~الشاباتي التونسي اممممممممممممممم ~

[زينب 83]

جبتلكم اليوم وصفة رائعة و بنينة بزاف و هي وصفة تونسية بامتياز تباع كوجبة سريعة و حنا منتشرة عندنا في ولايتنا و كااااامل يحبوها لكنها دارت عدة تسممات بسبب البيض الفاسد و الجبن لي يستعملوه ، لذا جبت هذه الوصفة من عند اخت تونسية و حرفت فيها شوي حتى تكون صحية اكثر و جا الشاباتي رائع و لا يفرق ابدا على لي يتباع من حيث الشكل و الذوق و لكن اكييييد يفرق من حيث النظافة و الصحة

مقادير خبز الشاباتي التونسي

1/4لتر حليب
بيضة 2 ملاعق ياوورت طبيعي
ملعقة و نصف خميرة خبز
ملعقتين زيت زيتون او زيت ذرة
ملعقة سكر
ملح

نحط الخميرة في الحليب الدافئ و السكر و نخليها تخمر حتى دير فقاعات

نزيدو البيضة و الياوورت و اخيراً الفرينة و نعجنو مليييييييح حتى تتلم العجينة اذا احتجنا زيادة في الفرينة نزيدو شوي ، و اخيراً نزيدو الزيت و الملح ، العجينة تكون طرية كيما تاع المطلوع



نخليوها تخمر ، و بعدما تخمر نقرصوها قرصات صغار وونفرشولها الدقيق و نرشوها بيه كي نكونو نقرصو
و نحطو القرص فوق منشفة و نغطيوهم و نخليوهم يخمرو ، اذا الكوزينة دافئة ، المدة تكون 15 دقيقة او 20 دقيقة

بعد ما يخمرو نطيبوهم في مقلاة تيفال من الجيهتين





و هذه النتيجة
الصراحة هذا خبز راااااااائع و خفييييف تحفة ننصحكم جربووووووه













الان نرجعو للحشو

مقادير الحشو

الحشو عبارة عن
لحم مفروم او دجاج او تونة حسب الرغبة نطيبوه مع ملح و بهارات
اوملات و هذا سر الوصفة التونسية
جبن للطلي
جبن سريع الذوبان
هريسة حاااااارة
مايونيز او كاتشاب او موتارد حسب الرغبة



مقادير الأوملات

بصل مقطع ، دبشة او معدنوس ، طماطم مقشرة و مقطعة ، فلفل حار مقطع ، ثوم ، زيتون اخضر مقطع ، و بيض مضرب و ملح و بهارات

نخلطو كل المقادير و نطيبو عدة دوائر تاع اوملات تناسب حجم الخبز ، في مقلاة تيفال مدهونة بشوي زيت





و اخيراً نحشيو الخبز بالطريقة الموضحة بالصورة




و هذا بعد الحشو امممممممممممم صدقوني لذيييييييييذ ما شاء الله


















هذه الوصفة بنيييييينة جربوها و تقريبا صحية و راح يحبوها الاطفال