أمي والعائلة بأكملها في خطر عظيم..

[مشكلتي]

سلام
مشكلتي بدون مقدمات هي أني نخمم في حال أمي. هي كبيرة شوي -60سنة- كبرتنا وعلمتنا كامل رغم أنها أمية يعني توصينا ديما على القراية حتى نجحنا كامل والحمد لله كل واحد في بلاصتو. المشكلة أنو هي مازالت أمية وتغيضني أنو ما نقصت علينا والو وحنا عيينا نعلموها. بكري كيكنت فليسي ديما نحاول معاها في كل خطرة بطريقة مختلفة وفي كل خطرة تردني وتصدني بقوة وتقولي خليني أنا ما بقاليش ومانيش راح نهز. وهي صعيبة شوية نخافها كيتتقلق.عييت معاها تروح للمسجد والو خاصة و أنو النسا لي يقراو لهيه كامل عندهم بزاف ملي بداو وراهم متعلمات لاباس دوك. ولحد الان مالقيتش فوج جديد تبدا معاه. وأصلا ظروف الدار ما تسمحلهاش تقرا على مدى العام لأنو رغم أنو كبرنا كامل بصح كامل عندنا شغالاتنا. لي يقرا ولي يخدم والأغلبية نخرجو خارج الولاية. وتبقى وحدها مع الدار. والله نتأسف على هاذ الشيء خصوصا وأنو حانتحاسبو قبلها عند ربي سبحانو. ولي يحرقلي قلبي كتر أنها تعبي وقتها بالقال والقيل وكينقولولها حرام والحسنات لي تكسبهم من صلاتها وكلش يروحو فهاد الشي ماتشتيش وتلقالنا ديما أعذار تقوللنا مثلا راني نعاود وش كاين منيش نكذب ولا ساعات تنفي بلي هدرت في فلان وفلانة أصلا. والله عيينا نفهموها بلي مالازمش هكا. انصحوني خاوتي بارك الله فيكم كيفاش ندير بش نقدر نقنعها بلي كاين لي في عمرها ويهزو ويتعلمو نورمال. وكيفاه نقدر نعلمها وانا نقرا في ولاية بعيدة على ولايتي. وكيفاش نقدر نحيلها الغيبة هادي ونقنعها بلي حرااام.
جزاكم الله خيرا

[فتيحة تفاحة]

ربي عينك على فعل الخيران شاء الله حببها في قرات القرآن وثوابه عند الله

[AMINA.Z]

ان لم تكن تريد التعلم فلا يمكنكم اجبارها

اما قضية الغيبة فلن تستمع لكم مهما كلمتموها

الحل ادعيو ربي يهديها

[houssem zizou]

و عليكم السلام

التعلم ليس مشكلة، كوني على يقين أن الله لن يسألها يوم القيامة لماذا لم تدخلي لمحو الأمية و تتعلمي
لكن يستثنى من ذلك تعلم الدين فهناك من الدين ما هو واجب تعلمه على كل مسلم
أما قضية الغيبة ما لحظته عند كثير من الناس عندما تقول له يا أخي إحذر الغيبة
يقول لك هذا الذي ذكرته في ظهر فلان أستطيع أن أقوله له في وجه..! و ما شابه ذلك من الأقوال
و هذا ليس تعريف الغيبة، فالغيبة كما عرفها النبي صلى الله عليه و سلم فقال للصحابة: (أتدرون ما الغيبة) قالوا الله و رسوله أعلم قال: (ذكرك أخاك بما يكره) قيل: يا رسول الله أرئيت إن كان في أخي ما اقول، قال: (إن كان فيه ما تقول فقد اغتبته و إن لم يكن فيه فقد بهته) -أو كما قال عليه الصلاة و السلام- و الغيبة شبهها الله في كتابه بأكل لحم أخيك ميتا فقال: (و لا يغتب بعضكم بعضا أيحب أحدكم أن يأكل لحم أخيه ميتا فكرهتموه)
ثم عليك أيضا أن تتلطفي في نصحها و تستعملي الرفق فإن ذلك أدعى للقبول و اعلمي أن مهمتك انتهت هنا و النتيجة ليست عليك
و أيضا أدعوا الله أن يهديها
أسال الله أن يهدي أمك لكل خير و يباعد عنها كل شر و أن يعييننا و إياها على التفقه في الدين

