اااااااااااااه

[مشكلتي]

السلام عليكم
خطيبي انسان خلوق جدا و كل الناس تحسدني عليه لكن ما خفي عنهم ان حياته خط مستقيم لا صعود ولا هبوط

ليس لديه اي رغبة في تغيير اي شيء في حياته مثلا هو انسان مصلي يصلي الفرض فقط حاولت مئة مرة ان اقنعه بصلاة الفجر لكنه اخبرني ان لا جدوى فمن المستحيل ان يستيقظ للفجر
مثلا عرضت عليه ان نصوم معا ايام الاثنين و الخميس لكنه رفض و قالي كي تجي عندي للدار و يرحمها ربي
من يوم عرفته لم يسالني يوما ان كنت اصلي و عرضت عليه ان البس الحجاب لكنه اخبرني انه يفضل السراول مع لباس محتشم
الولد الوحيد عند والديه يريد ان يقضي حياته معهما سالته ان كان لديه طموح ان يطور عمله فاجابني راهو جاي التقشف احمدي ربي كي راني حاكم خدمة عند الدولة
كل شيء عنده بالقانون و راي الناس فوق كل اعتبار يقلي ملازمش نخرجو على العرف نديرو كيما يديرو الناس و مالازمش نفوتوهم باه منجيبوش لروحنا العين حبيت نشري سيارة قالي انسي مدام في بلاصتنا مكانش النسا بزاف يسوقو جامي نخليك تسوقي في حياتك
تصورو ما يبدلش ملابسو سمانة كامل لانو هكا موالف يعني كي نتلاقاه مثلا نهار الثلاثاء ما يعدلش روحو على جالي نقلو البسلي هاديك الحاجة نحبها يقلي لالا متصلحش نبدل في نصف الاسبوع اصبري السمانة الجاية
و كي نحاول نحكي معاه على حياتنا المستقبلية نقلو مثلا ندير فواياج لاسبانيا و لا نشرو دار في ولاية اخرى و لا اولادنا
ميحبش و يولي يبدل في الهدرة و يقلي نشالله نشالله
و الله وليت نشوفو ممل جدا و كرهت المثالية اللي عايش فيها تمنيت مرة يديرلي مفاجاة يديرلي هدية و لا يجبدلي موضوع نحكو فيه ولا يشاركني اهتماماتي
مع العلم اني انسانة طموحة جدا و بانية احلام كبيرة و بعيدة لكن بديت نتخيل في حياتي معاه كيماه رح تكون
قولولي ربي يخليكم هدا الشي طبيعي؟؟هل هنالك امل يتبدل؟

[blanche rose]

السلام عليكم

بخصوص السكن مع الأهل..ربي يعينك حبيبتي..
بخصوص محاولتك تغيير خطيبك
اختي طريقتك خاطئة

أنت تتعاملين معه كأستاذ وتلميذ..

تتعاملين معه كشخص مليء بالعيوب وأنت من سيصلحه
ماذا لو تعامل معك بنفس الأسلوب؟؟
ماذا لو رآك مليئة بالعيوب وظل يحاول تغييرك؟؟

أنت تحسسينه أنك لا تتقبلينه كما هو وتحاولين اصلاحه كطفل.
تريدينه أن يتفهمك.. وأنت عليك أيضا أن تتفهميه..

بعد الزواج ستتغيران معا
هو يتأثر بك وأنت تتأثرين به

ان أحس أنك تريدين تغييره سينزعج ويتمسك بارائه اكثر
تقبليه كما هو..ليتقبلك كما انت
تفهميه ليتفهمك
أحبيه ليحبك

كما ترين أنك على صواب..هو أيضا يرى نفسه على صواب
عزيزتي متى رآى أنك تحبينه وتقدرينه وتحترمين آراءه سيسمع لاقترحاتك..ويأخذها بعين الاعتبار وقد يلبيها لك لأنه يحبك..

بالنسبة لطموحاتك
لنا جميعا طموحات ..لكن اهم طموح هو نجاح الزواج..
ان نجحت في انجاح زواجك..فالباقي سيسهله الله عز وجل

يجب أن تتقبلي فكرة انه انسان له عيوب
وأنت أيضا لديك عيوب لا تعد ولا تحصى..

