غراتان من ابداعي

دورصاف جوجو · 2015-06-22, 14:47

السلام عليكم لبنات واش حوالكم نتمنى تكونو بخير اليوم درت غراتان ساهل وغير مكلف كثير حبيت نشارككم بيه راه نمدلكم الطريقة ولي تجربو تمدلي رايها فيه
اولا : طيبي الدجاج في مرقة بيضاء عادي
ثانيا : تحطي كمية من الروز طيبيها في الماء
ثالثا : في المقلاة ديري الطماطم مرابيا والقليل من الفلفل لحلو وداويهم مليح وطيبيهم
رابعا : كي يطيب الروز ضفيه للطماطم و الفلفل وزيدي طيبيهم
خامسا : احكمي هذاك الدجاج لي طيبتيه قطعيه طراف صغار وزيديه للروز و الطماطم و الفلفل
سادسا : حطيهم في المول وكسري عليهم 6 بيضات وخلطي مليح
سابعا : غطيهم ب البابي المنيوم وحطيه في الفور يطيب
وكي تخرجيه وهوا هكاك سخون رابي عليه الفرماج روج
وقدميه يجي بيييين يهبل نتمنى تجربوه وتمدولي رايكم فيه

سلاام...