حدثنا كيف كان اول يوم دراسي

رحاب النجاح · 2009-09-13, 17:48

بسم الله الرحمن الرحيم
اليوم كانت الدخلة تاع لقرايا
حكيونا كيفاش جوزتوها
وين طحتو؟ طاحو معاكم صحابكم؟
انا بالنسبة لياكل شي مليح غير الطاولة سبقوني لها انا قعدت فالاخيرة

دعيولي يا رب برك ما نكملش العام فيها

صح فطوركم

ما تنساوش تدعولي

طالبة عِلم · 2009-09-13, 21:39

أنا طحت في قسم 1ع4
و جلست في الطاولة الثانية في الصف الأوسط (أول مرة) هههه
لكن الحالة والله ما عجبتني و طحت مع واحدة برك كانت تدرس معي
ممكن والفت السيام التاعي
المهم ان شاء الله نتعود على ثانويتي والله يوفقنا وييسر لنا أمورنا
جزيل الشكر لك أختي رحاب النجاح على هذه الالتفاتة الحسنة منك

سندس جيجل · 2009-09-13, 22:01

انا مانيش فرحانة بزاف بالدخلة هذا العام صحاباتي لي والفتهم ما طاحوش معايا و اما الطاولة انا ما يتخافش علياا بلاصتي في الطاولة الثالثة و لا الرابعة واحد ما يطيرهالي بصح كيعطاونا البرنامج الاسبوعي قريب تغاشيت راهو شارجي للفم ما كانش التحراك هذا العام.

شهد12 · 2009-09-13, 22:32

بالنسبة لينا أحنا ماقرينا والو منين دخلنا واحنا ندورو فاللييسي أما بخصوص المقاعد فنحن بقيت عندنا الاماكن الأولى لا أحد يريد الجلوس فيهاوقد كانت البنات في حال يرثى لها لدرجة أنك تعتقدين نفسك بأنك لست في دولة ليست ديانتها الاسلام ومشكوووووووووووووووووووووووووووووووووووووة أختي رحاب على هذا الموضوع وكان الله في عوننا وعون الجميع *

طالبة عِلم · 2009-09-13, 23:54

اقتباس:

المشاركة الأصلية كتبت بواسطة chahd lilia

بالنسبة لينا أحنا ماقرينا والو منين دخلنا واحنا ندورو فاللييسي أما بخصوص المقاعد فنحن بقيت عندنا الاماكن الأولى لا أحد يريد الجلوس فيهاوقد كانت البنات في حال يرثى لها لدرجة أنك تعتقدين نفسك بأنك لست في دولة ليست ديانتها الاسلام ومشكوووووووووووووووووووووووووووووووووووووة أختي رحاب على هذا الموضوع وكان الله في عوننا وعون الجميع *

و الله عندك الحق في هذي
حتى حنايا هاك

abdadimrachid · 2009-09-13, 23:20

انا طحت في1ع ت2 وصرات ديقا علا جال بلاصة تالية حتا نفخولي عين

رحاب النجاح · 2009-09-15, 13:27

[quote=abdadimrachid;1593038]انا طحت في1ع ت2 وصرات ديقا علا جال بلاصة تالية حتا نفخولي عين[/quote
ههههههههههههههه باين عليك واعر

samo1993 · 2009-09-13, 23:49

ههههه إنشاء الله تجلسي في الطاولة لي حابتها .
أما عن الدخول طت في كلاسا صـــــــــــــــــامطة حتى واحد ما نعرفه يصح إنشاء الله إدعيولي باش نبدل لل 1ع1 لأنني في 1ع3

الـ^ـسَّــآآحِـ^ــرْ ، · 2009-09-14, 00:07

ضرتني لاديداس ههههههههههه و الله دارت فيا حالة ،،

المهم أن طحت في قسم ج م ع 1 ، الطاولة الأولى قسم أشرار و أخيار . ههههههه

رحاب النجاح · 2009-09-14, 05:13

شكرا لمروركم جميعا
ان شا الله توالفو بالليسي
انا القسم اللي طحت فيه 1ج م ع1 هايل لبنات كامل معاي
بصح كيما قالت الاخت minara البرنامج تقييييييل بزاف كي النهار اللي ندخلو على 08 نخرجو على 12 نزيدو نرجعو على 13 نخرجو على 17 ما يكفيناش الوقت حتى باش نريحو-----تاني المشكل تاع الطاولة يا رب يتفرا
يا رب كون معانا

الـ^ـسَّــآآحِـ^ــرْ ، · 2009-09-14, 08:50

آمين ،، و الله مشكل من 13 -17 راح نهبل .

gladiator-17 · 2009-09-14, 12:24

انا طحت في 1ع ت 3
البلاصة الرابعة
قسمي لاباس بيه بصح الغياب ياسر
البرنامج الاسبوعي شارجي ياسر 4سوايع العشوة
ربي يلطف بينا

ايناس الجزائرية · 2009-09-14, 12:34

انا هدرت مع صحبتي قاتلي رانا في قسم
2 علوم تجربية 1 البنات صحباتي كامل معانا (تفاهمنا مع الايدارة باه ميبدلوناش)
بالنسبة ليا مزال مرحتش حتان بعد العيد ان شاء الله

samo1993 · 2009-09-15, 00:13

أنا مستاء كثـــــيرا لأنني طحت في قسم سيئ و ماحبوش يبدلوني

مشاعر سرمدية · 2009-09-16, 16:18

أردت مشاركتكم حتى لا تنسوني...

أنا طحت في قسم 1ج م ع 1...

الطاولة الثانية في الف الأول...

الأساتذة ملاح...الله يبارك...

مبصح البرنامج باين واعر...

لا تنسوني من صالح دعواتكم...