي طبعا ربي يخليهم لينا.

[دهشار عبد القادر]

[قال تعال واصبر وماصبرك الا بالله .وقال ايضا ولئن صبرتم لهو خير لكم .حاول ان تتظاهر بعدم القلق وستفرج ان شاء الله .

[أم سلوى]

زوجتك تحترم امك وانت تكره امها
زوجتك عايشة مع امك...وانت تكره الزيارة فقط...
انت انسان مخصوص للاسف...
وعذرا على هذا الرد

[melissa lola]

اخي مجرد سءال تحط زوجتك في موقف محرج مثلا ماحبيتش حماتك تزورك ياهل ترى مرتك تقوللها ماتزيديش تجي عندي ????? هكذا بكل بساطة بغض النظر الا نسيبتك ماتحبش تشوفها فقط ولا تديرلك مشاكل يااخي حس بالزوجة انتاعك اصعب حاجة كي المراة تصيب راجلها مايحبش اهلها انا دايما نتساءل ونقول تربح العيب لاهلها على جال زوجها تقاطعم تعاديهم ولا تقوللها يما مانحبكش تجي لداري راجلي مايحبش ?????? مرتك مليحة ومواليها ماشي ملاح مثلا?????

[feriel imen]

_أولا:كفاو و وفاو الي قبلي
_ثانيا: منقدرش نعطي تعليق واضح لانك لم توضح العديد من الامور مثلا: زوجتك تزور دارهم او لا بشهور و هل ام الزوجة تتسبب بمشاكل و هل ام الزوجة تبقا فترة طويلة و و و و
ثالثا: بغض النظر عن هذه الاسئلة كلها نقولك يا اخي انت زوجتك ديتها من ناسها وحبابها و باباها ويماها و خاوتها و تربات من جديد و تاقلمت مع عائلة جديدة و ياترى وشراهي تتحمل غير باش متكسرلكش راسك نهار و ليل لانك اكيد تكون فالخدمة ومكش 24 ساعة فدار اسما مكش تشوف وش يصرا و دار العايلة بدون شك لازم اكون مشكل بسيط المهم مرتك تنظفلك تخملك تغسلك توجدلك توجد ولادك تغسللهم توكلهملك و خلينا من الانجاب و الرضاعة و و و و و و و و وو ونتا وش دير؟كلك على بعضك نهار كامل فخدمة وحدة؟،امالا احسب عدد اشغالها مقابل شغلك الوحيد و مع ذلك انت عندك راتب مقابل هاذ الشغل وهي راتبها وين؟نتحداك تقول جامي قتلها بلا مزيتك وقت تتعصبو تولو تقولو كلام اسوأ مما يكون و لذلك خمم بلي زوجتك راتبها امها و اهلها زوجتك راتبها وقت تدخل للدار بابتسامة زوجتك راتبها يعطيك الصحة مرتي و و و و وفوقها بيديك تكتبلنا وتقول الحمد لله مع اهلك؟وين لقيت طفلة فوقتنا تتحمل العايلة و ساكتا؟اخي فيق راك غالط امك قابلتهالك و فوقها تخدمها و نتا تشوف امها ب باتسامة وليت ندمت على زوااااجك بكل ؟وفوقها ترجع للدار تعيط و ياترى كم من كلمات تفوهت بيهم و ازعجتها ربي يسامحك اعد التفكير و ان كنت خاطئة فكلامي تعال و عاتبني و اعدك بانو نحلك مشكلت ربي اهنيك سلام