[وصال سلام]

انك لا تهدي من احببت ولكن الله يهدي من يشاء

ادعيلها كيما قالت لي قبلي وحاولو معاها انت بعيد عليها بزااف لي معاها وقراب ليها هوماي يقدرولها وباين عليها ماعندهاش الارادة انتوما اخلقوهالها الاخيرة باه تقرا سورة صغيرة من القران وعندها اجر مضاعف

قوللها على المثل لي يقول ماعادت حراير حتان شابت الظفاير قوللها هكاك العلم من المهد الى اللحد طولة بال وصبر وشوية ارادة لا اكثروالعلم ماعندوش سن معينة والله العظيم كان يقرا معانا شايب كبير في الجامعة عاود الباك

عجوزة خالتي فايتة امك في السن وتقرا ومرة كنت عندها قالتلي شوفيلي هاذا الحرف كتبتو صحيح ولا غالط وديريلي النقاط باه نكتب ماينة ليها شابو سبحان الله

ربي يقدرك وترد خير الوالدة وتعبها عليكم

[الصديق قروف]

اصبرو عليها
صح لزملها وقت باش تتعلم
شوفو كيفاش تحببولها لقراية

[ندرومية]

ربي عينك على فعل الخيران شاء الله حببها في قرات القرآن وثوابه عند الله

[salem1985]

لازم تكون عندها خدمة ولا فن ترغب فيه تعمر وقتها من القيل والقال ما فيه حتى حل ولازم انتم تبقاو معاها باش تنسى هذة الافة

[ابتسام smile &hope]

سقسي فالجمعيات
روح لمديرية التربية وسقسي
وكل يوم وريلها فييوهات وتصاور الى نسا قراو ونجحو
اذا ماراهيش مريضة قوللها تروح تعاون فالجامع مع النسا باش ينقوه
وزيد في محو الامية تتلاقى مت نسا جدد وتدير صحابات
واذا عندك دراهم ديرلها جوائز تحفيزية _حجاب غالي _ صياغة_ عشاء في مطعم يعني كل مرة وكيفاش
وزيد سقسي على اش وحدة من معارفكم راهي تقرا بالاك يماك تغير وتبدل رايها
وربي يحفظها

[thmaster100]

15-20 مليون وروح اديهـا للعمرة ولا اديها للحج موسم الحج اقترب



واصل

[RidhaRezzag]

دريلها الشيخ شمس الدين راح تتعلم بالفرح والسرور امور الدين

[aminazy]

السلام عليكم
عن تجربة اقول لك
1-ما تفرضش عليها رايك لانها ليست في سن لي تتقبل فيه النصيحة
2-الدين يسر وليس عسر
3-شوف هذي حاجة مليحة لو تطبقها سوف تتعلم وهي ان تبحث في الانترنت عن قصص جميلة من قصص الانبياء والصحابا ونساء النبي عليه الصلاة والسلام وايضا قصص ذات عبرة في هذه الحياة لكن كن حذر في اختيارك لهذه القصص حتى لا تفهم الموضوع خاطأ .حيث كلما اتيت من العمل البعيد اجلس معها في الوقت المناسب واروي لها تلك القصص وسوف ترى النتيجة
حيث انها تبدا في روايتها للاخريين وتنقطع تدريجيا عن النميمة .كما انها سوف تتعلم منها بطريقة غير مباشرة
...................................وربي يعينك على ما انت مقدم عليه..........

[cezar algerien]

والدتي في عمرها 70 سنة ومازالت تقرى وتتعلم فما بالك بوالدتك وعمرها 60 سنة

من المفروض كاين أقسام محو الأأمية متوفرين في كل الولايات أو كاين مساجد دايرين التعليم للنساء اديها خطرة ولا زوج تتدخل وتشوف، أكيد كي تشوف نسا كبار وفي مثل سنها ويقراو تقتنع وتبدا تقرى معاهم

[nostalgia]

بداية حاولي معها ولا تملي ابدا و لكن بهدووووووء فالاشخاص الكبار في السن نادرا ما يقبلوا النصيحة من الصغار... ان كنت قادرة ماديا ابعثيها لاداء عمرة اكيد ستتغير باذن الله

[اعجوبة الحياة]

حاااااااااولي