بيتزا الكويرات اممممم

[ام طيري الجنة]

البسملة1

كيف حال الجميع ان شاء الله كلكم بخير
هذي ممممممممممدة ما حطيتش مواضيع لضيق الوقت حتى اليوم ربي كتب باش نقدملكم هذي الوصفة ان شاء الله تعجبكم
و لكوني من عشاق البيتزا لوكان نصيب كل يوم انديرها الا ان الزوج ليس من عشاقها كثيرا لذا كل مرة نحاول نغير في شكلها وهذ المرة جا في بالي نديرها على شكل كويرات للاسباب التالية (تقول راني في القسم هههههه)
* شكل جديد
* سهلة في تناولها ما تغبنش و ما توسخش كي البيتزا العادية لانك راح تاكليها على شكل لقيمات امممم
* و ايضا مشبعة خبزة واحدة منها بمثابة 2 من البيتزا العادية
( لكن شوي تشد الوقت على البيتزا العادية )
انفوتو مباشرة للطريقة
تحضري اي عجينة بيتزا معتمدتها تقصيها دوائر

تعمريها بالقليل من الحشو اي حشو تحبي ( انا هنا درت فقط صلصة طماطم + بصل مقلي على نار هادية + شوي زعتر + فرماج عادي + فرماج رابي )



تغلقيهم و توضعيهم اما بعض على الصينية و من الفوق تقدري تخليهم كيما هوما او تطليهم بشوي صلصة و تغرسي زيتون اسود و ترشيهم ان اردت كي تقربي تخرجيهم بالفرماج رابي


انا هنا سهيت شوي عليها حمارت شوي لانك اذا درتي صلصة من الفوق ما تشعليش عليها من الفوق الا بعد ما تطيب من التحت




انها فعلا شهية
سيداتي الكريمات انا هنا ما عطيتكمش وصفة للبيتزا لان على بالي كلكم شاطرات في تحضيرها بل فقط حبيت نشارككم فكرة ان شاء الله تعجبكم وعلى بالي انكم اذا طبقتوها راح تكون في اجمل حلة خير من تاعي اللي وجدتها في وقت جد ضيق مين رجعت من الخدمة
تحياتي لكن جمييييعا و شهية طيبة