أولا تحضير الشاربات le sirop
1 لتر ماء
625 غرام سكر
شريحة ليمون
نضع الكل فوق النار.. نتركها 5 دقائق بعد الغليان
ثانيا الجينواز la génoise
8 بيض
190 غرام سكر
190 غرام فرينة
ملعقة صغيرة فانليا
نطلعو البيض مع السكر لمدة 10 حتى 15 دقيقة
نضيفو الفرينة+فانيليا تدريجيا ونخلط بالملعقة
نضعها في مول مناسب
ندخلها الفرن 160 درجة لمدة 30 دقيقة
ثالثا نحضر كريمة الزبدة crème au beurre
250 غرام بياض بيض... أنا استعملت فقط 100 غرام لي هي 3 بياض بيض
500 غرام سكر ... أنا استعلت 200 غرام
450 غرام زبدة... أنا استعملت 180 غرام
نطلعو البياض للنصف ونزيدوله السكر لي كنا حضرناه سابقا ... (نضيفوله شوية ماء على نار درجتها 117 درجة)
ونزيدو نطلعوه حتى يبرد كاملا la meringue italienne
من بعد نضيفو الزبدة تدريجيا ... ونحطوها في الثلاجة
رابعا نحضرو la crème diplomate(crème pâtissière + crème fraîche montée en neige)
نحضرو كريم باتيسيير
1 لتر حليب
80 غرام نشاء (مايزينة)
140 غرام سكر
6 بيضات
2 ملاعق صغار فانيليا
نحطو الحليب + فانيليا على نار هادئة
نخلطو البيض مع المايزينة ونضيفوه للحليب ونزيدو السكر
نخلطو حتى تعقاد الكريمة
مين تعقاد ننحيوه من على النار ونضيفو ملعقة صغيرة زبدة
نطلعو 450 مللتر كريمة طازجة montée en neige
بعد ما تبرد الكريم مابتيسيير نضربوها بالخلاط الكهربائي.. ونزيدولها الكريمة الطازجة بالملعقة
نتحصلو هنا على كريم ديبلومات crème diplomate
ونخلوها في الثلاجة
خامسا نحضرو كريم شانتيي crème chantilly
200 غرام بودرة شانتيي
100 غرام ماء أو حليب بارد جدا
والآن نقوم بتزيين الكيك
بعدما يبرد الكيك ... ننحوه من المول ونقسموه
أنا قسمت كل قلب على اثنين
نديرو الشربات
نحطو كريم ديبلومات مابين الطبقات
ونخلوها تبرد في الثلاجة
من بعد نغطيو الكيك بكريم الزبدة بعدما نكونو ضربناها بالخلاط الكهربائي أولا
وفوقها كريم شانتيي
زينوها كيما تحبو
الوصفة الأصلية تجي بالفاكهة... حتى بين الطبقات تدير الفاكهة
بصح أنا مكانش عندي.. درتها هكا بسيطة
نتمنى تعجبكم الوصفة ...أما البنة مانحكيلكمش.. رووووووعة
وادعيو لامي بطول العمر ولابي بالرحمة وجنة الفردوس ان شاء الله
سلاااااااااام حبيباتي
( تقرير عن مشاركة سيئة )، و الموجودة أسفل كل مشاركة .
2015-03-11, 17:23
حصريا كيك عيد الميلاد.. بالخطوات المصورة
العرض الشجري