نسكت ؟؟

[مشكلتي]

السلام عليكم عاجلا واش ندير
هذا واحد يخدم معايا في فترة حب فتاة و تفاهمو على الزواج من بعد بعثوه ميسيو للصحرا و ما عندو كيفاه يخبرها فات عام لا خبر تخطبت لغيرو هو رجع راح يخطبها قالولو مخطوبة
المهم خطب و الشهر الجاي عرسو .. هي بطلت من الاول و هو رجعلها درك يقلها نفتحو صفحة جديدة و لازم نتلاقو و نحكو في كل شيئ و يصر

انا علابالي نيته و هي نعرفها شكون هو مرة قالها قدامنا اقسم بالله ندمها على كل شيئ و اذا مازالت صح بنت فاميليا انا نخليها العكس هو حتى الخمر مرة جا للخدمة شارب حتى خرجوه صحابه من الباب
و وقت لي خلاه قالولي صحابه صار مثل المجنون

الفتاة اخت واحد نعرفه و هي ماشي نتاع خرجات و كذا لكن هو مسيطر عليها و هو قادر يخليها تسمعلو و ماهيش تأمن انو نيته خاسرة

هو ما بغاش يسمع النصيحة و يقول ما دخلكمش ؟؟؟؟
يا ترى نبعثلها شكون يحذرها ام نخليهم ام ؟؟؟؟؟؟؟؟؟

[nasser26]

هذي فيها مشاورة ؟؟؟

اكيد لازم تعرف البنت و اهلها قبل ما يوقع الفاس

[*وردة الشرق*]

لازم تتكلم والعيد بالله مثل قول الحديت الساكت عن الحق شيطان اخرص يا لطيف ال اعراض الناس راهي صعيبة بزاف ممكن راك راح تنقد عايلة كاملة من الدمار ربي يهديه

[sami-2013]

اكيد لا زم تعرف وفورا هدي مافيهاش تفكير انقضيها من ورطتها قبل ان تقع فيها

[samsoma bac]

akid lazm ta3rf

[eBusiness]

أنا عندي كلام اخر... بما أن السالف الذكر كان على علاقة مع السالفة الذكر فأنا عن نفسي ياكلها أو تاكلوا، من خرج مع فتاة يتزوجها أحسن من أن يتزوج مع فتاة خرجت مع غيره وفي نفس الوقت حرام وحدة تخرج مع واحد ويأتي واحد مسكين يتزوجها... لهذا والله أعلم رب راهو يخلص في الإثنين... هو سكرها على جالها ووقع في الحرام وهي بطلت عن خطيبها الذي المسكين لا ذنب له من أجل عشيقها ومن هذا نستنتج مع إحترامي للكل أن هذا يستاهل وهي تستاهل ولهذا أظن أنهما سيتناطحان حتى يسقط كلاهما مع أنني أتمنى أنه في اخر حلقة من الحروب بينهما يتزوجا لكي يبقى زيتهم في تقيقهم كما نقول فأنا لا تأخدني رأفة بأناس من شاكلتهما وحتى وإن كنت منهم فأستاهل أنا أيضا، يعمولها جدها ويتجاوزون حدود الله تعالى وكل الأعراف ومن بعد يأتون باكون، قررت أن أحتفظ بنصائحي لمن يستاهل والسلام عليكم.

[الصديق قروف]

موقف صعب
كيما قال الاخى كانو يتحابو واكيد يعرفو بعداهم
علاش يروحو يضلمو اخرين
ونصيحة تبقة واجب ‏
‎ ‎لا اعلم مالعمل

[ام نهوله]

