رائحة الخبز تفوح من مطبخي ،،، امممممممم،،،،،،،

زينب 83 · 2015-06-15, 23:33

السلام عليكم و رحمة الله

بمناسبة شهر رمضان المبارك اقدم لكم أخواتي المجموعة الاولى من وصفاتي للخبز اتمنى ان تنال رضاكم و تكون في المستوى

خبز الفوكاشيا بالجبن و لا اروع

هذه وصفتي المعتمدة لخبز الفوكاشيا لذيذة و ناجحة هذه المقادير

للعجينة

2كاس ونص فرينة مغربلة بالتقريب
ملعقة خميرة
ملعقة سكر
2ونص ملعقه كبيرة زيت زيتون
رشة ملح
نص ملعقة صغيرة خمير كيميائية
كاس ونص حليب دافئ

للوجه

3 ملاعق زيت زيتون
ملعقه صغيرة زعتر بري
ملعقه إكليل الجبل
طماطم كرزية او طماطم مجففة مقطعه ارباع ومخليه من البذور
+ زيتون اسود

للحشو جبن موزاريلا او غرييار او جبن احمر

الطريقة

اولا نخليو الخميرة تطلع مع السكر و الحليب الدافئ
ثم تعجن مع بقية المقادير حتى نحصل على عجينه طريه وناعمه و تلصق ندهنها بالزيت ونتركها الى ان تخمر

ثم نقسموها الى قسمين نطرحو الجزء الاول و نرشو فوق الجبن ثم نغطيو بالجزء الثاني و ندهنوه بزيت الزيتون
تترك الى ان تخمر مرة اخرى ثم تدهن بالزيت ونعمل بها ثقوب باطراف الاصابع
ثم نقوم برشها بالزعتر و الإكليل و نغرس حبات الطماطم و الزيتون
و ندخلها فرن ساااااااااخن مسبقا

خبز المحراش المغربي

هذا الخبز صحي و لذيذ ، رائع جدا

400 غ دقيق أبيض
200 غ من دقيق الشعير
ملعقة كبيرة خميرة الخبز
ملح
4 ملاعق كبيرة زيت زيتون
ماء دافئ
القليل من دقيق الشعير

طريقة التحضير :

اولا سر نجاح خبز الشعير ، هو نقع دقيق الشعير ، يعني نغطيو الدقيق تاع الشعير بكمية من ماء ساخن و نخليوه ساعتين راح يشرب كامل الماء و يلي طري

خلطي النوعين من الدقيق في قصعة واعملي حفرة في الوسط.

طلعي والخميرة مع الماء و السكر و مباعد حطيهم فوق الفرينة و الدقيق و لمي حتى تولي عندك عجين متجانس. و زيدي الملح

دلكي العجين جيدا حتى يصبح مطاطيا ثم غطيه واتركيه في مكان دافئ حتى يتضاعف حجمه ثم اضغطي بقوة بواسطة أصبعك لإخراج الهواء ثم غطيه واتركيه يخمر مرة أخرى.

قطعي العجين إلى كويرات حسب حجم الخبزات لي حاباتو وفلحيها بسكين لتتخد شكل زائد رشيها بالماء ثم مرريها في دقيق الشعير وابسطيها ثم غطيها واتركيها تختمر في مكان دافئ.

طيبيه في فرن ساااااااااخن مسبقا

خبز الصمون العراقي

هذا الخبز لذييييييييذ و رائع مع الشوربة و الحميس امممممممممم

المقادير

خمسة أكواب فرينة بالتقريب
كوب واحد حليب سائل و دافيء
ملعقة طعام خميرة فورية
ملعقتا طعام عسل
ثلاث ملاعق طعام حبة حلاوة مطحونة او هيل مطحون ، انا حطيتها حب
ربع كوب زيت
ملعقتان قهوة ملح
نصف كوب يايورت طبيعي او لبن خاثر
بيضة واحدة
خليط جلجلانية و بذر كتان و سانوج و حبة حلاوة
بيضة واحدة تطرق مع شوية حليب لطلي الخبز

الطريقة

ندفيو لحليب و نحطو فيه كاااامل المكونات ماعدا الفرينة

نخلطوه مليح و نبداو نحطو بالشوي و نعجنو حتى نتحصلو على عجينة مثل عجينة البيتزا طرية و ناعمة

نخليوها تخمر مليح ثم نقسموها الا كريات و نطرحوها رقيقة كيما الكسرة و نشكلوها كيما الصورة ، نخليوها تخمر مرحة اخرى بعد ما ندهنوها ببيض و حليب و نرشو فوقها خليط الزرارع

نطيبوها في فرن سخوووووووون

خبز الفيسال

هذي الوصفة تعطينا خبز فيسال هشوش و مبسس و ريحتو و طعمو رائع مايتشبعش

كاس حليب دافئ
ملعقة خميرة خبز
ملعقة سكر
ملعقة

ملعقة قهوة بودرة زهر البرتقال
ملعقة قهوة فانيليا
ملعقة قهوة خميرة كيميائية
2 بيض
ثلث كوب زبدة ذايبة +ثلاث ملاعق زيت
4,5كاس فرينة بالتقريب
سينوج و جلجلانية

الطريقة
نطلع ًو الخميرة مع الحليب و السكر و نزيدو تدريجيا باقي المقادير و نعجنو مليييييييح حتى نتحصلو على عجينة طرية و تلصق نظيفو الزبدة بالتدريج و ندخلوها في الخبز و نزيدو الجلجلانية و السينوج ، نخليو العجينة تطلع حتى يتضاعف حجمها ، ثم نقسموها الى كريات و نشكلوهم طوليا مثل العصا و من الافضل يكونو رقاق بزاف
ندهنوهم بالبيض مخلط مع الفانيلا و نرشو عليهم الجلجلانية و السينوج نخليوه يخمر ثم نطيبوه في فرن سخووووون

