السلام عليكم نشاء الله تكونو بخير
اليوم جيتكم بوصفة بالسلق
واااااو شحال بنينة نبداو على بركة الله
نحتاجو لهذ الوصفة حوالي كيلو سردين منحينلو اىشوك مع شوية ثوم وملح ونجمروه في مقلة
ايييييه انعم سردين
نحتاجو كذالك حوال 2ربطات سلق مفور او كيما انا نحب نطيبو مباشرة في قدر باش يحافظ على جمين فوائده الصحية بإذن الله
نحتاجو رطل بطاطا مقطعة مربعات مقلية
و3حبات بيض مضربين مع شوية ملح وفلفل اسود
كيما نحتاجو كذالك لعجينة لي متكونة من:750فرينة حوالي كاس اتاي زيت حبة بيض ملح وخميرة الحلويات ونطم بالماء او شوية حليب
الكيفية:نحل نص كمية العجين ونفرشها في صنية مرشوشة فرينة ونبداو نحطو طبقات الحشو نبداو بنصف كمية البطاطا ثم نص كمية السلق ثم السردين كلو ثم السلق المتبقي بعدو البطاطا المتبقية وفي الاخير البيض مع الملح وفلفل اسوج ثم نغطي بالعجينة المتبقية وندهن بصفار البيض كما يمكنك تقطيع ورود او اي اشكال من بقايا العجين ونزينو بيها كيما ندير انا باش مانميو والو وتكون شابة وفي الاخير رشة سانوج او جلجلان او حبة حلاوة مع زريعة اىبسباس
اما بالنسبة ليا نخلطهم كامل ونرش من فوق رايحة تعطيك طعم ورائحة خيالية وكذالك صحيةندخلوها الفرن قيسما تحمار
وبصحتكم ودعلي دعوة خير بركات علية
( تقرير عن مشاركة سيئة )، و الموجودة أسفل كل مشاركة .
2015-07-25, 14:21
اجريييو السلق مع بيبا راه داير حالة
العرض الشجري