ملل و ضيق

[مشكلتي]

[size="6"]السلام عليكم
عندي مشكلة أحبطتني كتيرا
أنا فتاة 27 سنة دايما نحس بضيقة و ملل و احباط. دايما مكتئبة و كارهة كلش... مانعرفش كامل الفرحة في قلبي دايما مضايقة رغم انني صدقوني محافظة على الصلاة و القران و كثيرة الاستغفار

انقدوني من هاد المشكل اللي مانيش عارفة كيفاه نخرج منو

وأجركم عند الله

[hajark2]

السلام عليكم

اختي ربي يبعد عليك الهم والغم .
انا بانتلي القعاد تاع الدار والروتين
هو السبب ف الحالة الي راكي فيها

حاولي يكون عندك هدف وحلم تسعاي
باه تحققيه حتى لو كان صغير
المهم ما تبقايش قاعدة وخلاص.

ربي يفتحلك ابواب الخير

[naamane3]

الاستغفار يفتح الاقفال

[bilal best]

رانا كيف كيف انا 28 سنه و حاصلي نفس الشئ ولكن انا علابالي السبب لانه نخمم بزاف فالمستقبل ما عشت الحاضر مليح معندي يد للمستقبل.............ربي يهدينا نشالله

[seridz]

هل تعانين من قلة النوم ؟ هل تجدين التواصل الاجتماعي صعبا بالنسبة لك ؟ هل تعانين من الخمول ، النطواء او العزلة ؟ اذا كانت هذه الاعراض موجودة فيك فأنت تعانين من نقص هرمون السيروتونين (هرمون السعادة) الحل في هذه الحالة محاولة رفع مستوى السيروتونين في الجسم و ذلك عن طريق التغدية الصحية و ممارسة بعض النشاطات الرياضية في البيت مع المداموة على قراءة القران و محاولة التنوعين في السور و كثرة السجود

[غير هام]

السلام عليكم

ربي يفرج عليك ويسعدك

ديري حرفة في يدك ما تخليش الملل قاع يتوشيك مثل الكروشي والحاشية راهم دارجين بزاف

[رَكان]

السلام عليكم..
من أهم مسببات ما تذكرينه هو الفراغ ...
إملئي وقتك بأي شيء..
أنت لاتذكرين بأنه عندك مشكلة لربما عندك ما ترين أ نلاحل معه لذلك أفرز عندك ذلك الشعور ..
مارأيك في شخص واقع في مشكلة وليس لديه حل للخروج منها ؟
إنه يعاني الأمرين في ذلك ..لكن عليه أن يسرق نفسه من دوامة هواجسه ..إن كان رجلا فبالتنقل والترحال من حين لآخر فيستعيد أنفاسه أما وأن كانت امرأة فعليها احداث الغيير في يومياتها كأن تنشغل بامر ما هواية مثلا ..ممارسة اشغال يدوية وقد تكون نفعية من حيث المردود..كذلك مد يد العون للآخرين المحتاجين للمساعدة سوف يملأ نفسك شعورا طيبا ينسيك ما أنت فيه ..
كل ماذكرته لك لم يكن انشاء مني إنما عن تجربة ..

[أم شروفة]

الفراغ هو اللي مسببلك هذ الضيق ..حاولي ملئ وقت فراغك ..اشتغلي بالطبخ والتنظيف ........تعب الجسد ينسينا تعب الروح

[loulou88]

اختي السلام عليكم
نعم اختي عليكي دائما بالصلاة والقراآن و خصوصا الدعاء و الاذكار
اذكري الله كثيرا كثيرا
وحاولي تشغلي نفسك بشئ قراءة ، طبخ ،او اي شئ ينسيك الضيق
وفقك الله

[aminazy]

السلام عليكم
الفراغ هو المشكل

[beldjilali.guellil]

السلام عليكم

لا يكاد يسلم أحد من الضيق و الملل

فأما الضيق فيعالج بحسن الظن بالله
و أما الملل فيعالج بملئ وقت الفراغ بما ينفع

[crono]

السلام عليكم

أختي الفراغ هو المشكل ان الوقت كا السيف اذا لم تقطعه قطعك عليكي دائما بالصلاة والقراآن
والحمدوالله راكي محتفضة على صلاتك هي الصح
و خصوصا الدعاء و الاذكار
حمدوالله راكي بصحتك كاين لمعندهومش يديهم أوراهم يشغولو روحهم بكاش حاجا
عاوني ماماك في الشغول الدار هاد غسيل هاد طياب هادي حلواى تع العشية
تشربو بيها قهوى إملئي وقتك بأي شيء المهم ما تبقايش قاعدة وخلاص
و في وقت فراغك تشغلي نفسك بكاش حرفة ولا عندك حرفة في يدك
كالخياطة ولا الكروشي وهناك الاعمال الفنية كثيرة
وهاذا الرابط كي تدخلي فيه متلقايش الوقت خلاص


https://www.djelfa.info/vb/forumdisplay.php?f=71

[mrmilano1984]

ماهدا الهرمون فهمونا لول هل يوجد فعلا هرمون السعادة

[seridz]

هاك خويا اقرا
https://sante-medecine.commentcamarch...-et-depression

https://ar.wikipedia.org/wiki/%D8%B3%...86%D9%8A%D9%86

الرابط الاول مكان النجوم ضع كلمة مع اصاق الحروف مع بعضها c o n t e nt s

[amoros]

المشاركة الأصلية كتبت بواسطة مشكلتي

[size="6"]السلام عليكم
عندي مشكلة أحبطتني كتيرا
أنا فتاة 27 سنة دايما نحس بضيقة و ملل و احباط. دايما مكتئبة و كارهة كلش... مانعرفش كامل الفرحة في قلبي دايما مضايقة رغم انني صدقوني محافظة على الصلاة و القران و كثيرة الاستغفار

انقدوني من هاد المشكل اللي مانيش عارفة كيفاه نخرج منو

وأجركم عند الله

تلاقاي مع صديقاتك حاولي ان تخرجي مع اهلك غير ي الجو