انا لا افهم

[مشكلتي]

السلام عليكم و رحمة الله ، اما بعد ساطرح مشكلة قد يعتبرها اغلبكم تافهة و سخيفة لكنها تؤرق نفسيتي ، انا طالبة جامعية ابلغ من العمر 23سنة جميلة و ابنة عائلة محترمة و الحمد لله و بحكم ان موضوع الخطبة و الزواج هما الشغل الشاغل للفتيات فقد اصبح هذان الموضاعان كابوسي ، فانا لم تتم خطبتي لاي شخص حتى الان و صراحة انا لم يحادثني اي شاب انا و الله ضد العلاقات المحرمة و لم و لن اتورط في اي منها باذن الله و لكن بحكم سني فانا لم ياتيني حتى طلب واحد و هذا ماجعلني احتار هل انا شفافة لا يراني احد او بالاحرى ماسبب نفور ابناء ادم مني ؟ من كثرة ما اسمع الفتيات يقلن خطبني فلان ، و علان و عرض علي فلان اخر ووووو صرت اشك في امري هل انا مريخية مثلا ام ماهو عيبي ؟ انا محتارة ان كانت توجد فتيات مثل حالي فهل هذا عادي ام ان بي شيئا ما ؟

[كتائب القسام]

سبحان الله....أنا لدي مشكل عكس تماما أنا شاب25سة ومقبل على الزواج إن قدر الله ولم أجد فتاة مناسبة لحد الآن...اللهم أفتح على عبادك طالبين الحلال.

[لحن الحياة.]

انا مثلك و لكن الفرق انني مش زينه بصح محترمة ولو يتجرا قرد على الحديث معي في الشارع ساقولل له و بكل برودة اعصاب انت لا شيء وووووو لكن انا ضاربة الدنيا ب طاوة ولاا يهمني احد و احب نفسي كثييييرا و اشتري لنفسي هدايا لان املي في الله كبييييييييييييييييييييير و واثقة بان الله عندما يشاء سيهبني اشياء احسد عليها

[الصديق قروف]

ربي يكثر من امثالك
‏ متغركش ادنيا
‏ يا اختي واش ديري بيهم كي يجي يخطبك وهوا ميصلحلكش يحبك تتزيني لصحابو
‏ اشباب الي يحب صفاتك قليل كيما انتي
ربي يرزقك بزوج اصالح

[لحن الحياة.]

بصح لي مدوختني ان بنات لي في بداية العشرينات خلااااااااص ولا عندهم هوس الزواج غريبة مزال امامك دهر و تخيلي ربي كاتبلك تتزوجي على 42 عام كيف ستكون نفسيتك حتى ذلك الحين
لازم تامني بلي هذي حاجة ربي

[سجل أنا جزائري]

ربي يرزقك برزوج الصالح ان شاء الله

ما تدريش بالك اللي الأول اللي يجيك يكون أفضل بكثير من يجيك 20 واحد واحد واحد يصلح فيهم و تحيري وش نخيري

و زيد 23 سنة راكي في وقت برك هذاك هو أغلبية الفتيات يبداو يتخطبو في عامهم الأخير من دراسة او لما يكملو

ممكن جدا راكي تحت انظار كثير من شباب و ينتظرون وقت المناسب فقط لتقدم الي بيتك بدون دخول في علاقة معك لما رأو منك من احترام

[bachir94]

تتحدثين وكأن لأوان قد فات لا يا أختي كل واحد ومكتوبو كن جات الدنيا دنيا راهو هدا هوا سن الزواج 23 فما فوق أما في وقتنا هذا يتزوجو بنات ذراري لا علاقه لهم بالزواج ويترك النساء للعنوسه لا حول ولا قوة الا بالله ونزيدك زياده أنت طالبه لحلال مالا غير أصبري يمكن هذا ابتلاء من الله سبحانه وتعالى ليرى مدى صبرك لأن لحلال مهوش ســــــــــاهل أختى أنا ننصحك تنوضي في الليل تتوض وتصلي ركعتين تدعي فيهم لربي سبحانه أن يرزقك أبن الحلال ... وربي يرزقك على قد نيتك ........

[milissa21]

اختي اعلمي ان الزواج مقدر و مكتوب من عند الله هذا من جهة ومن جهة اخرى انت تتحدثين و كان سنك تجاوز الاربعين لازلت صغيرة على القلق من هذه الناحية تمسكي بمبادئكي واعلمي ان الله سيجازيك على صفاتك الحسنة و حاولي الاهتمام بدراستك او عملك ولا تشغلي بالك بالزواج لانه سيحين وقته و ربي يجيبلك وليد لحلال

[محمد جديدي التبسي]

وعليكم السلام ورحمة الله وبركاته...
مازال المكتوب ما تقلقيش روحك وحافظي على نفسك وتعلمي دينك حتى يجي اللي يستاهلك
ربي يوفقك...

