جوابكم من فضلكم

[مشكلتي]

هناك تعلق ولكن لايوجد توافق بيني وبينه
ماهو لا ملتزم ولا رزين ولا يعرف شيء
يبان برك قدام العباد سسي قليل وما يكلمش بنات بصح فالتيليفونات والنت ليس برتبة شيطان بل هو ابليس نفسه
مايعجبنيش رغم اني مقدرتش نحو من بالي بصح نقدر نكمل بلا بيه
حابة نعيش في عالم روحاني بعيد عن التشوطن والنفاق
منسيبورتيش لي جان تاع هد الوقت
غي تاع تنمسخير وتشوطين حاشا الخمسة ولا الستة لي بقاو شادين فلعقل
قلتلكم شاب كبير في لاج بصح مش صغير مايبانش في الخارطة الاخلاقية خلاص
تاع عشق بنات واي نوع من البنات لي عندهم المفاتن غي قولو عليه شاد يعني سفيه
مش امام الاعين بل خفية عن الاعين والكل يعتقد انو مءدب
انا جابدا روحي منو عساه يفهم بلي منحبش نفهم ولا نفكر ندخل في عالم تاعو الصغير والوضيع
منقدرش نعيش مع واحد قادر يردني سفيه مثلو ويخرجني من ملة محمد عليه الصلاة والسلام
كيما درت مابغى يفهم راني جابدا عليه بصح محبش يفهم
هل ممكن نهدر مع صاحبو المقرب مع اني ابغض تكليم رجال بصح ربما يفهمو باش يبدلو وجهتو ويخطيني
ماعادش يعهني زواج
وليت نشوف فيه مرض وازمة
وانا نخدم بشهريتي لاباس بيا مخصنيش لي يخدم عليا ومكاش لي مات كي متزوجش
هل من جواب من فضلكم والاراء الجانبية تاع صب الزعاف فلموضوع مكلاه

[المحقور1]

ساهلة يلا صح انت فحلةي قوليهاله في عينيه و وجه لوجه
بما انه يتظاهر بحسن الخلق امام الناس و في الخلاء يفعل كل شيء
تصرفي كامراة حقيقية و اخبريه انك لا تريدينه وانك تمقتينه وو و و انك لا تريدين الزواج لا به ولا بغيره
و انك موظفة و ستبقين وحيدة للابد
اخبريه بنفسك ولا ترسلي له احد

[طيور الجنان]

يااختي قولي لاهلهك هوما يهدرو معاه يبعد عليك اذا ماحبش يروحلو لماليه.

[soumissalam]

هذاك الله واصلحك كل هذا وتقولي نكلمو ونكلم صاحبو سبحان الله وين وصلنا
هو اصلا باي صفة تتكلمي معاه حتى تروحي وتكلمي صاحبو حتى وكان خاطبك الكلام معاه بشروط معينة
نصيحة مني مادامك مازلتي في اول السكة اصلحي نفسك واجبدي روحك من هذه المتاهات وارجعي لربي واستغفريه وسيرزقك بزوج صالح كما تتمنيه

[mino 13]

فى لحظة حسيت روحي نقرا فى شعر

[rose de sable s]

انت سالت واجبتي ابتعدي عليه و تصرفي معه تصرفات يجعله ينفر منك
اذا كان يميل للبنات لما يتعلق بك

[خالد عنابي2]

من فضلك اكتبي موضوعا واضحا ماناش عايشين معاك هذه اول مرة نسمع بكي وبمشكلتكي لذلك وجب البدئ من البداية والكلام الواضح

ثم رانا حايرين فيك وما فهمناش وش راكي حابة

ما معنى ان تقولي

هناك تعلق

هكذا بصيغة مبهمة دون توضيح تعلق من بمن ؟ اذن تعمدتي ذلك للايحاء انكي انتي ايضا متعلقة به

ثم دعمتي كلامكي ب

مايعجبنيش رغم اني مقدرتش نحو من بالي بصح نقدر نكمل بلا بيه

كيف ميعجبكش ورغم ذلك متقدريش تنحيه من بالك ؟

اذن انتي حابة ومش حابة في نفس الوقت

اعدلي روحك وما تجيش تتمسخري بينا هذا القسم لاصحاب المشاكل الحقيقية وليس لاصحاب النزوات العابرة والاهواء المتقلبة

انتي ايضا مستمتعة بما يحدث معكي من تجربة ولكن فقط تريدين ان تستمري بدون التزام باش تجبدي روحك في اي وقت تشائين

اذن لا تقولي عنه ابليس لانكي لستي قليلة

وطبعا هو ما يخطيكش لانه يرى نوعا من التجاوب من طرفكي

لو كنتي جادة وقطعتي كل الخيوط حينها فقط سيفهم

مجددا فهمي روحك وما تتمسخريش بينا وما تضيعيش وقت الاعضاء

[أم سلوى]

المشاركة الأصلية كتبت بواسطة mino 13

فى لحظة حسيت روحي نقرا فى شعر

نفس الشئ...حصل لي

[nihal159]

ماهي صفة هذا الرجل: خطيب أم عشيق.
على أساس إجابتك؛ نقدر ربما ننصحك.