ماذا أفعل مع زوجي

[مشكلتي]

السلام عليكم سبق وان كتبت موضوع في هذا القسم واخذت بنصائحكم لكن المرأة تحن كي توجد حنان ومعاملة حسنة انا مديت لراجلي مبلغ من مال نعاونو حاب يشري طوموبيل قلت خلصة الجاية نحط على ذهب لاخطارش مديتش معايا وكي خلصت قالي مديهملي قلتلو واش راح ندير بيهم نظل نسلف من عند اختي قالي مكيش حابة ق
والله ماشي هكذا اموا قلت خدمة ادماج ندير منها حاجة كون عندي معليش بصح هو زعفان ومحابش يهدر معلبليش شكون يزعف أنا ولا هو لاخطارش نهار خلصت بقا غير يغازل فيا ومبعد دارقلتلو مكونتش تقول صح قولو واش ندير رايو عليا رجاء لا تجريح واريد الراي الصحيح لاني لاحظت بعض يجرح

[aminazy]

سلام هذه الظاهرة اصبحت متفشية ومش غير انت لي راكي تعاني منها
ما عرفت وقت تبدل ولا هنا تبدلنا ......الله يستر هذا مانقولك اختي
ننتظر اراء الاخوة بلاك يفيدوك

[طالبة علم شرعي]

سلام عليكم
يا اختي صارحيه واخبريه بما كتبتيه هنا قولا فهو كبير الان ورجل وعليكم بمعالجة المشاكل من مصدرها فطريقته هذه غير مقبولة وانصحك ان تضعي حدا لها فكل شهر سيتقرب منك لياخذ الاموال وان رفضت سيغضب
الحلول يا اختي قد ترضيك وقد لا ترضيك وكذا النتائج تعتمد على طريقة تفكير زوجك
فقد نقول لك اتركي العمل ليعتمد الرجل على نفسه ويختلف مصدر تقربه منك بدل الاموال شيئ اخر لكن اخشى في نفس الوقت ان يزيد على حالته وتعيشين في وضعية مزرية انصحك بان تستشيري ابيك وامك فهم اكبر واظن انهم سيحزرون بما عليك فعله ومجددا ناقشي زوجك بالموضوع فهو كبير
وربي يفرج عليك ويوفقك لكل الخير

[زبدة ذايبة]

شوفي صلاحك

تساعديه خطرة وزوج ومن بعد خلاص

ماراهوش ذراري كي ماتعطيهش الحلوى يبكي

هذوهما الرجال -إلا من رحم الله- إذا عرف عند المرأة دورو مايريحش حتى ينيحيهولها ويمدو لوحدو اخرى

خليه يزعف وماكالاه تحلليله

على الأقل يعرفها قارصة

قوليلو تزوجتك باش تخدم عليا ماشي نخدم عليك

ردي بالك تتنازلي

كاين حد تتوقف فيه المساعدة وإلا ماراح يديرلك حتى اعتبار

يديلك دراهمك ويسب النهار اللي تزوجك فيه

وتولي ماراك بدراهمك ماراك بالراجل

[اياد حياتي]

رجال اخر زمن سمحيلي بصح رجال دورك قليل الي فحل انتي ولفتيه من قبل ماننكر انو تعاونيه بصح طمع الله يهديه

[*وردة الشرق*]

صباح الخير اختي والله اغلب الرجال اصبحو هكدا انت ادرى بزوجك وانا نعرف بزاف نساء دارو هكدا ومدو اموالهم لرجالتهم وبقاو لاصقين ننصحك ادا كنت تحب صلاحك ما تعطيلوش النقود وعيشي قدارك وربي اكيد رايح يرزقك
ولاكان علاجال لغظيب خليه حبيبتي يغظب حتى يتفش وحدو ما كيش ظالمتيه وراكي بريئة تبعي رايي خليه يغظب ولو شهر وحدو يراجع نفسو صدقيني هو يدير هكدا لانو يعرف انك تحبيه وما تقدريش تغضبيه
ربي يسرلك حنونة

[ابتسام smile &hope]

