مشكلة جار السوء

[مشكلتي]

تحية طيبة و بعد / اخوتي اخواتي ، لم اجد سوى هذا المنبر لكي اطرح المشكلة و التي تتمثل في جارة سوء ، جارة ماذا عساني ان اقول عنها (حشاكم دا....) الناس الكل يعرفوها و اعمالها الفاحشة و فوق هذا هي مسترجلة و العياذ بالله.
المهم استاجرت بالقرب من منزمنذ ان سكنت ونحن نتحاشاها، تفاديا لاي تعامل معها ، لكن بالرغم من ذلك لم نسلم من شرها حيث انها تستمع ما وراءالباب ( تتوقب) و تخبر الناس عما يدور في البيت ، و نحن لم نكن نعلم بذلك و ذات مرة اخبرنا احد الجيران انها تتحدث عنا في الغيب و تضرنا بكلامها ، فتجنبناها نهائيا ( لا سلام لا كلام ) .
خبطوها لجنون كي ولينا ما نهدروش معاها نهائيا و بدات تستفزنا بدءا بالصغار و صولا الى الوالد و الوالدة المعروفان بسيؤتهم الحسنة في المنطقة . تشتشم ليلا و نهارا ، ولم تجد من يرد عليها .
وصل بها الامر الى من تجده تقول له اننا نتحدث عليه عنها .....الى غير ذلك .....المهم تهدر فينا عند الناس الكل بلي حنا الي رانا نسبو فيها و نعتديو عليها . و ربي راهو شاهد لكان ردينا عليها حتى و لو بكلمة ، و فوق هذا تتوعدنا بالقتل ،حيث اعتدت على افراد الاسرة .
المهم نحن نعيش في جحيم معها .......... مراة شرانية ...
اناا قصدتكم باه تعاونونا بالدعاء . ان يرفع علينا الله شرها و يبعد علينا بلاءها بعد السماء عن الارض و يزلزلها الله و يجعل كيدها في نحرها .، و يرحلها من جوارنا ، فمهما هدرت على فعايلها ما تصدقونيش . ارجو ان تعاونونا بالدعاء ، اذا هي عندها الظهر تدير في الشر و ما تخافش حنا عندنا ربي نتكلو عليه و دعواتكم جزاكم الله خيرا ....

بعد طرحي لهذا طرحي لهذا الموضوع الذي اتعبا نفسيا.............اشكر جميع من تفاعل معنا . شكرا
اخوتي اخواتي اود ان أقول اننا استعملنا جميع الطرق لكن من دون جدوى حتى اننا قدمنا شكوى و لكن من دون جدوى زاد طغيانها اكثر من قبل
كثر استفزازها و لا تخاف من احد .....وفيما يخص الجيران عشرة 30عام ولا واحد وقف معنا و لا حتى دارو موقف المهم يقولولنا تخطي راسنا حنا ما نحصلوش رواحنا مع وحدة كيما هذي ...ووصلت بيها الدناءة انها دارت عليهم واحد واحد و تقولهم هيا تشهدو ضدهم بلي حنا الي رانا نتبلاو فيها وتشري فيهم بدراهمها.......حاولنا نديرو الصلح و لكن الي يروح يدير الصلح يرجع ضدنا من كثرة ما تكذب و تقول بلي رانا هدرنا في هد الانسان الي مشا باه يدير الصلح
والله العظيم غير رانا عايشين في الجحيم و محبوسين ما نخرجوش من الدر حتى نشوفو الجيران خرجو علابالك ماتستفزناش قدامهم . علابالك كان تشوف واحد فينا وحدو تبدا تعيط وتلم الناس و تقولهم بلي راهو يسب فيها ولا يضرب فيها..
يا نا الخير حنا طلبنا تدعولنا ربي يرحلها من قدامن علابلك حتى مول الدار خايف منها. فرعون حل علينا ....يا ناس الخير يا عباد ربي يا المومنين يا الصالحين راهي كتمت على انفاسنا ادعيولنا ربي يرفد بلاها علينا الله يجازيكم ادعيولنا ربي يجعل كيدها في نحرها و يحفظ مالين دارنا . يا ربي يا لعزيز حن علينا يا ربي .....عاونونا يا ناس بدعواتكم ربي يجازيكم يا ربي ما لنا سواك يا رب

[natacha-sousou]

اااااااه واش اح نقولك الحل في يد ربي سبحانه و تعالو ، اتمسكو بربي ، وانا راح ندعيلكم
يا ب اجعل كيد هذه المصيبة في نحرها
و ان شاء الله راح تلقاو الي يدعي معاكم ،

[إكليل]

يا اختي أصبري و أقتليها بالبارد كيما نقولوا

حنا كانت عندنا جارة كبيرة في السن يعني فوق الستين مرة على مرة كانت ترمينا بالحجر و الحجرة قداه كبيرة بلاك توزن كيلو مرة طاحت في الحوش و أختي كانت تغسل في المواعن تكسر طبسي المهم جات سلامات و مرة جات بجانب أخي الأكبر كانت راح تقتلوا و في هذا النهار بالذات طكان الوالد داير السلم على الحيط لأن القصعة كانت ضايعة فلما رمت الحجر الوالد بسرعة أطلع و تفاجأ بيها هي اللي راهي ترمينا بالحجر فقال لها علاش قالتلوا رماوني فرميتك فقال لها تأكدي قبل ما تلقي بالحجر على الناس و لو كاتن قتلتي واحد كيفاش راح تديري .
تخلي في المغرب بدينا نشموا في البخور و الكبريت كانت هي اللي دارتوا و زيد مرة على مرة كانت ترمينا بالقاذورات مرة رؤوس السردين و كل مرة و كيفاش صبرنا عليها حتى رحلت وحدها و تهنينا من شرها لأن هذا النوع من الناس يحب اللي يقيمه.


