صديقتي اختي

[مشكلتي]

السلام عليكم و رحمة الله و بركاته
أرشدوني لأساعدها ليس لأنها مجرد صديقة بل هي اختي و اكثر من ذلك
عندي صديقة و هي احتي في نفس الوقت و هي مخطوبة الآن و الانسان لي خاطبها انا لي كنت سبب في جمعهم
الحمد لله انا كانت نيتي صادقة و حبيت يجتمعو في الحلال و يتهناو
المهم كيفاه كان هذا.. انا كان وحد الصديق يقرا معايا و هو حاليا يخدم تلاقينا صدفة و صديقه كان حاب يخطب و قالي اذا تعرفي وحدة بنت فاميليا و وووو ... انا قلتلو على صحبتي و هذا بعد مشاورتها طبعا و انا على حساب واش قالي عليه قلت انو انسان طيب و حاب يدير الحلال و فيه معاني الرجولة و يصلح باش يكون الراجل لي يعوضها حنا والدها ربي يرحمو .. و كان عندها مشاكل فالدار حبيتها تخرج منهم و تشوف انسان لي يعينها في هاذي الدنيا و هي كانت مريضة و لكن مع الرقية تحسنت
و تعرفو و حكاتلو كامل حكاية مع مرضها و كلشي و هو ماقال والو حتى هوما ف دارهم كاين مثل هذه المشاكل و انا بدوري كنت نقلها حاباتك تدخلي بالحلال و مانيش حابة تحكي معاه غير هكذا قاتلي اوكي
و راح لدارهم في الاول ماحبوش لخاطر يسكن بعيدو خافو عليها راكم تعرفو تخمام الام و هي ظغطت على دارهم و قاتلهم لازم تقبلو هذا انسان مليح و ولد فاميليا و جاب والديه و خطبو عادي
و قلت الحمد لله تمت على خير و انا كنت خايفة مانحبش ندخل روحي بزاف ففي هاذي المواضيع نعرف بللي المفاهمة صعيبة شوية ... و هو بعد اسبوه من الخطبة قالها اني حاب نديرو الفاتحة و العقد .. قاتلو اوكي
و مبعد كل مرة تجي سبب و مرة هو ماشي واجد .. و مع الوقت كان يسقسي عليها بزاف و يعيطلها كل وقت و يتقلق عليها و هي حتى و اذا كانت مشغولة ترد عليه و ماتقدرش تقولو مانقدر نحكي معاك
و بعد مدة و بما انو يخدم بعيد على دارهم راح ف عطلة و من هذاك الوقت لاحظت بلي تبدل بزاف و ماولاش يعيط كيما كان ولا يتقلق من حوايج كيما كان من قبل مثلا كاش واحد يعيط عندها و يقلقها يقولها اعطيني نيميرو تاعو ووو ....
المهم هو ظهرت فيه بزاف تغيرات و حتى بدا يكذب بزااف و وقت لي مايعيطش يقولها كنت نخدم ووقت آخر هو يكشف روحو ... المهم من هاذاك الوقت و ماراهش يهدر على الفاتحة او العقد كيما تفاهمو و هي باش تقولو حاشمة منو .. قاتلي انا حكيت معاه ماشي كل وقت نعاودها هاذي ماشي هدرة لي تتنسا و وصلت وين قاتلي حابة نبطل الخطبة انا ماكنت نظن يكون بهاذي العقلية لانو فالاول كان انسان ماشاء الله
انا قلتلها ماتتسرعيش في اخذ قراراتك و بالاك صح راه عندو ظروف .. لكن ماشي كامل هكذا صح راه يخصر بزاف
طولت فالهدرة ان شاء الله تكونو فهمتو شوية
انا قولولي دوك واش نقولها و واش ندبر عليها و الله صديقتي و اختي و نتمنالها كل خيــر مانيش حابة تدير خطوة تندم عليها

[لحن الحياة.]

