طلب نصيحه 2

[مشكلتي]

السلام عليكم اخواني واخواتي
الان الخطبه راهي مشات والامور راهي تسهال .عاىلتي راهم يقولوا انوا هاذي اشارات جيده .وراهم فرحانين بزاف.الا انا فانا لم اقبل الا لسمعه العاىله وخاصه من اجل الوالدين.لوكان تشوفوا واش اصرى فيا.ابي اصبح يبكي.وسمعوني كلام لا يقال وشكوا فيا وما فهمونيش.اقبلت انكمل لانوا نصحوني وقالولولي لوكان تحبسي والديك راح يغضبوا عليك.واذا جاك مكتبوك بعد هذا ربي ماهوش راح يبارك لك في حياتك.وقادر هذا الانسان المتعلم يطيح بيك وبمستواك.
جرحوني بزاف.انا حبيت انعاقب نفسي ونقبل .
اتكلمت مع هذا الخاطب فالفاسبوك بانلي انسان عادي.ماكنش امور نحكيو فيها .مثلا عن احلامي.وزياده على ذلك كل مره يسقسيني ويقولي واش عجبك في وكيفاش اقبلتي.قالولى بلى تحبي تقراي.لانوا صديقتي من العاىله انتاعوا وقالت لوا اتحب القرايه بزاف.وقالى انوا الجامعه حرام.وانوا الوقت راهوا صعيب.المهم هذا الاسبوع راح يعقد .والباك لحق وعاودت ولات لي صور المشاكل اللي صراتلي مع عاىلتي.انصدمت بزاف.وصراتلى عقده في باطل.راني حابه انجيب الباك نقمه فيهم وفالخطيب.بصح صراحه راني انخمم بزاف وخايفه وندعي في ربي.ماصبتش ليمن نحكي

[الصديق قروف]

ربي يخفف عليك
ورزق راه على ربي

[ام آدم]

السعادة ماهيش في الباك شحل من وحدة جابت الباك والكتوراه و كي ما تزوجتش وما دارتش عائلة حياتها بانتلها فارغة

[أم عروة]

اختي راني جاوبتك في قسم الدردشة ادخلي وشوفي

ربي يوفقك

[orkida]

rebi m3ak khetiiii

[اسماء منار]

ربي يكتبلك حياة سعيدة وما تدري الخير وين دارهولك ربي
استخيري الله وعليك بالتوكل على الله فهو ارحم الراحمين بعباده

[rose de sable s]

صلاة استخارة احسن حل

[mounaminou]

صراحة لاكان اول او تاني مرة تعقبي الباك نضن ماوش خلاص وقت الخطبة و الزواج... مازلتي صغيرة و من حقك تعقبي ابباك كي الغاشي في ضروف نفسية مليحة
صلي الاستخارة و ماتهدريش مع هدا الي جاك خلاص تفاهمي معاهم حتا يفوت الباك باه تخممي ف الحكاية هدي

[smahi_hb]

وقل ربي زدني علما ....................اطلبوا العلم ولو كان في الصين............اطلبوا العلم من المهد الى اللحد ..............

[النجمة القطبية]

يا اختى مدام البالك لحق ركزي في الباك فقط هذا هو الامر اللي بيدك وتقدري تتصرفي فيه
اما الامور الغيبية فخليها لله سبحانه وتعالى هو ادرى بها وكلي امرك لله سبحانه وتعالى وانساى تماما
ثم اتاكدي انو اذا اخذتى بالاسباب مع الله سبحانه وتعالى مستحيل يخيبك
فاذا وفقك للزواج بعد ما اخذتي بكل الاسباب وتوكلتي عليه فهذا يعنى انه خير لك
انتى في الوقت الحالي اهتمي بدراستك وما تفكري في حتى شئ
موفقة

[زهرة الريف*]

أزال الله همك ويسرلك أمرك انشالله

[emanezahrane]

ربي يخفف عليك
ورزق راه على ربي