درت الكوراج

[~أميرة أميري~]

سلام خاوتي وخواتاتي ان شاء الله كامل تكونو بخير
راني بزاف عيانة بعد ماقطعت لياس وقلت مانزيدس نعاود الباك جا ليا بابا قالي في خاطري عاوديه وحقيلي امنيتي لانو الوقت لي راه جاي صعيب وتندمي على صغرك لي ضيعتيه
حابتكم تزيدو تشجعوني الله يخليكم والله دمعتي ماحبتش تحبس من جيهة بابا لي سيف عليا نعاودو حرة ومن جيهة مش قادرة نزيد نقرا ونتعب
ربي يخليكم قولولي ياو لوكان كلمة تحفزني كتر ونحقق حلم بابا
ومادابيا تعاونوني كيفاش راكم تقراو انتوما الاحرار وادا راكم معتمدين على الدروس الخصوصية
وكيفاش التسجيل بلنسبة للاحرار قريت بلي
استمارة التسجيل الالكتروني وشهادة مدرسية تثبت مستوى ثالثة ثانوي وشهادة اقامة هدا ماكان؟؟؟؟؟
مع العلم انو مانجحتش للمرة الثانية
ربي يخليكم لي يقرا الموضوع يعاوني بكلمة والله راني عيانة
بارك الله فيكم وربي يوفقكم كامل ان شاء الله

[kakita22]

khodi ray papak w 3andou el ha9 makach kima 9raytak jibi bac c bn tadoukhli l univ 9rayatha sah makhtalfa 3la lycée mais f la fin tadi déplom tadih ya3ni ida jabti bac tadi déplom rabi aywaf9ak nnchalah

[toulay]

وعليكم السلام ورحمة لله تعالى وبركاته

نعم عاود الباك تاعك وان شاء الله هذا العام تنجح الله يبارك منتدى الجلفة فيه بزاف مواضيع ودروس تاع البكالوريا كاين ناس حبسو لقراية بلاك 20 سنة ولا وزادو عاودو الباك وقراو وحدهم ونجحوا نورمال

فقط الارادة ودير في بالك بلي لازم تنجح

واش فيها اذا منجحتيش للمرة الثانية كاينين لبقاو يعاودو فيه حتى نجحوا ودرك راهم يقراو عادي خلاص وزيد فالجامعة تلقى ناس كبار ويقراو يعني بالمختصر العلم معندوش علاقة بالعمر

وين تدري بلاك تنجح ان شاء الله وتقرا فالجامعة وتتحصل على ليسانس وبعدها الماستر وزيد الدكتوراه وعلاش لا تكمل تقرا وتولي professeur

يا اختي لقراية مليحة بزاف وسلاح والنجاح تاني رائع مالا كون شجاعة وعاود الباك تاعك

بالتوفيق

[SAYA1998]

الله يفرجك عليك وعلينا الباك رجعلنا تقول شئ وحش،لازم تقراي اذا بطلتي رح تندمي بزاف من وجاي راني حاط موضوع فالمنتدى عنوانو لمترشحي بكالوريا 2016 وكاين فيديو فاليوتيوب عنوانو انني اشعر بك لطلبة البكالوريا مدته 11د تقريبا نرتاح بزاف كي نسمعو اتمنى انو يفيدك

[هشام رضا]

