رمضان ...الدخول المدرسي ...العيد ...الى اين

السمسمه · 2009-09-21, 13:20

الشعب الجزائري كل يوم يبكي و يشكي الغلاء و الاسعار و الاسطوانة القديمة نتاع معندناش و مقدرناش لاكن جاء رمضان صح و بعدو بايام الدخول المدرسي راني معاك ثم العيد و قلنا معليش لاكن في هذا الثلاث مناسبات شفنا انو في رمضان القفة الله يبارك كل و احد يقري لاخر كيفاه تكون معمرة و كامل يحكيو واش واساو لفطور و كثر الاطباق و خلي الجيب يغني و جاء الدخول المدرسي و دخلو لاولاد بملابس و ادوات و كراطب و الله عمري محلمت نكسب كيفها و خلي القصات لبنات و الاكسسورات و زيدددددددددد و جاء العيد و شفنا الحلويات اشكال و انواع و اللبسة الغالية لناس كامل كبير و صغير كامل بالجديد و الدراهم فايضين على لاولاد يطرطقو فالمحريقات من الي تسوى 2دج و هذو يطرطقوهم بالعلب الكبيرة و حتان الغاليه كامل الي تواسي 1000دج و يقولك معنديششششششش

مفهمنهاش الا هك معندهمش الي عندو كيفاه عامل
انا بكري نعقل على روحي كي يكون الدخول قريب للعيد نشري مرة و نلبس ملابسي نهار الدخول و نخبيهم للعيد و دراهمي نطمهم و نشريهم ادوات
اليوم التبذير راو لاعب لعبو تقول الجزايرين راقدين على الدراهم و يترقدو يعني و يشكيو و الله تقول يبعدو فالعين تسمع الشيكايات تقول صح تشوف لحالهم تحير و يغلب راسك من التفكير

بصح راني متاكده من حاجة انو الزوالي و الي معندوش يستر روحو و عمرو ميشكي لانو وببساطة الشكوى لغير الله مذلة
و يقولك خليها فالقلب تجرح و متخرج لبرى و تفضح

الي فهم فيكم يفهمني

مجرد راي
سمية

mahdidou · 2009-09-21, 15:29

الله يسلم هذا ك الفم لي عندك نستعرف بيك و الله تبقى غير تستغل فيهم انا معنديش انا ملحقتش انا ....انا.... ان...انا......

كمال الاسلام · 2009-09-21, 15:41

ذلك لان الله هو الرزاق و هو كريم

كما نحسبوا منلقولاهاش الحل

انتي تقول واحد خدام قيصو قيص روحو

كي يزوج يشري الغرفة و يشري تلفاز و يشري ثلاجة ويشري و يشري حتى يعمر الدار
و هو ليخلص غير 2 ملاين و3 في الشهر

يقول تعالى: (ولا تقتلوا أولادكم خشية إملاق نحن نرزقهم وإياكم)

السمسمه · 2009-09-22, 21:34

مولود حداد · 2009-09-23, 16:08

السلام عليكم ورحمة الله
في بلادنا من التناقضات الكثير وتجي تفهم فيها تدوخ.
ماذكرت واقع عشناه وعايشناه وعلنا نطبق قول النبي صلى الله عليه وسلم "إذا غلا الشئ فأرخسوه بالترك" لكن لا قدرة لنا على اتخاذ القرار وبقينا دائما خاضعين للظرف والمحيط الاجتماعيين.
موفقة ومشكورة على الطرح

السمسمه · 2009-09-25, 17:54

شكرا للمرور و التحفيز .....السمسمه