الغيرة

[مشكلتي]

انا امراة متزوجة ولي 5اطفال اعيش مع عائلة زوجي لكن في طابق منفصل والمشكلة ان زوجي عنده غيرة شديدة فانا مند زواجي لااخرج وحدي ابدي حتى بيت اهلي لانام فيه خاصة في 3سنين الاخيرة هده
رغم ان عائلته واخونه الدكور منفتحين زوجاتهم كل يوم في الخارج يقضون حوائجهم او يدهبون في زيارات للعائلة اما انا فلا حياة لمن تنادي ولان بناتي كبرو واصبحو يحسون بنفس الضغط الي اعيشه ويريون ان يتسوقو مع امهم كما بنات عمهم او ادهب معهم الى المدرسة بدل ابوهم العصبي الدي احيانا يسبب لهم الاحراج
وحتى الفسح الصيف كلها في البيت واعمامهم في تونس واولادي تعقدو
وهو يقول لنا كيفاه نروحو لتونس والعراء اللي فيها حابة تسخطينا
ساعات نقول انا اللي وصلت نفسي لها الدرجة بسكوتي او لو دا واحدة عندها شخصية كون راهي تخرج نورمال انا زوجت وانا عندي 19سنة وكنت قمة في الجمال والان فقدت ثقتي بنفسي السمنة العبادة ساعات كاينة وساعات لا من الروتين القاتل والحبسة في الدار
عدت الخدمة نخدمها بالسيف سخفت نهار نروح نطل على جداتي كي الناس وهو مهوش لاصق فيا تقول رايحة نهرب
اضن انو عندو وسواس قهري مام في الدار عايشين معاه تقول السلطان سليمان نحيولو الصباط نجيبولو التليكوموند الماء لازم نبقاو متيقدين 24ساعة على 24ساعة
وهو عايش حياتو بالطول والعرض ممنوع نسالو عليه واين رايح ولامعامن يحكي وقايم بروحو على اكمل وجه من روايح ولبسة واحنى لازم هو اللي يكسينا ساعات منقرش نلبسوهم علا خاطرماهوش دوقنا
والله كل يوم نخمم في الطلاق بصح نخاف من هدرة الناس وولادي كيفاه تصرالهم ونحس بانو حياتو راحت بين 4حيوط وانا كان عندي طموحات وطاقة
ربي يعيشكم انصحوني الحل كيفاه معاه نبدل العقلية ولاكيفاه