[ibtihal18]

الزواج مكتوب ربي يا اختي اصبري و ما تغركش البنات كل وحدة ربي يسهل عليها كاين اللي راها تنفخ في روحها برك ممكن ما خطبهاش حتى واحد و هي تقول خطبوها 10...................انا في مثل عمرك و فالجامعة ما هدرت حتى مع شاب و ما درت حتى علاقة محرمة و كنت ندعي ربي يثبتني على الشي هذا و كنت ندعي ربي يحصني و يرزقني الزوج الصالح و فعلا فالعام الاخير خطبني انسان و راني متزوجة و الحمد لله و خليت خواتاتي اكبر مني و فيهم اللي فاتها سن الزواج و عادي واحد ما حرفلي الطريق
نقولك اختي اصبري و شدي في دينك و تربيتك و خلي املك في ربي كبير و استعيني بالدعاء و خلي ثقتك في نفسك كبيرة لانو اذا راحت الثقة راح تضيعي روحك
ربي يفرج و يرزقك الزوج الصالح

[MuSLiMaN]

المشاركة الأصلية كتبت بواسطة كتائب القسام

سبحان الله....أنا لدي مشكل عكس تماما أنا شاب25سة ومقبل على الزواج إن قدر الله ولم أجد فتاة مناسبة لحد الآن...اللهم أفتح على عبادك طالبين الحلال.

هههههههه قستها لها دوووور ههههههههه

الله يفرج عليكم ان شاء الله

[mrmilano1984]

المشاركة الأصلية كتبت بواسطة jill

انا مثلك و لكن الفرق انني مش زينه بصح محترمة ولو يتجرا قرد على الحديث معي في الشارع ساقولل له و بكل برودة اعصاب انت لا شيء وووووو لكن انا ضاربة الدنيا ب طاوة ولاا يهمني احد و احب نفسي كثييييرا و اشتري لنفسي هدايا لان املي في الله كبييييييييييييييييييييير و واثقة بان الله عندما يشاء سيهبني اشياء احسد عليها

وعلاه غر نتي لي تحبي نفسك سبحان الله قاع نحبو نفوسنا مش نتي برك

[lhossin]

كلنا في نفس المشكل مع نيتي الصادقة للزواج لكني مزال ما توالمتش الامور لا اعلم ما السبب لكن قال عليه الصلاة والسلام لايزال المؤمن بخير مالم يتعجل قال يقول دعوت ولم يستجب لي الحديث ان الله يمهل ولا يهمل لكن فقط قرات اليوم للشيخ الحويني هذه المقولة فاعجبتني لا قفل إلا سوف يُفْتَحُ ، ولا قيد إلا سوف يُفَكٌّ، ولا بعيد إلا سوف يقربُ ، ولا غائب إلا سوف يصلُ.. ولكن بأجل مسمّى . وهذا مشكل وقع فيه ليس فقط الفتياة ولكن ايضا الشباب انا واحد منهم وهم كثيرون ونعم الرجال وانا اعرفهم و قلت لك هذا حتى لا تظنين ان المشكلة تقتصر على الفتيات الله يرزقك بزوج صالح وكل الفتيات المسلمات انه قريب مجيب والسلام عليك

[papino]

يا اختي المشكل في البنت الصالحة اليوم انها تضع نفسها في دائرة مغلقة بين الجامعة و المنزل و بعد ذلك تلومون الشباب لما يتزوج الفتيات السافرات يا اختي الكريمة ما العيب لو انظممتي الى جمعية خيرية ملتزمة في منطقتك و في نفس الوقت تحافظين على التزامك .من جهة ستكونين علاقات صداقو مع بنات ملتزمات
و في نفس الوقت فرصة لكي يراكم الشباب المقبل على الزواج .الا ترون ان نسبة العزوبية بشكل خاص كثرت بين الفتيات الملتزمات لانهن ببساطة غير معروفات .صدقوني الالتزام ليس ان تبقي منعزلة عن العالم و تقولي المكتوب انخرطو في الجمعيات الخيرية الاسلامية المعتدلة و سترون كيف يقبل الشاب على الفتاة الملتزمة. رايي صواب يحتمل الخطا

[لحن الحياة.]

المشاركة الأصلية كتبت بواسطة mrmilano1984

وعلاه غر نتي لي تحبي نفسك سبحان الله قاع نحبو نفوسنا مش نتي برك

اييييه رانا نخممو كيفكيف بصح هذي الطفلة تفكيرها سلبي تجاه نفسها اك تعرف لازم نصبروها و نحكولها قصة جميلة عن أعضاء في منتدى الجلفة يحبون انفسهم
بارك الله فيك