ما وجدته في هاتف خطيبي اصابني بالاكتئاب (2)

[مشكلتي]

السلام عليكم

انا كيما حطيت الموضوع الاول لي يحمل نفس العنوان كامل توجهتو ليا واهمتوني بلاما عرفتو ؟؟

مافهمتش وعلاش انا قلتلكم خطيبي وما دخلتش فالتفاصيل لاني ما كنتش حاسبة تخليو لب الموضوع وتهدرو فالاطراف

روحتوا كاما تقولو بلي حرام تختلي بيه وحرام تركبي فالسيارة يا خوتي اتقوا الله يعني الواحد شاوركم في موضوع تاع

مصير وانتوما تقذفو فيه ما فهمتش شكون قالكم بلي هذا مش حلالي ومانيش عاقدة ؟؟

المهم انا راني عاقدة ومفتحة ودايرة كل شي وعرسي راح في الشهرين الجايين ارجعولي للموضوع الرسمي لي علاجالو

فتحت الموضوع وكفاكم قذفا في الناس من فضلكم والهاتف عمري مسيت فيه بصح المرة هاذي غرني الشيطان وفتحتو

[mazigh+chaoui]

كل الناس تخطيء

تكلمي معه و انصحيه

[محمد جديدي التبسي]

حتى لو كنت عاقدة ومفتحة هذا لا يبرر ركوبك معه لأن الأمر غير محمود العواقب مع شباب وقتنا وكم تم من طلاق قبل الدخول؟!! الواقع يخوّف والفتاة لازم تخاف أكثر حتى مع من تسميها زوجها مادام العرس مازال...
أنت شوفي لايجابياتو وعقليتو هل هو من النوع الذي يقبل الحوار وطيب القلب يعني ربما لحظات ضعف أو أصدقاء السوء من نقلوا له تلك المقاطع فربما يمكنك إبعاده عن هذا المستنقع
ربما هو طيش شباب وبعد الزواج ينتهي كل شيء المهم أن يجد فيك الزوجة المطيعة الناصحة...
أنا لا أبرر له بقدر ما أنظر لواقعكم وبعد شهرين تكوني في دارو لو كنت في أول الخطبة ربما اختلفت نصيحتي لك والله يهدي الجميع.

[seridz]

متفهميهاش اختي من هذا المنظور انهم قذفوك لا معاذ الله لكن هما خافو عليك انطلاقا من المعلومات اللي تفضلتي بها فالموضوع الشيء الجميل في هذا الموضوع انك استعرفتي بالخطأ اللي درتيه و هذا يبين على انك انسانة واعية ربي يصلح احوالنا جميعا يقول احد السلف :لو كان للذنوب رائحة ما جالسني منكم أحد " وقال آخر " لو اطلعتم على سريرتي ما صافحني منكم أحد " حاولي تفتحي معاه موضوع حول الخلوة بين الانسان و ربه و ان الانسان لازم يراعي ان الله يراقبه و لازم الانسان يستحي من الله في خلوته و ان لا يبارزه بالمعاصي . الله يصلح الراي اختي

[sarl02]

كل له خصوصيته حتى ولو كان زوجك....يعني مكان ما دخلك في واش اشوف وفي واش ما اشوفش ...الموضةع ليس مصيري كما تدعين ...هذا هو جزاء من يتطلع لخصوصيات غيره...الحل الوحيد لديك الان هو نسيان الامر كانه لم يحدث ونوصيك من الان فصاعدا حتى وتكوني معه في فراش الزوجية ما تخربيش فالتلفون ونقطة الى السطر.

[الحزين المبتسم]

السلام عليكم

ما يؤخذ عليك أختي الفاضلة في طرح مشكلتك في الموضوع السابق أنك لم توضحي أن بينكما عقد رسمي والردود معظمها جاءت انطلاقا من ذلك ..

هذا التصرف من خطيبك أختي لا شك أنه تصرف خاطئ واذا كان من المدمنين على هذا الفعل فالأمر خطير ..

