طلب نصيحة

[مشكلتي]

تقدم لخطبتي شخص مرتين وكان والدي يرفض بحجة طبيعة عمله
وقد اتى ليخطبني للمرة الثالثة وكان نفس الجواب
بكيت كثيرا وصليت كثيرا وذهبت لامي للتكلم معها فقالت لي انها ستتكلم مع ابي وستقول له باي موافقة ولكن لو يحصل بينك و بين زوجك في المستقبل مشكلة نحن لا دخل لنا؟؟ هنا فرحتي نقصت
هل اخطات عندما تكلمت معها و قالت لي هذا الكلام لاني خفت ان لا اجد والدي في ظهري مستقبلا علما انهم سالو عن الخاطب و لم يجدو فيه عيبا واحدا غير طبيعة عمله كونه شرطي

[الصديق قروف]

اسعاي يكونو راضيين عليك
ممكن يكون هذا هوا مكتوبك اولا
معلبليش لبوليسي يبعثوه لصحرة حتى هوا
ولا عدا هذا المرحلة ؟
منربطوش اشخصية بلعمل
واتربيا هيا اهم شيئ

[* الحلم سكر *]

ماراحش يتخلاو عليك صح في المستقبل اذا مافيهش حتى عب في اخلاقو و دينو و طبايعو الا في خدمتو كيما قلتي خلي امك تقنعي ةالدك و ربي يسهلك

[aminazy]

سلام عليكم
شوفي اختي هذي دنيا صعيبة ويليقي كي تروحي للراجلك الا بموافقة الاولياء موافقة تامة لانو المستقبل في هذا الوقت ولا صعيب وما تصيبي غير الوالديين
لذلك ننصحك اذا كان هذا الزواج فوق قلب والديك اخطيك رانا نشوفوا واقع شراه يصرى فيه ونتمنى انو باباك يوافق عليه من قلبوا .......ربي يعوضك خير لانوا عندي راي الوالديييين خط احمر

[طالبة علم شرعي]

سلام عليكم
أختي صلي الاستخارة
ثم حاولي ان تليني قلب ابيك وتقنعيه بان الدين والخلق هو الاهم وليس المهنة فالرجال يختلفون وكل وتربيته ومن يدي يكون هذا جيد وان واصل ابوك على عناده فادعي الله ان يرزقك احسن منه وحاولي اقناع نفسك ان هذا خير لك فربما تتزوجين به وتندمين وتتدذكرين كلمة ابيك حينها لن تجدي من يساندك وان شاء الله يققتنع احدكما في الاخير
اسال الله ان ييسر امورك ويفرج عنك ان شاء الله ,, بالتوفيق

[زبدة ذايبة]

سقسي عليه مليح

نسبة كبيرة من الموظفين في هذا القطاع فاسدين دينيا وأخلاقيا إلا من رحم الله

والوالد انتاعك يعرف واش يليق بيك

هو مايكرهش اللي رفض يزوجك بهذا الشخص بل من خوفو عليك وعلى حياتك في المستقبل

حياتهم ماشي مستقرة وفيها الخوف

ومع هذا يبقى الشريف والصالح فيهم راجل بأتم معنى الكلمة.

استخيري والخير فيما اختار الله

وتأكدي أن نظرة الوالد غالبا في حكمه على زوج الإبنة تكون في محلها

لأن الراجل يعرفو غير الراجل

واحنا نحكمو فقط من الظاهر مانشوفو غير القشور انتاعهم

تقلي روحك واستهداي بالله

وطيعي والديك مايجيش النهار اللي تقولي فيه ياندامتي

[نارينا]

غريب أول مرة أعلم أن معظم من يشتغل في هذا القطاع فاسدين أخلاقيا

والأغرب أن الاب يرفض الخاطب لأنه شرطي !!!! مالعيب في أن يكون الخاطب من حماة الوطن ؟؟

أنا لي الكثير من القريبات ممن ارتبطن برجال شرطة واحوالهن بالف خير

كنت أعتقد ولوقت قريب أن الرفض يكون لبائع الخمر أو السارق والفاسق وغيرهم

على العموم استخيري الله وأعلمِ أن أهلك لن يتركوك وحيدة مستقبلا مهما كان
ومن جهة أخرى ,,كل المتزوجات يعانين من مشاكل مع أزواجهن ويتدخل الاهل غالبا

مهما كانت وظيفة الزوج ..فالشرطي ليس الشخص الوحيد الذي تطبق عليه هذه النظرة

وفقك الله

[محمد جديدي التبسي]

أستغرب من رجل يتقدم لفتاة أكثر من مرة!!
المفترض أن والدك يريد لك الأفضل وأظن أنه لم يرفض بسيب طبيعة العمل فحسب وانما يعرف أشياء أخرى عن هذا الرجل وعائلته لا يرى أهمية لاطلاعك عليها باعتبارك فتاة وهذا رأي صواب وفيه حكمة فلا تستعجلي الزواج وربما هذه نتيجة صلاة الاستخارة والله يريد لك الأفضل
لا تشغلي بالك... والدك يعرف مصلحتك أكثر منك.. ربي يرزقك كل خير

[mohamed cherie]

ان شاء الله ربي يسرلكم في اموركم

[ماريـام]

تبعي كلام الاب تاعك هو يعرف مصلحتك احسن منك اكيد اربحي اهلك مكاش الي راح يعوضهملك صدقيني

بالتوفيق

[رقة قلب]

السلام عليكم و رحمة الله تعالى و بركاته

يا ختي مرضاة والديك قبل كلش يخطبو 100 و يدي واحد مادام والديك ما استراحولوش غير بعدي لان هديك شوكة لي راهي في قلبهم تبقى دايما تبع فيك حتى و اذا كان الراجل مليح من نية والديك تصرا حاجة بيناتكم و كلش بلمكتوب

[bravo1]

ان كان هدا الشخص دات خلق و دين اين المشكل احيانا نرى الامور من منظورنا و نكون مخطئين الله يدير لي فيها الخير

انصحك بصلاة الاستخارة و الدعاء و ربي يفرج عليك ان شاء الله

[nassroben]

شكراااا

[غير هام]

السلام عليكم

مرات الوالدين يكون عندهم نظرة صائبة في مثل هاد الامور حتى تتطفر وتقولي والديا كان عندهم

ومرات يحكمو على العبد غير من الشكل لا غير

انت الحل صلي صلاة استخارة وي فيه الخير يقدمو ربي

[mounyabiskra]

علاش واش بيه الشرطي؟؟ معندوش التحويات من ولاية لولاية خدامstable في بلاصة وحدة مشي كيما العسكر و الدرك، قنعيهم و فهميهم بلي الصح في الدين و الخلق و صلي بزاف و ادعي و انشآلله يكون فيه الخير وربي معاك.