خبز النخالة و لا اسهل

هذا الخبز صحي سهل و لذيذ

220غ فرينة
80نخالة قمح
ملعقة حليب بودرة
ملعقة سكر
ملعقة خميرة خبز
ملعقتين زيت زيتون
ملح
250ملل ماء

نخلطو كامل المكونات في جفنة و نزيدو الماء دافئ بالشوي و نخلطو باليد او بملعقة ، حتى نتحصلو على عجينة تلصق و شوي جارية نغطوها و نخلوها تخمر ، بعد ما تخمر نعلموها بشوي فرينة و نطرحوها في بلاطو مدهون و مرشوش بالنخالة ، ندهنوها من فوق بالحليب و نرشوها بالنخالة بسخاء ، نخليوها تخمر مرة اخرى و نطيبوها في فور سخووووووووون

اللهم بلغنا رمضان و بارك لنا فيه

مبارك عليكم الشهر
مجموعة ثانية قرييييييبا بإذن الله

عازفة الناي · 2015-06-15, 23:38

مبارك علينا وعليك ياغالية
من العنوان دخت وزدتي كملتي ليا بالانواااااااااااا ع والاشكال
رووووووووووعة و44444444444444444 و تووب
كل واحد خير من لاخر ... ولون الخبز يا لهويييييييييييييييييييييييي هههههههههههههههه
يعطيك الصحة
واحلى تقييم

زينب 83 · 2015-06-15, 23:39

اقتباس:

المشاركة الأصلية كتبت بواسطة عازفة الناي

مبارك لينا وعليك ياغالية
من النوان دخت وزدتي كملتي ليا بالانواااااااااااا
رووووووووووعة و44444444444444444 و تووب
كل واحد خير من لاخر
يعطيك الصحة واحلى تقييم

تسلمي لي غاليتي ربي يخليك يا رب شكرًا على التشجيع

om kamilia · 2015-06-15, 23:54

جزاك الله خير زينوبة وصفات رائعة رايحين باذن الله نغيرو في الاشكال و الاذواق كل يوم مكاش خبز البولونجي هههه

زينب 83 · 2015-06-16, 08:40

اقتباس:

المشاركة الأصلية كتبت بواسطة om kamilia

جزاك الله خير زينوبة وصفات رائعة رايحين باذن الله نغيرو في الاشكال و الاذواق كل يوم مكاش خبز البولونجي هههه

اهلين ام كاميليا ، بإذن الله ناكلو الخبز من صنع أيدينا كيما كانوا يعملوا أمهاتنا زمان

lyzzabel · 2015-06-15, 23:56

مممممممم زينووووبة رييحة الخبز وصلت حتى لعنديي هههه يعطيييك الصحة و عودة ميموووونة غااليتيي و رمضاااان مباااارك

زينب 83 · 2015-06-16, 08:42

اقتباس:

المشاركة الأصلية كتبت بواسطة lyzzabel

مممممممم زينووووبة رييحة الخبز وصلت حتى لعنديي هههه يعطيييك الصحة و عودة ميموووونة غااليتيي و رمضاااان مباااارك

اهلين بالغالية ليزا شكرًا على الزيارة و الرد الطيب تسلميلي

heaven's road · 2015-06-16, 00:37

يعطيك الصحة زينب و بارك الله فيك على كل ما تقديميه و ربي يدخل رمضان عليك و علينا و على جمبع المؤمنين بالرحمة و البركة و الصحة و العافية و الهناء آمين

زينب 83 · 2015-06-16, 08:47

اقتباس:

المشاركة الأصلية كتبت بواسطة heaven's road

يعطيك الصحة زينب و بارك الله فيك على كل ما تقديميه و ربي يدخل رمضان عليك و علينا و على جمبع المؤمنين بالرحمة و البركة و الصحة و العافية و الهناء آمين

و فيك بارك الله ، اللهم بلغنا رمضان و بارك لنا فيه

ام و ابنة · 2015-06-16, 08:01

جزاك الله خير على الوصفات المميزة

زينب 83 · 2015-06-16, 08:46

اقتباس:

المشاركة الأصلية كتبت بواسطة ام و ابنة

جزاك الله خير على الوصفات المميزة

بارك الله فيك على الزيارة و الدعاء نورتي موضوعي

القناعة كنز · 2015-06-16, 08:16

يعطيك ما تتمناي ان شاء الله

زينب 83 · 2015-06-16, 08:45

اقتباس:

المشاركة الأصلية كتبت بواسطة القناعة كنز

يعطيك ما تتمناي ان شاء الله

و لك بالمثل حبيبتي شكرًا على الدعاء

مرام 1987 · 2015-06-16, 09:43

الله يبارك فنانة ماشاء الله ربي يحميك ويحمينا من العين
شهيتينا واحنا فاطرين وينك كون صايمين يمييييييييييي
رمضانكم مبارك

زينب 83 · 2015-06-16, 11:58

اقتباس:

المشاركة الأصلية كتبت بواسطة مرام 1987

الله يبارك فنانة ماشاء الله ربي يحميك ويحمينا من العين
شهيتينا واحنا فاطرين وينك كون صايمين يمييييييييييي
رمضانكم مبارك

اهلين بالغالية مرام كيف الاحوال حبيبتي الحمد لله على تحسنك ، نورت الموضوع بطلتك البهية