المشاركة الأصلية كتبت بواسطة زبدة ذايبة

شوفي صلاحك

تساعديه خطرة وزوج ومن بعد خلاص

ماراهوش ذراري كي ماتعطيهش الحلوى يبكي

هذوهما الرجال -إلا من رحم الله- إذا عرف عند المرأة دورو مايريحش حتى ينيحيهولها ويمدو لوحدو اخرى

خليه يزعف وماكالاه تحلليله

على الأقل يعرفها قارصة

قوليلو تزوجتك باش تخدم عليا ماشي نخدم عليك

ردي بالك تتنازلي

كاين حد تتوقف فيه المساعدة وإلا ماراح يديرلك حتى اعتبار

يديلك دراهمك ويسب النهار اللي تزوجك فيه

وتولي ماراك بدراهمك ماراك بالراجل

راي صواب

اليوم طونوبيل وغدوة بلاك تولي تخلصي لكريدي
دراهمك ديريهم صياغة وخبيهم فالبنك

[صبرين صبرينة]

شوفي اختي راجل ادا والف يدي الدراهم من عندك عمره ما يبطل كل مرة يزيد نصيحة من عندي ما تعطيهش وقعدي على رايك خليه يزعف لاني انا ولفته وما قدرتش نطالب بحقي و منحبش يسرالك كيما كيفي ربي يهنيك

[NIGHTINGALE]

الظاهرة التي تعيشينها أختي تسمى ظاهرة الابتزاز العاطفي وهي استغلال ضعف الآخرين للوصول إلى غاية محددة من ورائهم
وإليك بعض النصائح لمواجهة الابتزاز منقولا من أحد المواقع :


النصيحة الأولى: التعرف على الإشارات
الخطوة الأولى للحماية هي المعلومات. اكتشفي متى يتم التلاعب بك، عادة يتألف الابتزاز العاطفي من خلال ست مراحل: الطلب والمقاومة والضغط والتهديد و الإذعان والتكرار.
1- الطلب: عندما يطلب الزوج من زوجته القيام بفعل شيء من أجله.
2- المقاومة: عندما تظهر الزوجة قلقها بشأن هذا الطلب.
3- الضغط: عندما يضيق عليها هذا الزوج الخناق و يحصرها في زاوية ضيقة.
4- التهديد :عندما يبدأ هذا الزوج بالقول إن عدم قيام الزوجة بما يريده سيكون له عواقب وخيمة.
5- الإذعان: الاستسلام و القيام بما يريده ذلك الزوج.
6- التكرار: عندما تبدأ هذه الدورة الجنونية مرة أخرى.
تتيح لك معرفة هذه المراحل و فهمها أخذ الحذر و الحيطة قبل أن يسيطر عليك المبتز و يستغلك.
النصيحة الثانية: حب النفس
غالبا ما يكون ضحايا هذا النوع من الابتزاز يشعرون بعدم الأمان، و يعتمدون بشكل كبير على الأشخاص من حولهم لذلك يستسلمون لسيطرة الآخرين بكل سهولة.
لحماية نفسك:
- عززي جانب "احترام و تقدير الذات".
- لا تدعي ما يقوله الآخرون يؤثر عليك كثيرا.
- أعرفي نفسك و قيمتك في المجتمع.
- تحدثي مع أمك أو مع أختك الكبيرة، أو إحدى صديقاتك المقربات ليساعدنك في التعرف على سماتك البارزة، أو خذي وقتا مستقطعا لحل مشاكلك الشخصية.
هذا التدبير الوقائي يساعدك على الوقوف في وجه الابتزاز العاطفي.
النصيحة الثالثة: المنطقية
يمكن أن يساعد تبني وجهة نظر منطقية على حمايتك من التلاعب. هذا الأمر هو أصعب بكثير مما قد يبدو، لذلك من الأفضل لك أن تكوني مستعدة للثبات والصمود.
قد يكون الرضوخ و الاستسلام هو الخيار الأسهل، ولكن هذا الأمر من شأنه أن يعيدك إلى حلقة الابتزاز نفسها و يستنفد طاقاتك.
كل شخص لديه القدرة على استخدام الابتزاز العاطفي للحصول على ما يريد. لا تسمحي لنفسك أن تكوني الضحية.
قومي باتباع النصائح في هذه المقالة واحمي نفسك.

