صَاَبَلَيَ اَلَتَاَجَ مَنَ مَطَبَخَ شَمَسَ

[شمس بريكة]

السلام عليكم
اليوم جبتلكم قاطو ماش جديد عليكم بصح حبيت نمدلكم طريقتي فيه وكفاش جاني
حضرتو بمناسبة عيد الفطر 2015
صابلي التاج من عند ام اماني ربي يخليها
اولا نبداو بالمقادير

المقادير:

250غ مرقرين
120غ سكر رطب
2صفار بيض
بيضة كاملة
نصف كاس نشاء
نصف م ص خميرة الحلوى
فاني
فرينة
زاست قارص للنكهة

التزيين
شكولة
معجون
عجينة اللوز او السكر
احجار فضية


خلطي الزبدة والسكر زيدي البيض و الفاني والخميرة وزاست القارص و النشاء ولمي بالفرينة
وكوني عجينة طرية خليها تريح شوية حطيها في ساشي باش تريح مابين تشعلي على الكوشة و
وجدي ليمول تاع سلكون تاوعك
شكلي حرابش
ودوريهم على ليمول وابسطيهم بيدك
انا درتهم حبة وحدة نعمر ليمول كامل
وكاين الي تعمر نص ليمول ودير دوائر وتلصقهم بالمعجون انا درت طريقة ثانية
كما قلتلكم عمرتهم كامل خليتهم يطيبو ربع ساعة من تحت
ويتحمرو من فوق انا نحب القاطو يتحمر شوي ما نحبوش ابيض
ذوبي الشيكولة معة شوية زبدة وشويييية حليب باش ما تجيش خاثرة ياسر
انا مادرتهمش في ليمول غطستهم ديراكت كنت مزروبة بصح خرجو رووووعة تابعو الصور
هاذي عجينة السكر الي خدمت بيها


هنا كي حليتها بشوية نشاء وبديت نشكل فيها بالمول
.
هنا راهم مدايرين الصف يستناو في الدالة ههههههه
طيط طيييييييييييط
شوفو كما قلتلكم مادرتش زوج فوق بعض بصح المعجون الي قلتلكم عليه في المقادير صبيتو في وسط القاطو اش يجيني هيشوش وطري




تابعو باقي الخطوات

هاذي اختي تعاون فيا



هنا كي حطيت الوردة

ه

ونرشقها بحبة عقاش





وفي الاخير كملنااااااااااااا

زغرتو يويويويويووووووووووووووووي واخيرا



ان شاء الله تجربوه والله ساهل ماهل انا اول مرة نخدم بالسلكون وندير قاطو التاج
نسيت ما قلتلكمش كمية المقادير ديرلكم 33 حبة انا درت دوبل خرجتلي 76 حبة

جربوووووووووووووووووووووووه وردولي لخبر