souzy manita
السلام عليكم ورحمة الله وبركاته اهلا اختاه ، ايه الوقت لي جاي ربي يرحمنا برحمتو ان شاء الله
خوف الأب عليك حقيقي ، بسبب انو كل واحد يخمم في همو وهم لي قراب ليه برك ، واحد معلابالو بواحد من ناحية اخرى
لكن نحن مؤمنون نثق بأن الرزاق هو الله عز وجل وحده لكن يجب أن نعمل بالأسباب ، في الماضي كانت هنالك مروؤة وشهامة من الرجل أن يكد هو وحده و يتعب من اجل عزة المرأة عن السؤال وعن شقي العمل اما الان فقليل ماهي ، اذا كان لديك حلم فحققيه لاجل نفسك ولاجل والدك ، لاجل خالقك ايضا ابتعدي عن اي موضع للفتنة واجعلي هدفك دراسة فقط.
أما بخصوص التحفيز ، بحثت كثيرا عن التحفيز فوجدت أن الاستمتاع بإنهاء الأشياء بشكل صحيح : أي حل التمارين وفهم الدروس وووو بشكل صحيح ، الاستمتاع بالانجازات تلوى الانجازات هي الوحيدة القادرة على جعلك تتفوقين ،
لكن هنالك عيب كبير وخطأ كبير يقع فيه بنو آدم في عدة اشياء ومنها الدراسة ، ونذكر من ناحية الدراسة أنها أولا الخوف ، والرغبة،،،
لما تضعين في مخيلتك معدل 18 مثلا وتقولي لازم نجيبو بأي طريقة وتضغطي على نفسك بشكل مهول في الاخير لن تنالي سوى 10 او أو أقل لا سمح الله لأن ذلك الهدف لا يسمح لك بالتركيز الجيد على هدفك ، والخوف من عدم تحقيق معدل 18 يزيد من خوفك وامتعاضك فذلك الخوف من عدم تحقيق حلم أبيك يجعلك في حيرة وخوف فيفرز كمية كبيرة من الدوبامين وووو يؤثر جدا على تركيزك في الدراسة
أما ان اردتي حقا التحفيز للدراسة ، استمتعي فقط بتحقيق الانجازات يعني استمتعي بالدراسة بشكل كبير اجعليها تحدي بالنسبة لك كلما تحلين من تمرين او تفهمين درس افرحي بذلك الانجاز الكبير الذي حققتيه ، اجعلي لنفسك هدايا مع كل مرة ، وانسي تماما انك تحققين هدف أبيك أو هدفك
وستجدين نفسك تحققين معدلات لم يسبق تحقيقها في الجزائر ان شاء الله
القضية قضية تركيز وخبرة :] فالشمس مع قطعة زجاج صغيرة تذيب النايلون ، ولكنها لا تذيبها دون قطعة الزجاج الصغيرة الا في حالات قليلة بعد مدة طويلة نوعا ما
بالتوفيق
أوصيك بشيء لن ينفعك احد في هذه الدنيا مهما كان إلا بإذن خالقك فإجعلي رؤية الله لأي شيء تفعلينه ابتعدي عن نواهيه واقتربي من اوامره
وربي يوفقك
ا

[هشام رضا]

+ اياك واخبار الناس ومن حولك من اصدقاء او صديقات او ناس بصفة اجعلي نيتك بين طيات الكتمان
فلن يتكرك الناس إلا والاحباط دخل جميع جوانب ذاتك

[abdou.wwe]

اختي تجيب الباك ان شاء الله ينفتحولك الابواب تقراي في الجامعة وتنساي كلش

[salahkichene]

bon courage o5ti

[khaledal]

we believe in you

[زكرياء97]

لازم تثقي في قدراتك و تأكدي انك قادرة على نيل الباك هذا العام ان شاء الله و كيما يقولوا الثالثة ثابتة بإذن الله

[nabilll85]

بالتوفيق انا كيفك 2 مرات مجبتش هدا العام نجيبوه انشاء الله
انا نقولك اعتمدي ع المواد الاشاشية تاعك و ريفيزي لوخرين معليش المواد لخرين خليهم فيفيري ولا مارس

[~أميرة أميري~]

بارك الله فيكم رانا كااااامل ناجحين ان شاء الله ........ طلعتولي المورال ربي يعطيكم واش تتمناو

[amel_19]

سلام اختي ما كل هذا التشائم مازالك صغيرة و المستقبل قدامك ولفرصة ماجيش دايمن .انا عندي 9سنين ملي فوت الباك و دورك رته عندي طفلة و تمنيت نعاودو و نحقق امنيتي رغم انه عندي DEA في تقنيات بنكية و Bts في تسيير الموارد بشرية .هيا توكلي على الله.