مساعدة من فضلكن

نهى اسطاوالي · 2015-10-09, 11:37

اخواتي الحبيبات
السلام عليكم
حبيت نستشيركم في نوع ماكينة الخياطة لاني حابة نشري واحدة كلما ندخل لهذا القسم نسخف صح انا استاذة لكني اجيد الخياطة ولا اجيد التفصيل فقد اخذت الخياطة عن امي الخياطة الماهرة ربي يحفظها
قولولي واش من نوع تاع الماكينة نشريها بصح مانيش حابة لي تجي بالطابلة
حابة هاذوك الصغار لي بلا طابلة
وربي يحفظكم
راني معولة نهبلكم لازم تعاونوني ونتعلم الفصالة

الوردةالجورية · 2015-10-09, 11:47

انا اختي شارية ماشينة سوبر زيقزاق راني مشية بيها روحي وهي امليحة اعلا قد الدراهم الي عندي اذا كنتي حابة وحدة موفقة

نهى اسطاوالي · 2015-10-10, 12:02

بارك الله فيك اختي الوردة الجورية بصح قوليلي شحال شريتيها لقيت واحدة اسمها تويوتا ب 1950

قوليلي تاعك شحال شريتيها وربي يحفظك

ام حمزة22 · 2015-10-10, 18:24

السلام علبكم
اختي ااكريمة المشينات راهم على كل نوع انا نفضل تكون فرنسية او المانية وانا عندي تويوتا مليحة تان جاتني كادو
اما الخياطة راهي ساهلة للي يخبها من قلبو ومادام تحبيها اكيد راح تتقنيها حتى انا خديتها من عند والدتي ربي بحفضها ويحفض جميع الامهات
وربي يوفقك ونشوف اعمالك في هاد القسم

نهى اسطاوالي · 2015-10-11, 18:49

خلاص انا تانيك لي شفتها تويوتا مالا نتكل على ربي
وراكي شجعتيني وحمستيني اكثر ربي يجازيك خير انت والاخت لي ردت علي
ربي يوفقكم

حنين فتـاة · 2015-11-06, 10:53

الا حبيتي تشري اختي اشري تيوتا ولا سانجار بويسك راح تصيبي لبياس تاوعهم كون يخسرو
انا عندي سوبر زيقزاق جابهالي صاحب راجلي من العلممة ب 800 الف

stayfiya · 2015-11-07, 00:05

صقصيت مليح قالولي هذا هي الماركه لمليحه بالتوفيق ختي