بعض مشترياتي و تجهيزاتي لرمضان

ام مؤمن · 2015-06-17, 15:01

مسائكم سعيد و رمضانكم كريم

اكيد كل وحدة جهزت نفسها لرمضان الكريم الله بلغنا صيامه و قيامه هكذا نتفرغوا للعبادة ان شاء الله و منضيعوش الوقت

تجهيزاتي بسيطة جدا و لكن حبيت نشارككم بيها

تسوقت كذا مرة و اشتريت اغراض للمطبخ كنت كاتبتلها قائمة لشهر رمضان

رمضان اللي فات شريت اواني الطبخ بزاف و هذا السنة شريت حوايج متفرقات انا نموت عليهم

صورتلكم شوية قولوا ماشاء الله

بسم الله

واش رايكم فيهم

انا عندي نقطة ضعف نموت على المواعين و الله ماعادش عندي بلاصة وين نخبي و هبلونا كل عام تخرج حاجة جديدة

و هذه بعض تحضيراتي للشهر الكريم

شوطت الفلفل و الطماطم و الثوم و بيدنجان و درتهم حميص و جمدته

ايضا البصل و الطماطم و الثوم و الجلبانة و شوية قرنون و شوية ثوم مجفف

جمدت ايضا عصير الليمون و مركز الليمون

و الكسرة المطلوع خبزت كمية و كونجليتها

جربت المثلجاث نديرها في رمضان ان شاء الله

و هذه شباح الصفرة درتها و كونجليتها

و هذا مركز الليمون درت 2 كيلو و جمدته باش ندير الشاربات

و هذه تارتولات جربتهم ايضا باش نعاودهم في رمضان

و وجدت الفريك و التوابل و كونجليت كمية كبيرة من الدجاج مقسم حصص و مازال اللحم ان شاء الله هذا واش تفكرت

و درت تنظيف عميييييييييييييييييييق للبيت كله

و اشتريت المواد اللازمة لتحليات و مقبلات رمضان و رتبتهم في الثلاجة

ربي بلغنا رمضان و متعنا بالصحة و العافية و لله الحمد و الشكر له ربي يوصلنا ليه بالخير و نتفرغوا للطاعات و العبادات

امال81 · 2015-06-17, 15:09

بارك الله فيك رمضان كريم

ام مؤمن · 2015-06-17, 15:27

اقتباس:

المشاركة الأصلية كتبت بواسطة امال81

بارك الله فيك رمضان كريم

الله يبارك فيك و رمضانك كريم

ام مؤمن · 2015-06-17, 15:23

اللهم ادمها نعمة و احفظها من الزوال و بارك لنا اللهم فيما رزقتنا و البسنا لباس الصحة و العافية و بلغنا رمضان و ووفقنا للصيام و القيام و اعتق رقابنا من النار و اكتبنا من اهل الجنان يا رب انا و كل من قال امين

مريم المتفائلة · 2015-06-17, 15:25

حقيقة شهيتيني حنونة ربي يباركلك فيدارك واولادك ورمضان كريم

ام مؤمن · 2015-06-17, 15:38

اقتباس:

المشاركة الأصلية كتبت بواسطة nasira12

حقيقة شهيتيني حنونة ربي يباركلك فيدارك واولادك ورمضان كريم

الله يشهيك بالجنة يا رب و يبارك فيك و في عائلتك و اولادك حبيبتي

بارك الله فيك و رمضانك كريم

أماني خروبي · 2015-06-17, 16:10

بصحتك أختي ان شاء الله تصوموا بالصحة والهناء

ام مؤمن · 2015-06-18, 14:11

اقتباس:

المشاركة الأصلية كتبت بواسطة برينوش

بصحتك أختي ان شاء الله تصوموا بالصحة والهناء

الله يسلمك اختي و رمضان كريم

اقتباس:

المشاركة الأصلية كتبت بواسطة ام مهدي 03

الله يبارك
صح رمضانك ورمضان كل الاخوات

الله يبارك فيك صحى رمضانك

اقتباس:

