les salées

[pharmajiji]

السلام عليكم
اريد منكم حبيباتي اعطائي les recettes des entrées salées
يكونو شابين و بمقادير مضبوطة
اشكركم مسبقا

[pharmajiji]

pas de reponse

[lilii7179]

سلام
هاذي فكرة نتاع مقبلة عجبتني
https://www.djelfa.info/vb/showthread.php?t=1743445
عندي ثاني وصفة مالفة نديرها كمقبلة و تنال اعجاب الجميع
بسطيلة بالكروفات
طيبي صدر دجاج في مرقة بيضاء: قليه في بصلة و 3 سنات ثوم, ملح فلفل اكحل و مرقيه و خليه يطيب
من جهة اخرى طيبي les crevettes في ماء + ملح + اعواد دبشة+ فلفل اكحل هذا اذا كانو ماشي منقيين. اذا كانو decortiquées يعني منقيين واجدين راكي اختصرتي عليك هاذ المرحلة.
المرحلة القادمة انك تقشري 2 حبات زرودية و ترابيهم و تحطيهم في مقلة مع ملح و شوية زيت و تغطي عليهم حتان يذبالو , تزيديلهم لي كروفات المنقيين, فلفل اسود, 1/2 ملعقة زنجبيل, معدنوس, و 3 سنات ثوم مرابيين.
حضري صوص بيشاميل بالطريقة اللي معتادة عليها و تكون عاقدة مليح.خلطي معاها لي كروفات و صدر الدجاج اللي يكون طاب و فتتيه. و وجدي الديول. في مول مدهون بزبدة فرشي 3 ورقات ديول و بين كل وحدة و وحدة ادهني بزبدة ذائبة. حطي الحشو نتاعك و غطيه ب3 ورقات ديول ادهني بيناتهم بزبدة ذائبة. ادهني الطبقة الاخيرة ب الزبدة و حطيها في الفرت تحمار . كي تخرج ديكوريها بحبات من الكروفات تموني خليتيهم على جنب.
ملاحظة : تقدري نفس الحشو ديري بيه بوراك. او ديريه على شكل تورت بالعجينة المورقة
اذا ما تحبيش الكروفات تقدري تستغناي عليها تخلي غير الجاج و تزيدي زيتون و فطر.
اتمنى اني قدرت نساعدك و لو بالقليل و اذا جاوني افكار اخرى نبعثهملك

[lilii7179]

و هذا موضوع فيه les salés اشكال و انواع
https://www.djelfa.info/vb/showthread.php?t=1786525

[pharmajiji]

merci ma sœur lilii7179 pour le partage
rabbi yjasik

[جنة الفردوسْ]

شكرا للاخت ليلي