تارتولات بكريمة الكراميل و المورانغ

[نسيبة03]

السلام عليكم و رحمة الله تعالى و بركاته
صح عيدكم و كل عام و انتم بألف خير
انا عضوة جديدة معكم و لكنني من متتبعي منتدى الجلفة من سنوات و هذي أول مرة رايحة نحط موضوع هنا
حبيت نقدملكم تارتولات بكريمة الكراميل هايلة يااااااااسر نتمنى تجربوها صراحة كنت شفتها في منتدى اخر و راني سرقتها كيما إلهام07 و قلت نجيبهالكمنتمنى تعجبكم.
مقاديرالعجينة الرملية
كأس فرينة+4ملاعق كبيرة زبدة+ بيضة+1 ملعقة كبيرة سكر+قرصة ملح+1 ملعقة صغيرة خميرة كيميائية و نلمها بلاما نعجنهاو نخليها ترتاح نصف ساعة(ضروري جدا لانو هذا سر نجاحها) و مبعد نحلها ارتفاع 1مم ونحطها في صواني لتارتولات و نقعرها بالفرشيطةو نعاود نحطهم في الثلاجة(ضروري جدا باش تبقى حاكمة شكلها بعد ما ندخلها للفرن)ثم ندخلهم يطيبو.
الكريم كراميل
4ملاعق كبيرة كراميل( وباش تتحصلي على الكراميل لازملك تحرقي 4 م .ك سكر في 3 م.ك ماء)نسخنهم و نضيفلهم نصف لتر حليب +ملعقتين نشاء ونحرك بشكل متواصل حتى تولي ثقيلة مثل الكريمة و نبردها في ماء بارد ثم نضع طبقة نتاع كراميل في تارتولات و نخليهم يبردوا مدة نصف ساعة.
المورانغ
في الوقت اللي راهي تبرد الكارميل في تارتولات تحضريها
4 بياض بيض في 6 م.ك سكر ناعم و قليل من الملح
نضرب البيض شويا و بعد ما تشكل رغوة نبدا نحط السكر مغرفة مغرفة حتان نكملهاو تحكم روحها المورانغ
وبعد ما تبرد التارتولات تجبديها و تحطي مورانغ من فوق و تشعلي عليهم الفور من فوق فقط حتان تحمار المورانغ.
و قدميها شهية طيبة
اسمحولي ما صورتش الخطوات



نتمنى تعجبكم و تجربوها