مشكلتي حائرة في الاختيار

[مشكلتي]

السلام عليكم وصح رمضانكم
اولا انا فتاة ابلغ من العمر 27 سنة
مشكلتي انه تقدم لخطبتي شخصين حائرة بينهما
من 4 سنوات تعرفت على من غير ولايتي وهدا في اخر سنة لي بالجامعة
تعلقنا ببعضنا بزاف وبقينا على اتصال بعدها
يعني مرات يتصل بيا يسقسي واش اخباري المهم بعد 3 سنين اي العام لي فات
قالي قولي لداركم راني جاي نخطب وفي هديك الفترة رفضت مش رفضته هو
لكن لعمله غير المستقل بحكم انه متخرج من فترة جديدة والخدمة مكانش
يخدم عند الناس تخوفت من هاد النقطة واصلا متاكدة في دارنا مستحيل يزوجوني
بشخص غير مستقل في خدمته خاصة ابي، هو قالي حنا ماعندناش هاد التخمام في دارنا
لخقت وين شفت روحي قادر نتزوج مكانش مشكل، المهن اقنعته بالفكرة وقالي لما اجد عمل
مستقر نجي طول ، المشكل انه العام هدا نفس الحالة لحقت وين ضاربنا عليها
حبيته صح يجي ونديره خطوة رسمية خاصة انه تعلقنا ببعضنا بزاف وفي نفس الوقت
لما حكيت مع امي قالتلي مستحيل يقبل باباك وهو خدام مرة في قهوة ومرة في حانوت
ومرة يبيع فالمارشي ، المهم وبعد فترة تقدم لخطبتي شاب والو مايخصه قاري بعمل مستقر
انا رفضته لكن امي لما سمعت جن جنونها قالتلي اخطيك من الاول هدا المناسب ليك
ياخاوتي انا متعلقة بالاول وهو متعلق بيا ندعيو ليل ونهار يلقى خدمة باينة ويقبل بابا
لكن امي تضغط عليا في كل مرة خاصة انه الشاب التاني كل مانرفضه يعاود يتقدم
صليت صلاة الاستخارة وقلبي مازال متعلق بالاول والتاني في كل مرة نرفض يصر
ياخاوتي بقيت حايرة كفاه ندير نتبع قلبي ونزيد نصبر مع الاول ولا نتبع كلام ماما ونقبل بالتاني
راني في دوامة يعلم ببها ربي
يلعدوني بما انكم تشوفو فالحكاية كطرف ثالث
وارجوكم بدون تجريح ولا كلمات تضايق جيت تعاونوني مش تزيدو علياصح فطوركم والسلام عليكم