جينواز اقتصادية وناجحة

[ام فراس اصيل]

اليوم جبتلكم طارت سامبل بصح ناجحة 100 ب100
المقادير :
3ضمات 3مغارف سكر عادي 3مغارف زيت كاس ماشي معمر بين النشا والفرينة 1خميرة قاطو
طريقة التحضير :
تخلطي البياض وحدو بالباتور ومبعد تخلطي الصفار مع السكر مع الزيت وتضيفي الفرينة مع النشا والخميرة تخلطيهم مليح مبعد تكبي فوقهم البياض وتخلطي من تحت الفوق في نفس الاتجاه باه ما تهبط الجينواز انتاعك مبعد تسخني الفور انتاعك وتحطيها تطيب كي تحطي فيها موس او كيردو تلقايه نشف تسم طابت
تخدمي الفلون بهذه الطريقة : 2مغارف فلون اي ذوق اللي تحبي +كاس حليب + 2مغارف نشا وشوية حبات شكولاطة +مغرف نيسكافي حت يطيب تكبيه فوق الجينواز انتاعك تكون باردة ومبعد تزيني بكرام شانتي
مقادير كرام شانتي : 6مغارف كرام شونتي +كاس حليب بارد وتخلطي بالباتور واطليها كامل ومن فوق زيني كيما تحبي بالفاكية الموجودة عندك انا درت بنان و التفاح طيبت في شوية سكر حتى ولا كراميل والشكولاطة رابي
راهي روعة نتمنى تجربوها
واعذروني على الصور المرة الجاية نجيب الصور انا عضوة جديدة
نتمنى الرد
ملاحظة : لجينواز ناجحة 100ب 100
من الاحسن تطيبوها في الفور ماشي في لاكويزينيار باش ماتهبطلكمش