يومياتي في المخبر

[رندة نهاد]

اتمنى ان تكونو ا بالف خير يا احلى اعضاء كنت بين الفينة والخرى اتصفح المنتدى لثواني معدودة واعاود الخروج كوني متربصة هذه الفترة في احدى مخابر الكلية كنت اشتاق للمشاركة والدخول في مناقشات وقد فاتني الكثير واغلقت عدة مواضيع للاسف تمنيت حضوري لا علينا اتمنى ان اغتنم الفرصة مرة اخرى
اعود لوضوعي
انا في تربص منذ 15 يوما باحدى مخابر الكلية وللاسف المخبر لا يحتوي كافة التجهيزات كونه لايتعلق بتخصصي فما علي الا التنقل بين مخابر الميكربوبيووجيا
ومخابر الفيزيزيولوجيا ا لحيوانية عسىى ولعل اجد ضالتي في اليوم الاول استغربت وضعي ولم استطع التاقلم كوننا 8 طالبات في المخبر ومن هنا تبد المعاناة اذا احتجت لشئ ما عليك الا ان تطلب الاذن من الف شخص لا ستعمال ذلك الجهاز ما تقنيو المخابر فقد كانو لا يطيقون رؤيتنا كوننا لسنا من طلبة الجذع المشترك واول كلمة هي تكلم مع عميد الكلية واطلب منه ترخيصا للعمل في هذا المخبر المشاكل الادارية كانت اول عائق لنا للعمل ومن هنا تبد القصة كوننا مطالبين بفترة قصيرة لانهاء العمل واخر اجل لمناقشة المذكرة 22 جوان او شهر سبتمبر القادم ولكن في هذه الحالة يعتبر الطالب معيدا للسنة او مجتازا للامتحان الاستدراكي وهذه كارثة كيف لي ان ادرس خمس سنوات لتتاجل ناقشة لظروف ليست بيدي بعدها اعتبر معيدة لا سمح الله __لا حول ولاقوة الا بالله _ اما عن الوسائل المستعملة في الايام الاولى_ تمرميدة هي _ اول اجابة ما نمدش دبرو روسكم قولولي يرحم باباكم كيفاه الواحد يقرا ولا ينجح ولا يخلص الميموار في وقتها وبعد فترة بدات تتحل العقدة شيئا فشيئا

بدات تترخف كيما نقولو الا سهل ربي في الوسائل يلزمنا الوقت للتعقييم وتشغيل الاجهزة وهذا ياخذ حوالي 3 ساعات المهم الا بدانا على 8 _ 12 لعل وعسى نبدا في عملية الزرع في والمشكل وين ؟ النتيجة ما هيش تخرج واذا خرجت يرفضها الاستاذ كونها خاطئة منذ مدة ونحن على هذه الحالة النتائج غير متطابقة لوجود خطا ما والله عييت صح وش رح ندير يظهر لي نعود نقصص على البكتيريا بلاك يهديها ربي وتخرجلي وتهنيني وخفت الوقت ضيق ورغم اننا نغير في الظروف في كل مرة يوم الخميس قمت بتغيير الشروط ويلزمنا ايام لظهور النتيجة والله لا افهم كيف تسيرالجامعة يعطيلك شهر ويقولك خرجلي نتائج 4 اشهر ويحدد لك اخر اجل من فوق

والادهى ولاامر انه طالبات حرقو احدى الاجهزة ههههههههههه المندبة تدير 7 ملايين الحمد لله انني لم اكن موجودة ورحت نتغدى يالله رحمتك واسعة وانقذني الغدا من كارثة 7 ملايين يا خوتي 7 ندير بيه المحزمة على نمدها للجامعه
يارب اختملي بالخير ان شاء الله في انتظار اليام القدمة وعما ستسفر عليه لكم مني اطيب تحية

[eBusiness]

أولا 7 ملايين لا تساوي شيئا مما للحكومة الموقرة من أموال ههههه أنا لوكان جيب في بلاصتهم والله ما نعطيهم دورو... ثانيا والأهم أختي الفاضلة مولاة الميموار 15 نتاع التربص راح تفوت بسرعة... المهم أنتن كن ذكيات وتعاملن مع الوضع بروية... ستنتهي 15 يوم كما إنتهت الخمس سنوات وما يبقى إلا الصح... البكتيريا أنا خاطيني لكن ديري في بالك بلي الزازاير عبارة عن بكتيريا كبيرة لهذا تعاملي معها كما هي هههههه رب يسلهك يا بنت الأكابر... إن شاء الله تكملي الميموار وتقعدي في الدار ههههه

[chouchou w]

ربي كون معاك ياختي وتنجحي ان شاء الله ونفرحو بيك وتولي كيما وحدة هنا في فرانسا دخلت خترة للمستشفى على جالت قلبي وبعد مدة دخلت الطبيبة الشاف التمة والطبا كامل وراها يجريو وسقسيو فيها انبهرت بيها وعجبتني وزادت عجبتني كتر كيجات ليا وقلتلي بنت بلادي واش بيكي قلتلها جزايرية قلتلي هيه قاتلها رفعتي راسنا ربي كون معاها ومعاك يارب سلام

[face moon]

ربي معاك اختي
ههههه اول مرة احساس الجوع يسلك شخص من مشكل

[ibtihal18]

