يا ربي منين نبدا , انا فتاة عندي 21 سنة متخرجة و جميلة جدا من عائلة ميسورة و معروفة بالأخلاق و التربية , عندي ولد خالي عمرو 30 سنة منين كبرنا شوي الكل بدا يحكي علينا كثنائي انا حبيتو بصمت و يماه ثاني تحبني , و كانت تقولي نديك لابني , لكن هو جامي لاحظت انو يحبني , لمعلومكم جامي شافني بلا خيمار و يشوفني غير في المناسبات مرة في العام و مع نشوفو نخرج و نبدل المكان . حتى مرة سمعنا بمشكل عائلي في دارهم و تصالحو مكنتش عارفة التفاصيل وقتها , المهم بعدها جاو خطبوني رسميا , أنا لأني فتاة كنت شاكة في الموضوع لانو المراة تعرف اذا كان الراجل يحبها او لا , و هو مكانش يحبني و كانت عندي فكرة انو يحب وحدة اخرى بل كنت واثقة , انا بعد ما تاكدت من استنتاجي رفضت و قلتلهم منتزوجش بيه حتى لو نموت عليه يستحيل ندي راجل بالو عند وحدة اخرى , بصح دارنا مفهموش الهدرة هذي و قالو ما عندك حتى دليل و راجل ميتعيبش و فيه كل المواصفات و البنات كامل يتمنوه , و عدا عن ذلك كانت اسرتنا مارة بعدة مشاكل يعني خاوتي منجحوش و بابا عندو مشاكل مع اهلو و قالي يا بنتي حابين نفرحو شوي , و راهي جات الفرصة و ديري كيما حبيتي , وافقت على الموضوع شكليا لكن في قرارتي كنت مجبرة و مشي حابة نهائيا , المهم مشى كل شي نورمال ماحكينا تلفون ما تلاقينا كلشي خططوه العائلتين و فوتو الموضوع كيما حبو هوما , انا كنت عارفة مصيري بلي راح نعيش تعيسة لا حب لا والو , المهم عقدنا و فتححنا و جا نهار العرس كنت تجملت و لبست غوب بلونش و كنت كيما القمر هههه , لي تجي تقولي يا سعدو و لي تقول خسارة مكيش من نصيب ولدي و انا نقول في قلبي ان شاء الله هو يفهم الشي هذا , رغم كلشي كنت فرحانة بزاف و كنت نقول نسيه في لخرى و نتامل و نبني في احلام سعيدة معاه , المهم وصل العصر و حنا نستناو يجو مجاوش , فات العصر عيطت لمرت خالي هاتف مغلق عيطتلو ليه لاول مرة ثاني مغلق , انا خلعت قلت كشما صرالو , فات المغرب الناس بدات تحكي القيل و القال و نظرات الشك , فات العشا المعازيم بداو ينقصو و تحولت النظرات من الشك الى الشفقة وو انا قاععدة ندور بلاغوب بلونش و كان عندي امل انو يجي مكنتش حاباتو يشوفني بلا بيها و رحت للباب و قعدت نستنى , فرغت الدار كل عيطت يماه و هي تبكي قلتها غير لخير قاتلي راه بطل و مناش جايين و اسمحيلي ابنتي انا جمدت في بلاصتي مرديتش عليها و هي قعدت ساكتة قعدنا هكاك خمس دقايق حتى كوبات هي , يما داخت بابا خرج من الدار و راحلو , انا معرفت وش ندير تجمدت و محبيتش يما تحس بضعفي لانو اي يشي يخليها تمرض , تماسكت , رجع بابا قالي وش درتي حتى دار هك , راسي حبس بابا عاد يشك فيا و انا مضرب المثل في الاخلاق فاتو يومين و انا مناكل منشرب , حتى اليوم الثالث نزلت اول دمعة من عيني و بديت نبكي بالصوت انهرت تماما , بعد يومين جا هو و يماه و خالي و اعتذروا يماه بكات و قاتلي على وجه ربي ارواحي معانا ترجاتني و قاتلي راه مريض بصدمة نفسية برك من الزواج و خايف من المسؤولية , انا كنت عارفة السبب الحقيقي بصح درت روحي صدقت لاجل العائلتين و و لاجل يما لي مرضت خلاص و لاجل بابا لي مقدرش يهز راسو , رجعت و عارفة وش يستناني . رحت معاه للدار . ما قلت حتى كلمة هو فاهم و انا فاهمة , رجعت لحياتي الطبيعية فقط تغير محل اقامتي , نطبخ نغسل نقرا و عايشين كالخاوة في الدار , هو حكالي الحكاية قالي تزوجتك مجبر لانو يماه غضبت عليه و باباه حاوزوا من الدار و قالو نتبرا منك لانو السي راجلي يحب وحدة فاسقة و معروفة بالفسق تاعها و قالهم نتزوجها و نسترها , بصح حلفلي انو ما صرا بينو و بينها والو لكن اعترفلي بلي يحبها بجنون و ميقدرش يعيش بلا بيها و قالي بسبتك نتي راني بعيد عليها , و قالي افضل حل نطلقو بالتراضي , انا وافقت مباشرة لاني حسيت بالقرف منو و من الحياة هذي و كرهت كلش لدرجة اني نلبس الخيمار امامو , مرضت يماه و وصلت للموت رحت عندها نعتني بيها لانو مكانش لي يقومها و الحمد لله ارتاحت و قعدت تدعيلي و كل ما نجو نطلقو تصرا حاجة حتى كرهت و رحت لدارنا و قلتلهم رايحة نطلق و واحد ما يسقسي علاش , ما جا يفوت النهار حتى جاني للدار و قالي ضرك ترجعي و كيفاش تخرجي بدون اذني و قعد يخلط و نتي مرتي و رجعوني للدار بالسيف عليا قتلو انت ماكش راجل رجعت في كلامك منبعد قالي بلي يحبني صح و بلي انا هي لي كان يحوس عليها و بلي لخرى نزوة انا هنا انفجرت فيه و حكمني انهيار و حكيت كلشي في قلبي بعد صمت . سكت هو و انا قعدت نبكي و منين يجي يحكي معايا نقولو طلقني لانو كرهتو و الله العظيم كرهتو . مروا يامات بدا يلمحلي انو زوجي و بدا يضحك معايا و يدللني , و قالي هيا نشريو الاثاث تاع الدار لانو دارنا مش مفروشة يعني زوج مطارح في كل غرفة و طاولة طعام في المطبخ , رحت معاه على مضض , و حنا ثما عجباتو شامبرة قالي وش رايك في هذي سرير دو بلاس و خزانة المهم انا ثما فهمت مليح وش راه يحوس قتلو مليحة اديها هو فرح و قتلو بصح شكون راح يرقد فيها هو تلعثم قتلو انا هكا ما يساعدنيش الحال رحت و خليتو , و راني في دارنا. علابالي طولت عليكم حاااولت نختصر قد ما نقدر , المهم قولولي وش ندير معاه و من فضلكم متقولوليش ارجعيلو لانو طاح من عيني و كرهتو و منيش حاساتو راجلي , قولولي كيفاش ندير بش نطلقو بهدوء لانو اعصابي تعبو و كرهت الرجال و ساعتهم .
( تقرير عن مشاركة سيئة )، و الموجودة أسفل كل مشاركة .
2015-08-09, 11:23
ساعدوني رجاااااااااااء
العرض العادي