كلنا مليؤون بالعيوب ولا يحق لأحد أن يحاسب الآخر وينسى نفسه
يجب أن تقتنعي بالفكرة لتتقبليه كما هو.. ويتقبلك كما أنت..
لا تتسرعي

المهم هو المعدن لأنه لا يتغير أما الباقي فكل شيء قابل للتغيير.
كونه خلوق ويخاف الله..أمر كفيل بمحو كل عيوبه
ربي يسعدك حبيبتي

[أم ريتاج زهرة]

أختي ما عنديش كطلام أخر بعد كلام أختنا في الله blanche rose خففي عليه ملاحضاتك و الحياة الزوجية مليئة بالمفاجآت و المشاكل و الليس تكلمتي عليه ما يبانش كامل مع اللي جاي و المهم نجاح الحياة الزوجية بالتوفيق أختي ربي ييسرك أمورك سلام و خمي مليح

[قطوفها دانية]

لاحول ولاقوة الا بالله

بالنسبة للصلاة عندك حق

بالنسبة لكل ماذكرتي نقولك الراجل لاباس به احمدي ربي لي عطالك انسان صالح

روحي اسمعي النساء وش راهي تعاني زوج سكير عدم الصلاة ضرب الزوجة

عدم تحمل المسؤولية

وش نزيدلك

وكاين ا بنات مساكن حابين يتزوجو يالو كان راجل وخلاص ويتسرتو وقت صعيب

وانت جاية تقوليلي مايبدلش بالسمانة

ونروحو لاسبانيا

[hodahodahoda]

يا اختي باين عليكي ملتزمة
قد يكون هو ليس ملتزما بنفس درجتك
قد لا يمانع ان لم تلبسي الحجاب
المشكلة اختي فقط
تاكدي انه يحب الله و الرسول و الاسلام
و يتمنى الخير للمسلمين في جميع بقاع الدنيا
طيب حنون يتالم للفقراء و المساكين و المظلومين
ادا كانت فيه هده الصفات لا تخافي
هناك شباب ملتزمين جدا لا تستطيعين العيش معهم فوراء الالتزام توجد الانانية وحب النفس و ممكن حتى التكبر

[القائدة]

حكاية الفجر هاذي مفهمتهاش انا
يعني هو يصلي الصبح
اما الفجر لا
و السبب حسبه انه لا يستطيع النهوض للفجر !
حسسني هذا خطيبك ان وقت الفجر هو جوف الليل مثلا يعني !!!!!
ياو قوليلو سنة الفجر تكون مع وقت الصبح يعني كي ينوض باش يصلي ركعتي الصبح يسبقهم بركعتي الفجر و انتهى الامر

اذا كان ملتزم كيما تقولي معناتو صلاته في المسجد مش زي الخفافيش اللي يصليو في ديارهم
و هذا يعني انه كي ينوض على الربعة تع الصباح مثلا باش يتوجه صوب المسجد لأداء فريضة الصبح جماااااعة و يؤذن الاذان خليه يصلي ركعتي الفجر و بعدها يحرك رجليه نحو المسجد و يصلي فيه فريضة الصبح جماعة

حاجة اخرى
هذا ميبدلش كل سمانة !!
و لوكان سيح الماكلة على روحو ولا توسخ باي شي اخر كيفاش يدير يا ترى ؟ هل يبقى به متسخا تطبيقا و وفاءا لقانونه الخاص ، ام يغسله و ينتظر حتى ينشف و يعاود لبسه و يخرج !!!
يعني في كلتا الحالتين مرض مرض ياختي ، هو فقط مليح في حكاية انو يحافظ على هندامه و ميفسدش و مش رح يتعبك مبعد في القش اما انه يجعلو قانون فهذا لا .

