أرجو ان تضعو لى عنوان لما كتبت......

[هبة الله الرحمن]

رانى نكتب ونشوف....كتبت جميع الحروف....ماعرفتش كيف؟؟....نحط حكايتى من تصنيف....لى تحكى على واحد الانسان أسمو شريف.....يقولو زاد نهار صيف....هويبان فى وجهو أنو انسان ضعيف .....وحتى فى تصروفاتو تقول عليه بلى انسان سخيف.....بصح كى تتقرب منو تصيب قلبو مليان حنانة وعطف.....واذا وعدك بشىء روح هانى لأنو ما يعرفش يخلف.....اذا قعدت معاه قعدة واحدة بالخف توالف....واش تقول اذا سافرت معاه ولا عاشرتو يبان انو انسان مثقف....وكيما يقولو من حسن الصدف....أننا عرفنا عليه بعض السوالف....بلى عندو ذكرى واحدة كى يتفكرها تصيب دموعو تنذرف....ويبقى يحكى عليها وقلبو ليها متلهف....وتحس به لما يتكلم عليها انو راه يرتجف ....ما يصيبش شكون يخفف عليه ولا يساعف....عندو الحق اليمات عمرك ما تنسى ذكراها....المهم نكملكم الحديث عنو ولا نتوقف.......راكو عارفين رانى وصلت فى حكايتى عليه الى المنتصف.....كان داير فى راسوخدمة توصلو للهدف.....وبيها يعيش كما الاغنياء والأشراف...كان يدعى ربى بزاف......أنو يرزقو الكفاف والعفاف....ويتزوج مع واحدة لى ترضى بالمعيشة دون تكلف .....وتعيش معاه حياة دون خوف.....ويكون بيناتهم الصدق وماننساش الشغف.....بصح تعرفو واش نقول عليه أنو فى بعض الأحيان يقول كلام بتعسف.....وكى تلومو يقول بلى هو يقول لى فى قلبو حتى وان كان فى لحظة ضعف.....وما يعرفش يزوق الكلام ولا يزيف....
المهم معرفتش لا هذا الكلام صح ولا مجرد تفلسف....