أرز بشكل جديد 'أرز جامبالايا' رااااااائع

[walido2011]

السلام عليكم اليوم درت أرز بوصفة جديدة يدعى أرز جامبالايا بصراحة عندي عامين و أنا نعرف هاد الوصفة و اليوم حبيت ننقلهالكم و نشالله تعجبكم.



بالنسبة للمقادير.
حوالي 600غ أرز
حوالي 450غ إسكالوب مقطع قطع صغيرة
كمية من الكرفس
حبة و نصف بصل مقطعة قطع صغيرة
حوالي 4 سنات ثوم مقطع قطع صغيرة
زعيترة
5 حبات طماطم متوسطة نرابيوها
3 حبات فيفل حلو مقطع مربعات
ملعقة كبيرة من الموتارد



أما التوابل فعندنا:
بعض حبات الهيل
2 ملاعق صغار من توابل الكاجن الخاصة بالأرز
2 ملاعق من توابل خاصة بالأرز بصراحة ما نعرفش أسمها لأنو جابهالي أخي من إنجلترا و هم توابل يندارو غير فالأرز و يعطولو ذوق روعة
ملح و فلفل أسود



الطريقة :
نطيبو الأرز في ماء مغلي و مملح بصراحة أنا نسيت ما درتلوش زعفران باش يجي لونو أصفر نتوما إذا تحبوه أصفر ضيفولو ملعقة صغيرة زعفران في الماء المغلي.



في مقلاة نضع القليل من زيت الزيتون، ندهن اللإسكالوب بالموتارد و القليل من الملح و الفلفل الأسود و و نحطو فالمقلاة حتى يولي لونه ذهبي



من بعد نقصو النار و نضيفو الكرفس، الفلفل حلو، البصل و الثوم و نخلوهم حتي يذبالو.



و في الأخير نضيفو الطماطم القليل من الزعيترة، التوابل، نغلق عليها و نخليها طيب حوالي ربع ساعة على نار هادئة.



نطفيو النار و نضيفو الأرز و نحطوه فطبق التقديم نشالله يعجبكم و تجربوه لأنو بينين بزاف