اما حكاية انو يحتكم الى العادات و كلام الناس فهذا خافي منو لانه مادام دار اعتبار لهدرة الناس على حساب كلام الله فهو يبدولي لا ملتزم ولا هم يحزنون و انما صلاته ربما هي ولف و عادة او اتباع لنهج آباءه و فقط !
اما انت مادامك مزالك مخطوبة بيه يعني مش راجلك فهنا مش حق عليك تطالبي انه يلبسلك احلى الثياب غضي بصرك عنه و لا تندفعي بشهواتك
و من الاخر راكي تقولي الابن الوحيد لامه و ابيه ، فتوقعي اذن ان تكون حياتك متعبة معه و رديلي الخبر مبعد اذا كان كلامي غالط ! والله الابن الوحيد صععععب الزواج معاه رح يكون متعلق فووووق اللازم بأمه و نفس الشي هي رح يكون كل اهتمامها منصب عليه و تشيطك ، لو كان له اخوة و اخوات سيتوزع تركيز الام عليهم اما لما يكون واحد فقولي يارب و اصبري .
انصح البنات لا تقبلي بخاطب يكون الابن الوحيد لعائلته خمي مليييح و احسبيها صح متشوفيش برك عند رجليك همي لبعيد وش التوقعات اللي ممكن تحدث و انا نعطيهالك من ضرك راكي رح تسوفري معاه و مع امه مهما كانت طيبة و لكن الله غالب عليها ابنها الوحيد رح تكون منشغلة بيه بزاف و هو يكون متعلق بيها فوق الحد المطلوب ( كعقدة اوديب مثلا ) و رح تمرضك هي و إياه

ربي يسهلك

[naamane3]

شوفي يا بنبت الناس
راكي لقيتي راجل تحلم بيه جميع النساء
وبهاد التصرفات راكي رايحة تخسريه
اتخيلي هاد الراجل يسكر مثلا او يزطل
او خائن وكل يوم مع وحدة شكل ولون
او انه بخيل كيف ستكون حياتك معه
وفي ما يخص طموحاتك خلي اكبر طوح لك
هو انشاء جيل صالح ينفع هده البلاد وكل بلاد المسلمين

[قدس الاسلام]

اولا طريقة حديثك عنه سلبية جدا
جدي شيئ ايجابي فيه تشبثي به لاتركز على السلبيات كانها كل شيئ
الكمال لله
تستطيعين ان تغيري ماتريدنه بذكائك وليس الامر والنهي
ربي يجمع بينكما فيما يرضيه

[redeye]

تجربة شخصية: الانسان الطموح لا يستطيع العيش مع انسان محدود الفكر

[nadjet boumaraf]

لبنات كيفاه نكتبوا في قسم مشكلتي عندي موضوع حابة نطرحوا وناخد آراءكم
بالنسبة للاخت من كلامك حسيت حبيتيه يمشي على رايك يا اختي الراجل لازملوا سياسة درك في فترة خطوبة حاولي تتعرف على شخصيتوا مليح نقاط ضعوا وش حب وش يكره بعد الزواج مع العشرة تقدري تبدلي طبعوا بالولف فهمتيني ..بالنسبة للقش ميبدلش هنا غالطة اختي معندكش الحق تقوليها لانوا علاه مدام النظافة كاينة علاه يبدل كل يوم ...نقولك حاجة احمد ربي الحياة الزوجية لازملها عقل كبير وبال واسع....وعلى طموحاتك انا نقولهالك الراجل غلا قبل الزواج رفض الخدمة وتسوقي طوموبيل مستحيل يبدلل رايوا كانوا هاد النوع من الرجال ...كيفاه فوياج للإسبانيا بلاك معندوش بلاك وبلاك ...منعرف خمي مليح وربي يهنيك

[om_hadil]

المسلسلات التركية أدير العجبببببببببب !!!!!!! و لا حول و لا قوة الا بالله

[القائدة]

المشاركة الأصلية كتبت بواسطة naamane3

شوفي يا بنبت الناس
راكي لقيتي راجل تحلم بيه جميع النساء
وبهاد التصرفات راكي رايحة تخسريه
اتخيلي هاد الراجل يسكر مثلا او يزطل
او خائن وكل يوم مع وحدة شكل ولون
او انه بخيل كيف ستكون حياتك معه
وفي ما يخص طموحاتك خلي اكبر طوح لك
هو انشاء جيل صالح ينفع هده البلاد وكل بلاد المسلمين

لالا نحي هاذي ( تحلم بيه جميع النساء) هنا رآك بالغت بزاف و تعديت على خيارات الناس وشبيك هذا رآك مثبت روحك خويا
انا شخصيا لا احلم بشخص مثله !
قالك تحلم بيه جميع النسا ! ياخي حالة يخي هاذاك ما خص

[ام رضوان]

المشاركة الأصلية كتبت بواسطة القائدة

حكاية الفجر هاذي مفهمتهاش انا
يعني هو يصلي الصبح
اما الفجر لا
و السبب حسبه انه لا يستطيع النهوض للفجر !
حسسني هذا خطيبك ان وقت الفجر هو جوف الليل مثلا يعني !!!!!
ياو قوليلو سنة الفجر تكون مع وقت الصبح يعني كي ينوض باش يصلي ركعتي الصبح يسبقهم بركعتي الفجر و انتهى الامر

