طاجين السفيرية رااااااااااااائع من مطبخي

زينب 83 · 2015-04-28, 14:33

اكيد كاااااامل تعرفو طاجين السفيرية الجزائري لانه غني عن التعريف ، لكن ليوم حبيت نقدمو بطريق جديدة ان شاء الله تنال إعجابكم

المكونات

مكونات المرق الابيض

فخذ دجاج

قطع لحم عجل

كمية من اللحم المفروم للكفتة

حمص مشمخ ليلة قبل

فطر مقطع

بصل مفروم

ثوم مفروم

كركم ، فلفل اسود او ابيض ، كسبر ، ملح ، دبشة ، راس فلفل حار

انا لأستعمل الزيت لانه كمية الدهون الموجودة في اللحم تكفي

ماء

نقليو جميع المكونات من بصل و ثوم و بهارات و لحوم و حمص و ملح و كريات الكفتة المبهرة مع فنجان ماء

حتى يشرب اللحم البنة ثم نمرقها و نخليها طيب حتى يطيب اللحم و تخثار

مكونات السفيرية

بطاطا مفورة و مفرومة مع دبشة ثوم يابس مسحوق يعطيها طعم رائع وملح و لي يحب فلفل اسود
و صفار بيض
لحم مفروم متبل و مطهي جيدا و ناشف

نشكل كريات من البطاطا و نحشيها باللحم المفروم و نشكلها بالشكل الموضع بالصور يعني شكل أجاص و نمررها في مسحوق الخبز اي شابلير و نقليها في زيت سخون ،

انا قليت غير حبات باه تشوفوهم و الباقي طيبتها في الفرن بعد ما رشيت عليها شوي زيت ،

من الافضل قبل القلي نضعها في الثلاجة باه تحافظ على الشكل تاعها

عند التقديم توضع في صحن و تسقى بقليل من المرق و تزين حسب الرغبة ، انا مانحبش نرميها في المرق لانها تفقد شكلها و قرمشتها

الصور توضع مراحل العمل

هذا كان اول حشو

ثاني حشو كان بالشوارما

قطعت صدر الدجاج و تبلتو بيايورت طبيعي و موتارد و ملح و بهارات و دبشةو ملعقة صغيرة طماطم و طيبتهم حتى نشفو و حشيت الكرات و الباقي بنفس الطريقة السابقة

ثالث حشو كان بالمرقاز جات السفيرية اممممممممممم و قدمتها مع طاجين الزيتون

نطيبو المرقاز حتى يطلق كل الدهن نتاعو، تاعي مافيهش الدهن لانو منزلي ، و نحشيو بيه السفيرية و نتبعو الخطوات السابقة

و طاجين الزيتون اكيد طريقتو معروفة

و اخيراً بقاتلي شوي بطاطا قلت واش ندير بيها ،

فورت شوي جزر و ريحيتو زدتلو شوي بهارات ملح دبشة او معدنوس و قطعت فيه زيتون اخضر و حشيت بيه البطاطا رمتدتها في الشابلير و طيبتها في مول السيليكون في الفرن جات لذييييذةخاصة مع طاجين الزيتون

على فكرة هذي الاخيرة نقدرو نزينو بيها ايضا السلطة

ان شاء الله يكون الطبق نال إعجابكم