استفسار حول النت

[سعاذ]

السلام عليكم
عندي مشكل في النت هي مكانش منذ 3 أيام
وكي اتصلت باتصالات الجزائر قلولي لازم تعودي تكنفيقيقري مودام
صراحة كلامهم مقنعنيش خاصة انوا مخنتشتش فيه خلاص
هل صح اذا عودت كنفيقريت مودام ترجع النت
وجزيتم كل خير

[مِـشْاٌغَبّـ ^-^]

عاود كنفيقريت وشوف
ولا تكون خلصة شهرية تاع الانترنت

[سعاذ]

النت مزلها
بصح حبيت نعرف كيفاش نعاود نكنفيقريه
كان مرة الاخ حميد مدلي هذا السيت
https://assistance.orange.fr/configur...ws-7-4562.php#
جربتوا هديك المرة و صلح
بصح دوك معلبليش كيفاش نعاود نكنفقيريه اذا كان كلش راهوا مليح

[بوسماحة 31]

المشاركة الأصلية كتبت بواسطة سعاذ

السلام عليكم
عندي مشكل في النت هي مكانش منذ 3 أيام
وكي اتصلت باتصالات الجزائر قلولي لازم تعودي تكنفيقيقري مودام
صراحة كلامهم مقنعنيش خاصة انوا مخنتشتش فيه خلاص
هل صح اذا عودت كنفيقريت مودام ترجع النت
وجزيتم كل خير

دي المودم الى اتصالات الجزائر .......يعاودوا يكنفيقيروا لك .......
سترجع النت .......اذا كانت خالصة......

[سعاذ]

هدي هي لي مفهمتهاش على اي اساس يتعاود يتكنفيقورا اذا كان هو ماصرى فيه حتى تعديل

[سجل أنا جزائري]

هل تشغل عندك لمبة خاصة بالخط الهاتف او الأنترنات في مودام ام لا ؟؟

[سعاذ]

السلام عليكم
تشعل عادي بصح كاين مشكل
كي تكون كينا النت تكون لونها برتقالي اما كي تكون مكانش النت يكون لونها اصفر
وفي حالتي انا لونها اصفر يعني مكانش النت بصح في اتصالات الجزائر قلولي كاينة النت ولازم تعودي تكنفيقيري مودام
مفهمتش كيفاش نعاود نكنفيقريه رغم انوا مخنتشتش فيه خلاص

[عثمان الجزائري.]

هل الهاتف يعمل أولا، إذا كان يعمل يمكن لازم configuration بعض الأحيان إذا إنقطعت الكهرباء يقع DECONFIGURATION للمدوم، و الرابط الذي و ضعتيه هو في حالة عدم تعرف الحاسوب على النت و ليس خاص بــ configuration. الأفضل أخذه إليهم لربح الوقت.

[سفيان الميلي]

حدث معي نفس المشكل قبل 3 أيام
اتصلت برقم 100 التابع لاتصالات الجزائر
فطلبوا مني أن آخذ المودام إلى الوكالة التجارية لاتصالات الجزائر ليقوموا بتغيير كلمة السر الخاصة بي ثمّ إعداد المودام من جديد "كونفيgيراسيون"
وأخبروني أنّه وقع خلل عند الكثير من المتعاملين بعدما انقطعت الأنترنت على مستوى التراب الوطني ليلة الخميس الماضي
والآن النت عندي عادي جدا بعدما فعلت ما طلبوا مني

[hunter mony]

المشاركة الأصلية كتبت بواسطة بوسماحة 31

دي المودم الى اتصالات الجزائر .......يعاودوا يكنفيقيروا لك .......
سترجع النت .......اذا كانت خالصة......

هذه الإجابة الصحيحة أخي

[maram.espoir]

ما تكسريش راسك اذا دفعت الفاتورة و مكانش انترنت افعلي ما قيل لك لأنه بالضبط ما حدث معنا و ما كان على زوجي الا انه قام ب configuration

[سعاذ]

السلام عليكم
بارك الله فيكم جميعا
وجزاكم الله كل خير