تطبيقي لسوفلي العجينة السحرية للاخت mahopa18

choroukguid · 2015-06-29, 12:49

البارحة جربت السوفلي للاخت mahopa18 الله يرضى عليها
جا هااايل هشوش وبنين درت نفس العجينة والحشو انا غيرت فيه نهائيا باه مايجينيش معجن وجاا روووووووعة
هادي المقادير
مقادير العجينة
2 كيسان فرينة 2 كيسان ماء دافئ 2 ملاعق كبار سكر(ملاعق مشي عامرين بزاف او 1 ونصف ملعة كبيرة)
2 ملاعق كبار خميرة فورية 1/2 باكي خميرة كيميائية 1/2 كأس زيت ملح
خلطي كل المكونات مليح.. وخليها ترتاح لمدة 10 دقائق
بعد مرور ال10 دقائق
ضيفي الفرينة حتى تتحصلي على عجينة طرية وماتلصقش في اليدين
مقادير الحشو اللي غيرتهم
لحم مفروم قليتو وحطيتلو شوي ملح وفلفل اسود ماكترتش الملح بويسك كاين الباتي مالح وبطاطا قليتها مربعات الباتي مربعات زاليغو مربعات جزر طايب مربعات فرماج مربعات
كيما راهم ف الصورة ماخلطتهمش حطيت فوق العجينة كل دائرة نحطلها شوي شوي منهم كامل فوق بعضاهم باه مايعبزوناش

للتزيين
بيض
جلجلان
لتحضير السوفلي
خدمي كريات صغيرة بالعجينة
حليها بالحلال
وضعي الحشو نتاعك على نصف الدائرة نتاع العجينة
غلقي الدائرة نتاعك وبواسطة فرشاة غلقي مليح الأطراف
ديري صفار البيض من الفوق باش تحمار
وضيفي الجلجلان
دخليها الفرن على درجة حرارة 200
حتى تتحصلي على لون احمر انا خليت الكوشة سخونة وكي حطيتو طابلي في 15 دقيقة على 180 درجة
وجدتلي على 8.00 وقت الادان ماقدرتش نصورها مرة اخرى ونصورها
المهم هدا هو الرابط تاع صاحبة الوصفة لها تحية مني
https://www.djelfa.info/vb/showthread...CF%DE%C7%C6%DE
ملاحظة العجينة اللي بقاتلي رايحة نديرها كرواصون ولا كانش حاجة راني ندور ف المنتدى كاش مانلقى