لكن من خلال ما تقدمت به في هذا الموضوع يجعل الخيار الوحيد أمامك المضي قدما بايجابية معه ... خاصة كما أشار الأخ محمد اذا كان لخطيبك هذا مؤشرات ايجابيات في أخلاقه وطيبته

لا أريد أن أظهر بمظهر المدافع على تصرف خطيبك أختي لكني ألفت انتباهك لأمرين مهمين أولهما يجب عليك أن تفكري وتكوني سببا في ابتعاد خطيبك عن هذا الفعل بكل الوسائل المتاحة النصح والتنبيه والوعظ ... الأمر الآخر أختي يجب أن تعرفي أن أعظم غايات الزواج هو تحصين الزوجين من الوقوع في هذه الأخطاء ..

وهذا ما لاحظناه من الواقع كثير من الشباب أفعالهم أكبر من فعل خطيبك هذا ولما تزوجوا تغيرت أحوالهم كثيرا وهم الآن من خيرة الرجال بفضل الله ثم الزوجة خاااااصة اذا كانت ذكية ومؤثرة تأثيرا ايجابيا على زوجها

نسأل الله أن يهدي خطيبك وجميع شباب المؤمنين .. وربي يوفق بيناتكم

[بنت لبحر]

السلام عليكم

فعلا اختي انا كي قريت الردود تاع موضوعك الاول حرت فيهم .تاركين المشكل و رايحين يحلو و يحرمو بلا ما يفهمو ويلومو فيك على حاجة معلبالهمش بيها . الله يهدي عبادو


اختي حاولي تفتحي الموضوع مع خطيبك و حاولي ترجعيه لطريق الصواب وتعقليه على واش راهو يعمل

ربي يفرج عليك و يسمعنا الخير

[*سيرين نور عيني *]

اختي حاولي تفتحي الموضوع مع خطيبك و حاولي ترجعيه لطريق الصواب

ربي يفرج عليك

[الجزائرية80]

ربي يهدينا ويعرفنا بعيوبناااااا مكانش ما احسن من الصراحة في كل شي حتى بعد ما تزوجو حاجة مش عاجباتك صارحيه بيها وتناقشو وتوصلو لنتيجة مربحة للطرفين ويكون الحوار بعيد عن العصبية حاولي تكونى هادئة .المهم صارحيه بالموضوع مع النصح والارشاد له بلا عصبية و ربي يهنيك ويسعدك

[naamane3]

غرك الشيطان وفتحتيه اضن ان الله يحبك لذا ابتلاك بهاذا الموقف
يا بنتي خطيبك يتثقف بهذه الافلام لانه مقبل على زواح
وطريقة تثقيفة تزيده جهلا على جهل
لذا اذا استطعتي تغيير هذه الفكرة من راسه فانت عبقرية
والتغيير يكون من التعلم بالعين الى التعلم بالقرائة
والكتب كثيرة ومتنوعة
لا تكتئبي وحاولي ان تغييريه بطرق غير مباشرة
نعطيك مثال دليه على بعض الكتب او الحصص التلفزيونية اللتي تتكلم على هاذ الجانب

[loubna 91]

السلام عليكم اختي انا ما قريتش موضوعك الاول اول حاجه كل واحد يقولك حلال و حرام علابالنا حرام كي يعود خطيبك بصح انتي قلتي راكي عاقده و مفتحه يعني زوجك حلالك طبعا في حدود المهم الحاجه التانيه نصيحه لوجه الله متزديش تفتشي وراه اولا حرام تانيا ما تجيبي لروحك غير تكسار الراس و القلقه و كلش خاصه بعد الزواج تالتا موضوع المقاطع و للاسف الشديد تقريبا كل الرجال هكدا الا من رحم ربي ان شاء الله برك ما يكونش ادمان برك لانو صعيب الحل ما تصارحيه ما والو ما تجيب معاك حتى نتيجه قادر يقولك ماشي انا لي درتهم و قادر يكبر الموضوع ويردو ضدك الرجال هكدا ما يستعرفوش بساهل اني بعتيلو مقاطع عن السلبيات تاعها بلي حرام تجيب غضب الرب تنحي البركه من الدار تخرب العقل تاع الانسان وهكدا حاولي كيفاه توصليلو الفكره المهم شوفي اخلاقو يلا مليح كملي و ان شاء الله بعد الزواج ربي يهديه

[fella111]

المشاركة الأصلية كتبت بواسطة مشكلتي

السلام عليكم

انا كيما حطيت الموضوع الاول لي يحمل نفس العنوان كامل توجهتو ليا واهمتوني بلاما عرفتو ؟؟