اذا كان ملتزم كيما تقولي معناتو صلاته في المسجد مش زي الخفافيش اللي يصليو في ديارهم
و هذا يعني انه كي ينوض على الربعة تع الصباح مثلا باش يتوجه صوب المسجد لأداء فريضة الصبح جماااااعة و يؤذن الاذان خليه يصلي ركعتي الفجر و بعدها يحرك رجليه نحو المسجد و يصلي فيه فريضة الصبح جماعة

حاجة اخرى
هذا ميبدلش كل سمانة !!
و لوكان سيح الماكلة على روحو ولا توسخ باي شي اخر كيفاش يدير يا ترى ؟ هل يبقى به متسخا تطبيقا و وفاءا لقانونه الخاص ، ام يغسله و ينتظر حتى ينشف و يعاود لبسه و يخرج !!!
يعني في كلتا الحالتين مرض مرض ياختي ، هو فقط مليح في حكاية انو يحافظ على هندامه و ميفسدش و مش رح يتعبك مبعد في القش اما انه يجعلو قانون فهذا لا .

اما حكاية انو يحتكم الى العادات و كلام الناس فهذا خافي منو لانه مادام دار اعتبار لهدرة الناس على حساب كلام الله فهو يبدولي لا ملتزم ولا هم يحزنون و انما صلاته ربما هي ولف و عادة او اتباع لنهج آباءه و فقط !
اما انت مادامك مزالك مخطوبة بيه يعني مش راجلك فهنا مش حق عليك تطالبي انه يلبسلك احلى الثياب غضي بصرك عنه و لا تندفعي بشهواتك
و من الاخر راكي تقولي الابن الوحيد لامه و ابيه ، فتوقعي اذن ان تكون حياتك متعبة معه و رديلي الخبر مبعد اذا كان كلامي غالط ! والله الابن الوحيد صععععب الزواج معاه رح يكون متعلق فووووق اللازم بأمه و نفس الشي هي رح يكون كل اهتمامها منصب عليه و تشيطك ، لو كان له اخوة و اخوات سيتوزع تركيز الام عليهم اما لما يكون واحد فقولي يارب و اصبري .
انصح البنات لا تقبلي بخاطب يكون الابن الوحيد لعائلته خمي مليييح و احسبيها صح je veux être votre amiمتشوفيش برك عند رجليك همي لبعيد وش التوقعات اللي ممكن تحدث و انا نعطيهالك من ضرك راكي رح تسوفري معاه و مع امه مهما كانت طيبة و لكن الله غالب عليها ابنها الوحيد رح تكون منشغلة بيه بزاف و هو يكون متعلق بيها فوق الحد المطلوب ( كعقدة اوديب مثلا ) و رح تمرضك هي و إياه

ربي يسهلك

ربي يهديك اختي على هذه النصيحة
وعلاه اللي عندها واحد برك تخليه ينقطع نسلو ولا لازملو هو ثاني وحيدة اهلها.

[visa uk]

نورمال اختي عادي جدا جدا اوك كاين نوع من الرجال هاك لايعني انو ربما لايحبك او يكرهك بالعكس نحسو انسان مش لي يبين مشاعرو اتجهاو واعدريه ربما في داتو يحبك بزاف ويموت عليك الراجل هاك مش شرط يقولك نحبك او يكثر منها كاين رجال من بينهم انا لااقولها لخطيبتي لكنها في نفسها تعلم اني نموت عليها وطايح فيها فهمتي مش شرط نعم نتي خليه مع الوقت يبدل عض عاداتو لكن بالحيلة والدكاء والتركيز وليس بالاعصاب والعياط والشجار لايجلب اي شيء سوي وجع الراس والاعصاب

[القائدة]

المشاركة الأصلية كتبت بواسطة ام رضوان

ربي يهديك اختي على هذه النصيحة
وعلاه اللي عندها واحد برك تخليه ينقطع نسلو ولا لازملو هو ثاني وحيدة اهلها.

آمين و اياك
هذه الحقيقة شئت ام ابيت
نحن نتكلم من ظواهر واقعية مش من منطلق عاطفة