~~تارت الكريمة و الشكولا~~ هديتي لكل أم

[*أم ثازيري*]

السلام عليكن
عيد سعيد لكل الأمهات
خدمت هاد التارت بمناسبة عيد الام
الوصفة لأخت حطتها في ال ف ا ي س و انا جربتها )
تارت الشكولا و الكريم باتيسيير:~~
نضرب 4بيضات مع كاس سكر مليييح نضيف كاس زيت و نكمل نخلط
نذوب زوج ملاعق ناسكافي في كاس حليب و نضيفهم للخليط
نغربل 2 ملاعق كاكاو و 2كيسان فرينة و ١ خميرة كيميائية و نضيفهم للخليط بواسطة السباتيل و نحرك من تحت للفوق
نقسم الخليط على زوج و نطيب كل قسم وحدو فوق ورق زبدة لمدة15 دقيقة
بعد مايطيبو نقسم كل قسم على زوج و هكدا نتحصلو على 4 قطع
نحطو بيناتهم كريمة و لي هي:1/2لتر حليب+ 2 ملاعق كبار نشاء+ زاست قارص+ 3ملاعق سكر +فاني+ بيضة و نحرك فوق النار حتان يعقدو و في الاخير نلوحولهم طرف زبدة
نعدل الحواف مليح و نقصو الزائد بواسطة سكين الخبز
نغطي الكيكة بقناش: زوج باطات شيكولا نذوبوهم في حمام مائي و نزيدوهم وحدة دانيت و نخلط مليح
نزين الكيكة بلاكريم شونتيي
ملاحظة:
تقدري تحضري ببقايا الكيكة تحلية طبقات ديري طبقة كريم باتيسيير و طبقة فتات الكيكة و طبقة سوبر كريم و تزيني بالشونتيي












]
]
















البقايا نتاع التارت خدمت بيهم تحليه بسيطة