مافهمتش وعلاش انا قلتلكم خطيبي وما دخلتش فالتفاصيل لاني ما كنتش حاسبة تخليو لب الموضوع وتهدرو فالاطراف

روحتوا كاما تقولو بلي حرام تختلي بيه وحرام تركبي فالسيارة يا خوتي اتقوا الله يعني الواحد شاوركم في موضوع تاع

مصير وانتوما تقذفو فيه ما فهمتش شكون قالكم بلي هذا مش حلالي ومانيش عاقدة ؟؟

المهم انا راني عاقدة ومفتحة ودايرة كل شي وعرسي راح في الشهرين الجايين ارجعولي للموضوع الرسمي لي علاجالو

فتحت الموضوع وكفاكم قذفا في الناس من فضلكم والهاتف عمري مسيت فيه بصح المرة هاذي غرني الشيطان وفتحتو

الزواااااااااااااج اشهاااااااااااااار يا اختي

[عبد الله 22]

السلام عليكم في كل الاحوال أكيد يوجد العديد من الاعضاء ربما خارج عن الموضوع لكن نظرتهم كانت أوسع و ماهو موجود في هاتف خطيبك لن يضرك في الوقت الحالي بقدر ما يضرك ركبوك معه الكثيرات حدث ما حدث مع الرجل بينهما عقد وحدث أن طلقها او توفي قبل إشاعة الزواج وتحملت هي النتائج ولا أحد من هذا الامر ببعيد انت او غيرك من يرتكب هذه الاخطاء ويبررها والتي ربما قد تكون قدوة في هذه المنتدى لغيريك بأنك ما تفعليه صحيح ولا يجب النصح وليس اللوم لأن في الاخير من يرتكب خطاء هو ما يدفع ثمنه وذهبي لمحاكم لتنظري كم قضية وإمراة تتخبط في مشاكل إثبات النسب أو الزواج الذي لم يشهر بين الناس

[السي محمد]

سيكون من الخطا و الغباء ان تفتحي معه الموضوع

استري ما ستر ربي

اضربي النح ما شفتي والو و ما سمعتي والو...ما يصرا والو باذن الله




إياك ثم إياك ان تفتحي معه الموضوع او يعلم انك لمستي هاتفه

ستندمين

اولا ماكان ما دخلك فيه يتفرج وش يحب و ما تقوليليش(ننصحو)

لانه غالبا ما يقبلش النصيحة منك
و ثانيا

لانه مش رايح يفهم الامر على انه نصيحة بل تجسس و تدخل في خصوصياته


و كلمة نوجهها للاخوات الكريمات اللي يقدمو نصائح مثل (افتحي الموضوع مع زوجك او خطيبك)



يا نساءَ الارض افهمنَ ...ان الرجل ليس امراة مثلكُن

طريقة فتح الموضوع للنقاش و حل المشكل لا تنفع مع الرجل لانه رجل و ليس امراة


طريقتكم في التعامل بينكم كنساء مع يعضكن البعض لا تنفع و لا تصح مع الرجال


ربي يهديكم متى تتوقفون عن العَبث

لا تعاملي الرجل على انه امراة...... صديقة او زميلة... او اخت... تتبادلان اطراف الحديث

أغلبية الرجال يكرهون الكلام ..و خصوصا لما يكون انتقاد له و لأخلاقه و افعاله و قراراته

يا اخواتي الكريمات...اسمعنَ كلماتي هذه و لا تنسينَها..فانها مهمة جدا


الرجل ليس امرأة لهذا لا تعامليه مثلما تعاملين امراة اخرى و لا تتوقعي ردة فعله تكون طبيعية كردة فعل امراة

يا اخَوَاتي ربي يهديكم

كل هذا الوقت الذي تقضينه في النت ألم تفهمن بعد الاختلافات بين الجنسين ؟؟؟و طريقة تفكير كل جنس؟؟؟

[زهرة الريف*]

انا مأقريش الموضوع الأول لكن فهمت من ردود الأعضاء ومن رأيي اجتنبي التحدث معه في هذا الموضوع وأكثري من الدعاء والله وحده القاد ر على إصلاح النفوس