طريقة تحضير شابلوغ خبز يابس مرحي

[أم محمد علي]

بسم الله
أولا :يبسي الخبز جيدا
ثانيا :قطعيه صغير أرحيه في الروبوا أو رابيه

ثالثا :حمصيه في المقلاة وخلطي بملعقة خشبية حتى يتحمص مليح وهنا أفضل بكثير من الفرن
فائدة :الكاوكاو أو الخبز مرحي أرحيه ثم حمصيه حتى تتحمص كل حبة وجزيئة صغيرة وتكون عندوا بنة هايلة عكس تحمصي الكاوكاو حب ثم ترحيه جربيه ورديلي الخبر(والبذرة الصغيرة الي اجي بين الفلقتين في الكوكاو نحييها مرة بزاااااف)
رابعا :ستفيه في صينية وخليه يبرد
ثم احفظيه في علبة زجاجية
وهناك من يغربلوا في الكسكاس ويجي على حبة
واستعمليه
في البسبوسة أو غمدي بيه وتقليه
لأننا مانرى اليوم كوارث الخبز طري ويابس مرمي في الطرقات ربي يلطف بينا
وبهذه الطريقة تحتفظي بيه أطول مدة