البعد

[مشكلتي]

اردت طرح مشكل يؤرقني :
أود الارتباط بفتاة لكن البعد بيننا يعني من ولايتين مختلفتين لكن الذي يخيفني بعد المسافة اكثر من 460كلم خائف من عقبات الخطبة ويوم العرس يعني مشكل التنقل والذي يؤرقني اكثر خوفي ان تكون متعلقة باهلها كثيرا يعني زيارات عالرايحة والجاية يعني عقليات بنات اليوم.

بسبب البعد ياناس البعد حااااااااااااااااااااااااااااااااااااااااير.
الحل ؟؟؟؟؟؟؟؟؟؟؟

[وصال سلام]

نقلك حاجة الفتاة من حقها زيارةا هلها وهذا حقها الشرعي سواء كانت من بنات هذا اليوم او بنات عصر الجاهلية راهم الوالدين مايتعوضوش ابدا وشوفتهم تسوى الدنيا

ووصى عليهم ربي وحدة ماتقدر تتزوج وتروح لدار راجلها للابد وكانك تزوجت بفتاة من الميتم بدون اهل

كيما انت عندك والديك وتحب تشوفهم وهي ثاني نفس الشيء بالنسبة لك هل تستطيع ان تسكن بعيد عن والديك بدون زيارتهما اثناء المرض والصحة اكيد لا واذا كانت اجابتك نعم فبدون تعليق

الحل يااخي اذا شفت روحت ماش قادر اتزوج من نفس ولايتك احسن هكذا ماتظلمها وما تدي ذنوبها من عند ربي لانك منعتها على والديها
وربي يجيبلك اللي فيه الخير

[عائشة 88]

السلام عليكم عليك اولا ان تتفاهم معها على هذا الموضوع من الاول البعد مش مشكل اذا كانت بنت فاميليا والبنت لي رايحة تتزوج تصبح كي الضيفة في دار باباها يعني فقط في المناسبات الكبار تروح انا اخي متزوج وكان متخوف المسافة 400 والان الحمد لله دارهم تروحلهم وهما كذلك يجوها يعني متفهما على حساب الضروف. ربي يوفقك

[loubna87]

ماشي غير انت الذي يتزوج واحدة خارج الولاية . ما تخافش على البعد تفاهمو برك . هي ثاني على بالها بهذا الموضوع و انت كن متفهما إن توحشت والديها .المشكل الصح لوكان راهي خدامة في الولاية نتاعها كيفاش تنتقل لعندك ؟

[knives66]

400 كلم برك -_- راه قدم داركم خويا

كون جيت صح تحبها ونوي عليها متقعدش تحسب

مدام راك تشوف فيها بعيد عليك خليها وروح لوحدة قريبة

[ouissamak]

ساعطيك مثال حي يا اخي وربي يزين سعدك

انا ابعد عن والديا ب 300كم
الخطبة اخطب وتفاهمو ماتكثروش الروحة والجاية يعني كل مناسبة تروح يعني نقص العادات هاديك اللي تثقل كاهل الزوج هادا مولد نبوي شريف هادي عاشوراء هادا عيد صغير هادا عيد كبير وفي كل مناسبة لازملها قضيان ووووووو يعني هي تعاونك ربي يباركلكم في الحياة ان شاء الله

بالنسبة للعرس تروحو تباتو في دار العروسة وصباح بكري تديماريو

الطفلة مهما كان الامر تتوحش تتتوحش دارهم عن تجربة بصح بما انها بعيدة اتفاهمو انها تروح مرتين في العام وتقعد اسبوع او اسبوعين حسب اللي تقدرو عليه ودارهم تاني نهار يجيو يباتو والحياة تستمر
حتى واحدة ماقعدت في دار والديها وهادي هي الفتاة كيما السنبلة وين يديها الريح تنبت الفتاة تاني وين يعيطلها مكتوبها تروح

ربي يزين سعدك اخي

[مسك القعدة]

خويا صح التخوف يكون فيها فيها بصح إذا تحبها ومتفاهمين المسافة ما تأثرش ودارهم مش رح تقولك كل ويكاند إديني ونت أعرف كيفاش تعوضها البعد وتقلص فيه
اما بالنسبة للخطبة والزواج إتفاهمو من لول ما تظلش رايح وجاي أنا ثاني رايحة لولاية بعيدة 400 كلم حكى مع دارنا أول مرة من بعد جاب أهلو تفاهمنا على كل شي من بعد جاب رجال قراو الفاتحة وقطعو الشرط وضرك للعرس يجو يباتو والصباح نسهلو على ربي
الدنيا مكاتيب وما تخليش بنت الناس توالفك من بعد تخليها على جال المسافة
ربي يسهلك خويا ونستنى تقولي رحت خطبتها إن شاء الله باه نزغرد لخويا

[yara media]

معندي واش نقولك
ربي يسهلك ان شاء الله

[نور الرحمة]

ربي يسهلك ان شاء الله

[blanche rose]

المشاركة الأصلية كتبت بواسطة مشكلتي

اردت طرح مشكل يؤرقني :
أود الارتباط بفتاة لكن البعد بيننا يعني من ولايتين مختلفتين لكن الذي يخيفني بعد المسافة اكثر من 460كلم خائف من عقبات الخطبة ويوم العرس يعني مشكل التنقل والذي يؤرقني اكثر خوفي ان تكون متعلقة باهلها كثيرا يعني زيارات عالرايحة والجاية يعني عقليات بنات اليوم.

بسبب البعد ياناس البعد حااااااااااااااااااااااااااااااااااااااااير.
الحل ؟؟؟؟؟؟؟؟؟؟؟

والله لا أدري ماذا أقول لك أخي
يجب أن تتوقع كل شيء

أما بخصوص أن تكون متعلقة بأهلها .. فالرجل في وقتنا هذا لا يبتعد عن أمه وأبيه ويشترط بقاءهما معه في بعض الأحيان.
في حين يفترض أن يبتعد كلاهما عن أهلهما ويستقرا .. يزور أهله كما تزور أهلها

فلا أن يكون اجحاف في حق الزوجة فلا تزور أهلها ولا يكون اجحاف في حق الزوج فلا يزور اهله
لا ان يسكن مع اهله ويشترط عليها ان لا تزور أهلها!!!.

ادرس الموضوع جيدا أخي
والصعاب موجودة موجودة ..كانت من نفس ولايتك او لم تكن ..

ربي يسعدك اخي

[lydiareve]

ربي يعاونك

[medmak33]

rabi yewf9ek nchlh

[كلنا راحلون]

يلزمك مركوب لتقريب مسافة

[karim.dz]

460 كلم راهي غير فالدورة ماشي حاجة
انا اكثر من 600 كلم راحو معايا الوالد والوالدة عدة مرات ثم الاهل
وخطبنا وعقدنا وتزوجنا ومكان حتى مشكل ولله الحمد لا من جيهة
اهلي ولا من جيهة نسابي بنتهم تتتوحشهم تعيطلهم والا يعيطولها
وكي تكون فرصة نديها لاهلها تريح يامات ونردها ....

[maik]

السلام عليكم أقول لك ان كنت تريدها حقا فتوكل على الله فيوجد من تزوج بفتاة من دولة أخرى وبخصوص خوفك من تعلقها بأهلها فأقول لك أنت تستطيع أن تنسيها في والديها بفضل تصرفاتك سلام