[كلنا راحلون]

بلتي هي احسن وعدم ادخال نساء في مشكلتك

[عاشقة الحقيقة]

السلام عليكم و رحمة الله، أخيتي قلبي معك، و لا أحد يستطيع نصحك لأن مثل هذا الأمر و أخذ القرار يتوقف عليك فحسب، لأن الموقف صعب، فأنت الوحيدة من تعرف طباع هذا الزوج و الطرق التي يتم بها ردعه، لأن هذا السلوك الذي قام به معك مناف للفطرة، لا يرضاه الشرع ، لأنه يعتبر سارقا، و لا أستطيع أن أقول لك ماذا تفعلين، لكن فقط من منطق من جربت هذه الوضعية، أقول لك أن بعض التصرفات تحتاج إلى الردع و الفصل النهائي فيها، أي ممنوع التطرق إليه ثانية، إذ يجب وضعها في خانة المحذورات و الممنوعات، لذا فإن الأمر يتطلب الكثير من الشجاعة و الإرادة و قوة الشخصية و الأكثر من ذلك تحمل مسؤولية ماذا سيحدث عندما أقول "لا" و لا أتراجع عنها مهما حدث. لأنه قد يستعمل كل الطرق لإذلاك من أجل إخضاعك، و أعرف كثيرات حدث معهن ذلك.
كل ما يمكن أن أقوله لك لا تستمع لأحد أدرسي القضية جيدا وفقا لظروفك الخاصة، ثم اتخذي قرارك بعدها مع محاولة التقليل من الأضرا قدر ما أمكن و الله المستعان على هكذا رجال هدانا الله و إياهم لما فيه الخير و السداد، وفقك الله و حماك و حما أسرتك من همزات الشياطين.

[ayaamira666]

اختي الكريمة انصحك كيما روحي و لكل بداية نهاية و كيما بديتها تميديلو يعني اختميها ماتمديلوش
و هاذا بالطبع بالتدريج خاطر انت والفتي راجلك على حاجة و ابداي نحيهالو بالشوية يعني ابداي نقصي مثلا كنتي تمديلو كل الراتب و الان مديلو نصو و المرة القادمة ربعو و الي بعدها دراهم معدودة حتى يفهم روحو. و انت لازم يكون عندك برنامج مسطر واش راحا اديري بدراهمك على خاطر لازم في الاول تصرفيهم كاملين على نفسك او على دارك او حتى على راجلك المهم ان لا يرى النقود بعينه على خاطر يقعد يمرض فيك على الزوج دورو الي راكي مخبيتهم و اذا عرف بلي راكي صرفتيهم راح يسكت واذا لقيتي هادي الطريقة نجحتلك تقدري تخبي دراهمك بلا ماعلابالو راجلك

[صُبح الأندلس]

شوفي أختي إذا عودت الرجل على إعطائه المال فيوم تقطعينه عنه سيتغير و يثور عليك
الآن عوديه على عدم إعطائه لأنه هو الرجل و يجب عليه أن ينفق عليك
و نعم أنفقي على بيتك و أولادك

[رة بنت الاحرار]

السلام عليكم جميعا أختي واش نقولك مشكلتك تشبه شوية لمشكلتي أنا الان في الطلاق , هو كان يعاملني هكذا من ما كنتش نعطيه الدراهم ولا يحاسبني بيهم ما كانش حتى يصرف علي وكان يعاملني كانني غير موجودة وفي مرة احتاج نقود بدل معاملته ليا واصبح يكلمني ويتقرب مني و.....
لكن بمجرد مرور اسبوع عادت حليمة لعادتها القديمة أختي . شوفي راجلك اذا كان شاريك ويحوس يأسس لعائلة ويشوف المستقبل معاك وحتى اذا عاونتيه راكي عارفة اذا يستاهل صح ولا لا . وتما تعرفي الحل ان شاء الله يبعد عليك الهموم

[happy luck butterfly]

يا اختي غير بالشوية ماشي على زوج دورو حتفسدي حياتك
ادا السيارة ما عليش تعاوني راجلك مي اتفاهمي معاه قال مرة نعاونك ومرة ندير واش باغية
ختي الهنا خير من الغنى