***حلوياتي لعيد الفطر *** (تقبل الله منا ومنكم)

[ام حمزة22]

السلام عليكم ورحمة الله تعالى وبركاته
رمضان مبارك تقبل الله منا ومنكم الصيام والقيام وصالح الاعمال
اخواتي الكريمات اليوم كملت حلوياتي وحبيت نحطلكم الصور قلت بلاك تعجلكم و تحبوا تخدموا مثلها
هي حلويات بسيطة اللوز راه غالي 200الف وزيادة درت غير تشارتك العريان باللوز ما نحبش رحت الكوكاو فيه
بدون اطالة نخليكم مع الصور

هادو لكورني مقليين قبل ما نحشيهم بالكوكاو وقليل من الجوز وحلوة الترك ثم غطستهم فالبيستاش اما العجينة درت نتاع البقلاوة لي قعدتلي حليتها رقيقة وقطعتها مربعات و حطيتها على قالب الكورني ولسقط الطرف ببياض البيض باه ما ينحلش كي يطيب وبعد ما نحطهم فالمقلات نكب عليهم الزيت بالملعقة كي يدخللهم طياب نحي القالب وخليهم يكملو طيابهم وبعد ما يطيبو نعسلهم ومباشرة نحشيهم



الكورني محشيين مع باقلاوة
مقادير البقلاوة
4كيلات فرينة وكيلة ايدام لافاني وماء زهر حتى تتلم العجينة ونخليها ترتاح نصف ساعة ونرش على طاولة العمل فرينة نحل العجينة فالاول بالحلال من بعد نبدا نيتعمل المشينة
انا مشينتي فيها ارقام من 1 الى 9 اي رقم 1 هو الكبير ونبدا نجوز فالرقم 1 ثم رقم 3 ثم 5 ثم 7 ثم 9 وكل مانعاود الرقم نرش العجينة بالفرينة





حلوة النقاش
مقادير حلوة النقاش هي نفسها نتاع تشاراك العريان الا ان تشاراك العريان نضيفلو ماءزهر بزيادة على اانقاش
والمقادير هادي معتامدة عليها من زمان : 3كيلات فرينة + ربع كيلة سكر قلاسي +كيلة يدام (خليط من زبدة وزيت وسمن) لافاني + حبة بيض


تشاراك العريان




صبيعات بنواد كوكو
والمقادير هي 2كيلات نواد كوكو مرحي رقيق +كيلة سكر ناعم +30 غرام زبدة بياض بيض وملون غدائي و لافاني نخلط كل المكونات الت البيض بالتدريج حتى تتلم العجينة
اما الحشو: كيلة بيسكوي مرحي وكيلة نواد كوكو لافاني وعسل باه نلم ااخليط ونوجد حرابش ثم نحل عجينة نواد كوكو ونحط داخلها حربوش من الحشو ونغلق عليه مليح ونشكلو اصابع


صابله مطلي
والمقادير هي 175 مارغارين + نصف كاس سكر ناعم + حبة بيض + 2 ملاعق كبيرة كاكاو وملعقة كبيرة فانيليا و 2ملاعق كبيرة مايزينة نصف ملعقة صغيرة خميرة كميائية
نضرب بالخلاط الزبدة والسكر ثم البيص ونستمر غالخلط قم نضيف المايزينة والكاكتو مع مواسلو الخفق ثم نشيف الفانيليا والخميرو والفرينة حتى نتحصل على عجينة طرية نحلها بالحلال ونقطعها دوائر بعد ما طيب نلسقهم مثنى مثنى باامعجون ونطليهم بااطلية انا استعملت الطلية لي معتامدتهت من زمان وهي بياض بيض وماء زهر وقطرات من عصير القارص ونضيف السكر الناعم المغربل بعد ما نطليهم نشبحهم يالسوكلاطة ونديرلهم الكاوكاو في الاطراف طبعا قبل ما تنشف الطلية
ملاحضة انت استعملت 2كيلات لان الكيلة الوادة ما تقطعش بزاف



زهرة الجلجلان
250 غ مارغارين + نصف كاس سكر ناعم + لافاني + 1بيضة كاملة + 1صفار بيض + فرينة
نخلط المرغارين مع سكر ثم نضيف البيض ثم لافاني والفرينة نتحصل على عجينة طرية نحطها في قوالب مدهونة بعد ما طيب نشبح الزهرات العلوية بالسوكولاطة ونلسقهم مثنى مثنى ونضيفلهز سوية مربى في الوسط وفي الجنب ونضيفلهم الجلجلان


بنيون
بعد ما ندوب الشوكلا والزبدة والعسل على النار نحيه من النار ونضيفلو الكوكاو و حلوة ااترك و قوفريط او قاط بيمو ثم نرمدو فنوتد كوكو او الكاوكاو او القوفريط


مقروط ااتمر
3كيلات سميد متوسط + كيلة يدام متكونة من زيت وسمن وزبدة + كيﻻ ماء زهر ممزمجة مع ماء


تحياتي للجميع
صح فطوركم