المشاركة الأصلية كتبت بواسطة سندس سلمى

رائع
بالتوفيق

الله يوفقنا و يوفقك رمضان كريم

اقتباس:

المشاركة الأصلية كتبت بواسطة اسمهان79

بارك الله فيكي وربي يعطيك صحتك حنونة
ويتمملك بخير وعلى خير

الله يسلمك بارك الله فيكي

اقتباس:

المشاركة الأصلية كتبت بواسطة celia16

بارك الله فيك رمضان كريم

و فيكي بارك الله رمضانك كريم

اقتباس:

المشاركة الأصلية كتبت بواسطة ام قسوم

بصحتك كل ما حضرتي لضيفناالكريم و كلو بسيط و هايل

صح رمضانك

الله يسلمك لا يوجد احسن من البساطة رمضانك كريم اخيتي

اقتباس:

المشاركة الأصلية كتبت بواسطة imen kasem

يعطيك الصحة على مجهوداتك وربي يجعلنا من صيامه وقيامه

الله يسلمك امين يا رب العالمين

ام مهدي 03 · 2015-06-17, 16:16

الله يبارك
صح رمضانك ورمضان كل الاخوات

khawla990 · 2015-06-17, 20:13

بصحتكم بصح ممكن مقادير نتاع تورتلات لي درتيهم شهاوني

ام مؤمن · 2015-06-18, 14:39

اقتباس:

المشاركة الأصلية كتبت بواسطة khawla990

بصحتكم بصح ممكن مقادير نتاع تورتلات لي درتيهم شهاوني

الله يسلمك حنونة اتفضلي

للامانة الوصفة ل ليزابال هزيتها من موضوع الكوزينة

اما العجينة درت 300غ فرينةو 150 غ زبدة مقطعة مربعات حكيتهم مليح بين يدي قرصة ملح فانيليا 2 ملاعق كبار سكر رطب و بليتهم بصفار بيضة و اذا ماتلمتش العجينة زيدي شوية صفار او ممكن تستعملي صفار واحد و قطرات من الحليب و ماتعجنيهاش طميها باليد فقط و اطرحيها و ديريها في لي مول و اثقبيها و دخليها للثلاجة ترتاح و طيبيها بلون ذهبي

كريمة الليمون درتها من موضوع الهام ربي يحفظها
Crème Pâtissière au citron

- كاس كبير حليب ( كاس نتاع 250ملل = ربع لتر حليب )
- زوج صفار بيض
- 5 ملاعق كبار سكر
- زوج ملاعق كبار فرينة معمرين مليح
- عصير ليمونة كبيرة + مبشور القشرة نتاعها

الطريقة :
- نضع ثلاثة ملاعق سكر مع الحليب ومبشور الليمونة على النار ونحرك حتى يذوب السكر ونتركه حتى يغلي

- نخفق صفار البيضتين مع ملعقتين من السكر حتى يذوب السكر ويتحول الخليط إلى لون وفاتح ذو قوام كريمي .

- نضيف الفرينة ونخفق ,
- نبدآ بإضافة الحليب ( الذي قمنا بتصفيته ) قليلا قليلا ونخلط بالخفاق اليدوي وليس الباتورحتى لا تتشكل لدينا رغو ، يجب ان نخلط بسرعة حتى لا ينضج البيض.

- نعيد الخليط إلى الكاسرول ونضعه على النار مع التحريك المستمر بالخفاق اليدوي حتى يغلي الخليط ويصبح ذو قوام ثقيل .
- نضيف عصير الليمون ونحرك لثواني حتى يغلي الخليط مرة أخرى ونطفئ النار . نتحصل على كريمة حامضة وذات قوام متوسط الكثافة
- نفرغ الخليط في صحن ونغطيه بفيلم غذائي ملامس لسطح الكريمة حتى لا تتشكل على سطحها قشرة ونتركه ليبرد جيدا في الثلاجة .

و بعدها نعمر التارتولات نتاعي يكونوا باردين و الكريمة باردة و نزينهم بالفواكه و نذهنهم بلا جولي و الى الثلاجة