هي كانت حابة أنوا امي تخرجلها و تدابزها لكننا ما رديناش عليها و كفانا ربي سبحانوا من عندوا

[نور الرحمة]

سبحان الله مزال كاين جيران مثل هادوا ربي يهديها ان شاء الله

[أمّ عبد الودود]

اللهم باعد بينها وبينهم كما باعدت بين السماء والارض
اللهم اجعل كيدها في نحرها
رب يفرج عليكم يا أختي

[حبيبة زوجها]

لا حول ولا قوة الا بالله
المسلم من سلم الناس من لسانه ويده
ربي يهديها ولا يتلفها
قالوها ناس بكري خير الجار قبل باب الدار
ربي يفرجها عليكم ان شا الله

[صفاء الروح]

ya latif wch had l3bad rabi ykoun fi 3ounk wyfarg 3lik
mn lmosiba hadi

[وجدان الخواطر~]

السلام عليكم
أنا أنصحك بالدعاء و التقرب لله ، وكاين وحد الدعاء تدعيه كي تخافي من شر عباد ز"اللهم أنا نجعلك في نحورهم و نعوذ بك من شرورهم "
أنا صراحة كل مانخاف من شر عباد و ندعيه تفوت سلآمات عليا

[bravo1]

وكل امركم لله و لا تكترتو بها هدا النوع من الناس نطلبوا له الهداية و الرشاد

[na.dodo]

اصبري اختي وحاولي البتعاد قدر المستطاع واتمنى لكي كل الخير

[kouk23a]

ولرُبٌّ نازلةٍ يضيق بها الفتى * ذرعاً وعند الله منها المخرجُ
ضاقت فلما استحكمت حلقاتها * فُرجت وكان يظنها لا تُفرجُ

وكلو امركم لربي راح يتولاها
وربي يبعد عليكم شرها

[Algam]

احنا الجيران كانو سببا في رحيلنا والحمد لله ربي عضونا بمسكن احلامنا بعدما صبرنا لشر الجار كان عندو مخبزة مع دارنا الحيط في الحيط الليل وهوما يخدموا أصوات الصواني أصوات العمال ولما يتكلم معاه بابا يدابزه كنا نفوتوا ليالي بلا ما نشفروا عينينا ولكن ربي ديما يفرج على المظلوم رحلنا وارتحنا واللي اشترى سكنتنا كان شرطي خرج فيه حتى اللي قفل المخبزة ههههههه

[naamane3]

عاملو جار السوء بالحسنى وباذن الله ينقلب الى شخص اخر

[خالد عنابي2]

كاين حل اخر

آلة تسجيل الاصوات بجودة عالية

وخليها كي تشوفك وحدك تبدا تعيط وتقول راك تسب فيها وتضرب فيها

وكي يتلم الغاشي مشي التسجيل وافضحها ههههههههههه

[محمد...عبد النور]

السلام عليكم ورحمة الله و بركاته

اتمنى ان تكونوا بخير و عافية .....يا صاحب الموضوع

ارى انكم تعانون مع هاته الجارة السيئة ....هدانا الله و ايها الى الخير

و الله في بعض الاحوال .....يقدر الله ان نلقى او نجاور اشخاصا تفرمنهم قلوبنا ......و لكن ليس الامر بايدينا و لا طائل لنا من معاملتهم في ايطار ...المعقول .......

فقط حسب ما اعلم فأنتم وفرتم لها جو الاعتداء عليها ......بعض الشيئ ...لماذا .....لانكم منعتم كلامكم عنها ........فمرات هذا النوع من الاشخاص .....لا بد من ابقاء خيط رفيع في معاملته......خاصة و انها جارة لكم

لا يمنعكم اذاها من معاملتها كجارة و ان كان ما كان فيها......

فمن هدي النبي صلى الله عليه و سلم .....الصبر على الاذى......و ايضا حسن المعاملة في ايطار المعقول

و ربما الاحسان اليها باي امر كي تكف شرها....و ربما حتى التصدق عليها او اهدائها طعاما او اي شيئ .....دون مخالطتها....فربما يسكن شرها الى حين .....فمرات الاحسان الى اي شخص من الناس يطفئ غله و نار شره ........فالناس مهما كانت يأسرها الاحسان ......

و اوصيكم بكثرة الاحسان لكل جيرانكم ...فالصدقة و المعروف و الكرم يذهب الغل و الغيض و الحسد من القلوب

اخيرا .....عليكم بالدعاء فهو خير سلاح

و قولوا ....اللهم يا كريم يا رحمان يا رحيم ...يا الله ....العلي الاعلى يا وهاب......اللهم صل و سلم على الحبيب المصطفى و على اله و صحبه اجمعين .....اللهم اهدي جارتنا ....و اكفنا شرها بما شئت.......اللهم اصرفنا عنها و اصرفها عنا .....

المهم عاملوها كجارة و اصبروا فالايام تمر بسرعة ......

و ان شاء الله يكفيكم الله كل هم و يصلح امورنا و اموركم

ســـــــــــــــــــــــــــــلام