طريقة الاعتناء بالمشينة

[الخروبية]

السلام عليكم
وشراكم لبنات نتمنى تكونو بكل بخير بلا منطول عليكم والله نشتيكم ونحب نحكى معاكم
نتوما ناس ملاح وتفهمو ليه ليه وانا اليوم حبا نحكى معاكم على امر مهم بزاف حكينا على لخياطة
وليمودال وتعلم بصح الامر المهم مهدرناش عليه الا وهو المشينة انا صراحة نحب مشينتى
ونقوللها بنتى ودمى فيه كريات الدم الحمراء والبيضاء ومشينات يعديو بيناتهم قبل مانحكى على المشينة
نحكى على جدى الله يرحمو هو وجميع موتى المسلمين مات رمضان الى فات كان يحب السيارة
تاعو بزاف وكان يقولى قدما نستحفض بيها تستحفض بيا وديتها حكمة من عندو نرجعو لموضوعنا
لازم تعتنى بالمشينىة عناية خاصة

1لازم تحلى منين الكنيطة وتنحى لخيوط علبالك بلى خيط فيه 5سم يحبس موتور كامل

2ديرى بانسو ونضفى لغبار لى يدخل منين الكنيطة

3لكان تخدمى بيها كل يوم زيتيها كل يوم ولاكان متخدميش بيهازيتيها مرة فى السمانة

4لازم تشري لبارى الخاصين بيها

5لازم تكون لبرى ماضية باه ميخسرش لقماش

6متخدريش الفيتاس اخدمى بعقلك
هكا متلقى حتى مشكل وتكونى ستحفضتى بيها باه تستحفض بيك تحية من الخروبية للجميع سلام يا كرام