المشاركة الأصلية كتبت بواسطة ebusiness

أنا عندي كلام اخر... بما أن السالف الذكر كان على علاقة مع السالفة الذكر فأنا عن نفسي ياكلها أو تاكلوا، من خرج مع فتاة يتزوجها أحسن من أن يتزوج مع فتاة خرجت مع غيره وفي نفس الوقت حرام وحدة تخرج مع واحد ويأتي واحد مسكين يتزوجها... لهذا والله أعلم رب راهو يخلص في الإثنين... هو سكرها على جالها ووقع في الحرام وهي بطلت عن خطيبها الذي المسكين لا ذنب له من أجل عشيقها ومن هذا نستنتج مع إحترامي للكل أن هذا يستاهل وهي تستاهل ولهذا أظن أنهما سيتناطحان حتى يسقط كلاهما مع أنني أتمنى أنه في اخر حلقة من الحروب بينهما يتزوجا لكي يبقى زيتهم في تقيقهم كما نقول فأنا لا تأخدني رأفة بأناس من شاكلتهما وحتى وإن كنت منهم فأستاهل أنا أيضا، يعمولها جدها ويتجاوزون حدود الله تعالى وكل الأعراف ومن بعد يأتون باكون، قررت أن أحتفظ بنصائحي لمن يستاهل والسلام عليكم.

كان ردي سيكون اخطر مما قلت لكنني لما قرات ردك برد غيضي وقلت على الاقل الاخ صاغها بطريقه راقيه لا استطيع انا ان استعملها في هكذا مشاكل
دايما زوج يديروها وولد و لا بنت الفاميليا يروحو في الرجلين

[ندى1987]

متحتاجش سؤال ديري روحك في بلاصتها والساكت عن الشر شيطان اخرص

[loubna87]

لازم تعرف البنت لازم

[بنت لبحر]

مرايحينش ندخلو في الحلال و الحرام على خاطر الحللال بين و الحرام بين علبالنا بلي غلطو

اخي لازم تنبه الاخت


لكن اخي دير باصلك و اعرف كيفاش توصل لطفلة

ماشي انت الي تقولها على خاطر باينة مرايحاش تامنك على خاطر قلت بلي تامنو في كلشي و تاني باش انت ماتقعش في مشكل معاه

وربي يجازيك خير

[sabrina el-chark]

هذي متحتاجش مشاورة
لازم تحذرها

[كلنا راحلون]

كان شارب خمر وقال راح يندمها اختنا مشكلتي تريد حل مشكل بمشكل ربما مازالو يحبها وما حب يفصح واختنا مشكلتي تريد تكبير قصة معرف نساء يحبو يحلو مشاكل وللأسف



الله يهديه ويرجع للطريق

[مسك القعدة]

بلاما نفتو حلال ولا حرام
لوجه الله أنصحها ووصل الخبر لواحد من عايلتها على خاطر راك تقول هي معمية بيه
وإذا كان من مكتوبها ربي يسهل عليهم ويهديهم

[eBusiness]

المشاركة الأصلية كتبت بواسطة ام نهوله

كان ردي سيكون اخطر مما قلت لكنني لما قرات ردك برد غيضي وقلت على الاقل الاخ صاغها بطريقه راقيه لا استطيع انا ان استعملها في هكذا مشاكل
دايما زوج يديروها وولد و لا بنت الفاميليا يروحو في الرجلين

بارك الله فيك با بنت الأصول... مهما نصحناهم ومهما قلنا أنا شبه متأكد أنهما سيدخلان في حرب ضروس تنتهي بإعطاء كلاهما درسا لن ينسياه مدى الدهر... سيدفعان ثمن ما إقترفاه من ذنب في حق رب السموات والأرض وأنا هنا لست أدعي الملائكية فأنا أيضا بشر أخطئ وأصيب لكني أقر بوجوب تلقين من يتعدى حدود الله دروسا كبيرة حتى يكفوا عن مهازلهم وحتى وإن كنت أنا منهم... أتمنى من أعماق قلبي أن تبقى الحرب الدائرة بينهما في نطاقهما الإثنين وأن لا يظلم أحد اخر بريئ من سفاهتهما... ثم في الأخير رب السموات والأرض يعرف جيدا عباده وسيحاسب كل واحد منا على حسب ما أتى به... هي سمحت لنفسها بأن يتعلق قلبها بشخص غريب في الحرام وأنا متأكد أن قلبها هذا هو من سيعطيها درسا كبيرا في الحياة بل لا أشك أن قلبها هذا هو من سيجلعها تعيش المذلة وتدفع الثمن غاليا هي وعشيقها الخائن... هذه هي نتيجة الحب الحرام وليس بعد هذا كلام.