بسم الله الرحمن الرحيم
الصلاة و السلام على سيدنا خاتم الأنبياء
رمضان كريم و ينعاد علينا و عليكم بالخير
أختكم في الله أم لجين و لميس
حبيت نمدلكم وصفتي فالبيتزا مدوهالي أصحاب الخير و قلت نشاركم بيها
كنت مرة جاوبت اخت سقسات على وصفة مليحا وكاين اللي مشافش الرد تاعي قلت نديرها موضوع قاع إشوفوه
و نتمنى كل من يشوف موضوعي يدعيلي يقول ربي يحققلها أمنيتها و لكم بالمثل و دعوتكم هذي ميش شرط تكون بالرد حتى و تشوفو الموضوع ومتردوش و الله عادي المهم تدعولي
طولت على خياتي الهدرة إسمحولي
المقاديييييييييييييييييير:
حبة بيض
نصف كاس حليب
نصف كاس زيت
باكي خمارة قاطو
ملعقة طعام خميرة الخبز
ملح
فرينة تلمي بيها
و المكون الأساسيييييييييييييييي اللي يخليها هشوشة و كيما اللي تتباع هو::::
قازوووووز حمود الشفاف واه قازوز ديري 2كيسان قازوز
خلطي السوائل و باكي الخمارة تلاحظي الخليط ولا كالرغوة ثم كبي الفرينة و خمارة الخبز خلي العجينة طرية بزاف و حطيها تخمر
و طيابها كيما قالوه بنات بزاف يكون الفرن سخون بزاااااااف و تكون السنيوة فالرف التحتاني ومدة الطياب قصيرة و العجينة تكون رقيقة راها تزيد تخمر فالطياب
ملالالالالالالاحظة هامة:
الكاس اللي تعبري بيه يتبع عدد أفراد العايلة تاعك إذا بزاف يكون الكاس كبير و العكس
و راها تقطع خبزات بيتزا بزاف أنا ندير كاس ماهو كبير ما صغير و تقطعلي 7 خبزات كبار
و هذي العجينة نخدم بيها ثان لي سوفلي يخرجو رووووووعة
هذي هي الوصفة نتمنى تجربوها و تعجبكم و تدعولي
سلالالالالالالالالام و صح رمضانكم
( تقرير عن مشاركة سيئة )، و الموجودة أسفل كل مشاركة .
2015-06-23, 04:24
بيتزا و عليها الكلام إدخلو و تعرفو عليها
العرض الشجري