ربي يسلكك على خير والله فكرتيني بايام المخابر المسنوحة و حكايات الزرع و البكتيريا و خلي البكا اللي بكاونا الله يسامحهم .والرخص و الاهانة ............لهذا اكتفيت بالليسونس و الله شبعونا و خلي تع الماستر وش كانو يعانيو كيما راكي تحكي .....................ربي يسهلكم ان شاء الله و ينجحكم و يوفقكم

[amani38]

يا حسرأاااااه ،، فكرتيني في زماااان مضى و لم تبق سوى الذكريات
صدقيني سوف تمر هاته اللفترة بسلام ان شاء الله برك كبري قلبك و وسعي خاطرك ... فكرتيني حنا تاني ياما صرالنا عراقيل و اللي مننساهاش
la solution mére
اللي نديرو منها الزرع تلوثت و معندناش عينة وحدوخرا خاطر المؤطر جابها من فرانسا و يا حوجي على الخلعة و مين هادي فاتت تاني النتيجة كيما فلتي تخرج غير متطابقة ،، الفايدة تهلكنا لكن في الاخير قدمنا مذكرة نن اروع ما يكون و بدونواخطاء و الحمد لله
ربي يوفقك

[sawsanafleur]

ستمر الايام سريعا..... ولا يبقى في النهاية الا الذكريات .

[gouaich]

qشكراااااا

[أم عاكف ( الأم المعلمة )]

ربي يوفقك وينجحك ان شاء الله

[جمعي البشاري]

بالتوفيق لك

[رندة نهاد]

المشاركة الأصلية كتبت بواسطة eBusiness

أولا 7 ملايين لا تساوي شيئا مما للحكومة الموقرة من أموال ههههه أنا لوكان جيب في بلاصتهم والله ما نعطيهم دورو... ثانيا والأهم أختي الفاضلة مولاة الميموار 15 نتاع التربص راح تفوت بسرعة... المهم أنتن كن ذكيات وتعاملن مع الوضع بروية... ستنتهي 15 يوم كما إنتهت الخمس سنوات وما يبقى إلا الصح... البكتيريا أنا خاطيني لكن ديري في بالك بلي الزازاير عبارة عن بكتيريا كبيرة لهذا تعاملي معها كما هي هههههه رب يسلهك يا بنت الأكابر... إن شاء الله تكملي الميموار وتقعدي في الدار ههههه

اهلا يابن الاكابر نورتنا بالنسبة لي 7 ملايين يهموني يا اخي انا مجرد طالبة ولست عاملة هاد الساعة غير ابي يفورني عليا والحمد لله ان شاء الله يمر اموضوع على خير وتنتهي معاناتي مع البكتيريا الي ما حبت تخرجلي نظن راها حشمانة مني اخرجي برك ربي يعيشك لحد الان بدات اتعود شيئا فشيئا على الوضع واما تقنيو المخبر فقد تعودو علي فانا الحمد لله لساني حلو وندي الحاجة الي نحوس عليها بظرافة وادب ا الدار قاعدة قاعدة فيها مي لازم كما سبق وانا قلت لازم ندوقو الفال اسع القعدة في الدار والفروطوار شكرا على التشجيعات وتمنياتك الطيبة ياابن الاصول رزقك الله ما تتمنى نورت الموضوع الف تحية

[رندة نهاد]

المشاركة الأصلية كتبت بواسطة chouchou w

ربي كون معاك ياختي وتنجحي ان شاء الله ونفرحو بيك وتولي كيما وحدة هنا في فرانسا دخلت خترة للمستشفى على جالت قلبي وبعد مدة دخلت الطبيبة الشاف التمة والطبا كامل وراها يجريو وسقسيو فيها انبهرت بيها وعجبتني وزادت عجبتني كتر كيجات ليا وقلتلي بنت بلادي واش بيكي قلتلها جزايرية قلتلي هيه قاتلها رفعتي راسنا ربي كون معاها ومعاك يارب سلام

ربي يحفظك وشكرا على تمنياتك لي بالحظ الموفق والنجاح ان شاء الله يارب نحقق حلم والديا هذاك مكان تعبوا بزاف على الاقل نفرحوهم موش خسارة فيهم

[رندة نهاد]

المشاركة الأصلية كتبت بواسطة face moon

ربي معاك اختي
ههههه اول مرة احساس الجوع يسلك شخص من مشكل

[color="rgb(255, 0, 255)"]
الله يسلمك اختي مزية مكنتش تمة سترك يارب :d:d:d:d:d:d ان شاء الله يكملي ربي على خير هدا ماكان [/color]

[رندة نهاد]

المشاركة الأصلية كتبت بواسطة جمعي البشاري

بالتوفيق لك

ان شاء الله يارب شكرا لمرورك الكريم وتمنياتك الله يعزك استاذنا الفاضل

[رندة نهاد]

المشاركة الأصلية كتبت بواسطة ibtihal18

ربي يسلكك على خير والله فكرتيني بايام المخابر المسنوحة و حكايات الزرع و البكتيريا و خلي البكا اللي بكاونا الله يسامحهم .والرخص و الاهانة ............لهذا اكتفيت بالليسونس و الله شبعونا و خلي تع الماستر وش كانو يعانيو كيما راكي تحكي .....................ربي يسهلكم ان شاء الله و ينجحكم و يوفقكم

ان شاء الله يارب من جهة الاستاذ المؤطر والله الحمد لله الوضع بدا ينحل شيئا فشيئا اصلا مكانش حاحجة بالساهل التمرميدة فيها فيها وتاني الخلعة جي بالضحك كي تفوت ربي يفتح عليك عزيزتي تحياتي