واش ندير فى حالتى هذه انصحوونى

[عطر السماء]

السلاام علييكم
رانى رايحه نهبل مع حاجه اسمها تاريخ و جغرافيا حفضتها من قبل كى نقفل الكراس و لا كى نقعد وحدى ونقول نراجع واش حفضت بدون كراس نلقى روووحى ناسيه كلش
بمجرد نفتح كراس يرجع كلش
+ شخصيات نتلخبط فيهم خصوصا وحده اولللى انصحونى واش ندير فيهم
خرائط تانى ما عرفتش كيفاه نحفضهم
التواريخ حدت ولا حرج اعطونى ايضا طريقه باه يجونى ساهليين

ربى يوفقكم انصحوونى واش لازم نديرر قتاش نحفظ اللى مزالى
بليييز عاونونى

[hamoudimo]

وعليكم السلام
واجهتني المشكلة كيما كنت نحفظ الجملة كما هي
جربي صيغي التعريف بطريقتك الخاصة بحيث تفهميه وتشفاي عليه وماتحفضيش غير المهم فيه ومبعد كي تجاوبي عليه اكتي الحوايج المهمة على شكل فقرة صغيرة في سطرين
وان شاء الله نديو الباك ونجي عندكم للبحر ههه ادعيلنا

[عطر السماء]

شكرررا على نصيحه
ههههههههه ان شاءالله يا ربى غير ننجحو

[ميمي سمية]

كي شفت حالتك قلت الحمد لله مزال مابديت نحفظ

جربت في بداية العام حفظت شوي نسيت كل شي

+++++

ممكن كحل ليك .... حلي المواضيع وحليهم كتابيا

وكل ماتوصلي حاجة نسيتيها عاودي استدركيها كتابيا وراح تلقاي المشكل يتحل بالشوي

موفقة^^

[max8]

الحفظ بالطريقة التقليدية ماهوش ينفع ضرك
لازم التجديد كيما في الأدب
فالثابت الوحيد في هذا الكون هو التغيير
بدلي طريقة الحفظ
في مكان تعودي تحفظي مباشرة من الكراس مع التكرار و التكرار لالا
جربي أن تتحدثي مع صديقتك في موضوع ما في التاريخ
مثلا مصطلحات :
احكمي الورقة ولا الكتاب اللي تحفظي منو و افتحي الصفحة بشكل عشوائي و ضعي اصبعك على أحد الشخصيات و أنت مغمضة العينين و خلي صاحبتك تعرفلك هذي الشخصية و مبعد اعطيلها الكتاب و بنفس العملية عرفي أنت أيضا الشخصية المختارة

و ماشي شرط يكون التعريف مطابق تماما لما هو مكتوب في التعريف الأصلي ماهوش قرآن باه ندوه حرفا حرف
بل تستطيعين أن تدخلي أسلوبك الخاص وذلك بحفظ رؤوس أقلام و أهم الأمور عن الشخصية

الفقرات في التاريخ و الجغرافيا
اجلسي أنت و جماعة و في مكان تهدرو على موضوع يخصكن أنتن البنات ز مواضيعكن كثيرة
جربو التحدث عن فقرة في التاريخ (درس مثلا)
نقولو : الحرب الباردة
تبداو كل وحدة تقول حاجة
الأولى : الحرب الباردة دارت بين المعسكر الشرقي بزاعمة .... و قد بدأت اثر ......
و تزيد الثاني تهدر شوي على الأسباب و كل وحدة تزيد شوي حتى تولو حافظينها كامل و بأقل جهد و ما نظنش تنساي حاجة حكيتو فيها أنتن البنات مع بعض
يعني بمجرد تذكر أحد الكلمات من ذلك الموضوع تتذكرين الجلسة و كل ما قيل فيها

جربي ولن تخسري شيئا
وان لم تتوفر الصديقات افعلي هذا مع أحد أفراد العائلة اخوة أخوات أو حتى الوالدين


إذا كانت الدراسة مملة فعلينا نحن أن نعيد لها متعتها غير طريقتك
فقط انظر من وجهة نظر شخص آخر
امزج شيئان لا يبدوان لنا بأنهما يستطيعان الامتزاج و لاحظ ما يحدث
قد تخرج بشيئ جديد مفيد و فريد

فكما يقال الشرق و الغرب معا أفضل

east and west together are best

بالتوفيق

مع تحياتي max8