هاذا لقولو دارهم وحدة اخرى و خطبوهالو و ما عرفش كيفاه يليكيدي صاحبتك من الاحسن خليها تقولو نبطلو تشوف ردت فعلو
لاكان شاف جهة اخرى راه يفرح و يقولها ايه نبطلو (وطبعا يلعبها زعف ووو الخزعبلات يديرلها تمثيليه كبيرة تنتهي بالانفصال)
لاكان عندو مشكل اخر راه يجي يفتح أو يقولها اصبري

[الحزين المبتسم]

السلام عليكم

أختي الفاضلة

قبل الاجابة لي أن أسألك : ما هو المعيار الذي جعلك تحكمين على هذا الشخص أنه طيب ؟

الأمر ليس بالهين أختي لا نريد أن نرجع بالشريط للخلف لكن كان يجب قبل توجيه هذا الشاب للخطبة من هذه الفتاة كان السؤال أفضل عن حاله ممن يعرفه ويتعامل معه ... لأن معرفة الظاهر شيء ومعرفة أمور في الاخلاق والتعاملات ... يعرفها من عايش هذا الشاب

أقول: لم يفت الوقت بعد بالامكان أن تسألوا عن حال هذا الشاب أخلاقه ودينه فإذا كان الأمر مطمئن فالتماس العذر له ربما هناك أمور صدته

أما اذا كان غير ذلك فالرفض له مجال

[dotnet]

المشاركة الأصلية كتبت بواسطة jill

هاذا لقولو دارهم وحدة اخرى و خطبوهالو و ما عرفش كيفاه يليكيدي صاحبتك من الاحسن خليها تقولو نبطلو تشوف ردت فعلو
لاكان شاف جهة اخرى راه يفرح و يقولها ايه نبطلو (وطبعا يلعبها زعف ووو الخزعبلات يديرلها تمثيليه كبيرة تنتهي بالانفصال)
لاكان عندو مشكل اخر راه يجي يفتح أو يقولها اصبري

لا انصحك بهذا الامر

[amina l'algérienne]

اختي انا ننصحها تستخير و تاخد قرارها و اليوم خير من غدوة
انتي حكمتي عليه بالطيبة بالاك من الصديق لي تعرفيه هو انسان صادق لكن مش معناها يكون كيفو
و هذا الشاب نظنه من هاذاك النوع لي كي يحب يخطب يجي بوجه و كي يضمن بلي البنت راهي ليه يبدا يبان وجهو الحقاني
و نظن ان عايلتو ليس لهم اي دخل هذا عندو ظروف صح او هاذي هي عقليتو الحقانية و كان مخبيها
ربي يكون معاها

[aminazy]

السلام عليكم
هذا حساب ما راكي قلتي انوا صاب وحدوخرى وما قدرش كيفاش يصارح صديقتك راهوا يلقالها في السبة برك
اذا ما كانت متعلقا بيه قوليلها تصارحوا ياخطبة وعقد بمعروف ياتسريح باحسان هي ربي يجبلها ماخير وهو كذلك انا منحبش تمثيل على بعضاهم ول فيها الخير ربي يجيبها

[الصديق قروف]

اين وليها يتكلم عنها
‏ حاجة باينة تفسد العلاقة بلحرام
تضل تقسر معاه تفسد العلاقة حتى ولو فتحت
‏ لاانصحها بطلب منه تحديد المراسيم
تقول لوليها هوا يدبر راسو

[oumhana]

المشاركة الأصلية كتبت بواسطة jill

هاذا لقولو دارهم وحدة اخرى و خطبوهالو و ما عرفش كيفاه يليكيدي صاحبتك من الاحسن خليها تقولو نبطلو تشوف ردت فعلو
لاكان شاف جهة اخرى راه يفرح و يقولها ايه نبطلو (وطبعا يلعبها زعف ووو الخزعبلات يديرلها تمثيليه كبيرة تنتهي بالانفصال)
لاكان عندو مشكل اخر راه يجي يفتح أو يقولها اصبري

انا خممت كما هكذا

[رميسة الجزائرية]

لا تتسرع فلتستشر ربها بصلاة الاستخارة فما خاب من استشااااااااااااااااااااااار
فالله سييسر لها الخير اين كان