تحلية الكسكاس الناجحة 100 بل 100

[Nami31]

السلام عليكم و رحمة الله اليوم ساقدم لكم حلوى الكسكاس الناجحة 100 بل 100 مجربة و معاودة من مطبخي
نبداو بالمقادير: هذه الكمية ل 10 فناجين
2 بيض
4 فناجل فرينة
2 فناجل سكر
2 فناجل حليب
2 خمارة كيميائية
2 ساشي فاني
1 علبة شكلاطة
8 ملاعق ك زيت
2 ملاعق كبيرة كاكاو
الصوص:
1 علبة شكلاطة (من الاحسن اومباسادور نوار ) (انا استعملت مرة اومباسادور جاتني الصوص تقيلة و روعة و كي ستعملت مينة جاتني مليحة بصح اومباسادولر خير)
6 ملاعق ك سكر
2 فناجين حليب
2 ملاعق ك كاكاو

نمزج كل المكونات معا بدون مكونات الصوص



نذهن الفناجين بالزبدة و الفرينة ونسكب المزيج
قسمت على 2 دفع الدفعة الاولى

الدفعة 2

نرشوهم فاغميسال خاطر كاين لي ما يحبهمش ايا يذوبو و يجو غاية و لي يحب يزين بيهم يزين
نخدمو الصوص ن خلطو كلشي و نديرو ه على النار حتي يذوبو يولو هاكا

كي تخرجيهم سقيهم و خليهم يبردوا
يوالو هاكا


بصحتكم اتمنى تقيموا الموضوع وتجربوا الوصفة و تنجحلكم