المنتقم هل هو ظالم ام مظلوم ؟

[tebessa]

هذه قصة سمعتها وتأثرت بيها ، اردت ان اسمع اراءكم حول الموضوع : كاين وحدة حبها شاب حب كبير ودار المستحيل باش يديها ، عاش على جالها وكان مستعد للكثير في خاطرها ، ضحى بالكثير حتى بأهلو وناسو، وصرف عليها دراهم رغم انها لم تعده بشيء، كان يشوف فيها كل الصفات لي يتمناها ، وفي مرة اكتشف انها تعرفت على واحد اخر وخرجت معاه بلاما تعرفو مليح ، هنا هو هبل وجن وخاب ظنو فيها ، وهي مادارتش في بالها انو راح يكتشف امرها لكنها استغلت الفرصة لتصارحه انها عمرها ما حباتو وانها ماوعداتو بوالو وهي حرة في حياتها . الشاب فقد كل امل كان حاطو باش يتزوجها ولقى روحو خسر بزاف على جال وحدة مش ليه ...انهار..بكى عند رجليها وقبلهم يستعطفها...بعثلها صحاباتها يقنعوها....هي لم تقبل به زوجا ..بقات رافضة رغم كلش ....في وقت قياسي انخطبت لشاب اخر باش تقطعلو الامل مرة وحدة .....مالقى واش يدير ...بدا في الانتقاااااااااااااااااااام ......شوهلها سمعتها، دالها دراهمها كانت سلفتهملو بحكم الصداقة لي بيناتهم ، اتصل بخطيبها وحاول يفسد عليها إلا انه ماقدرش يوصل لمبتغاه ....الامور متأزمة راهي على قريب توصل للمحاكم ......تعليقاتكم. شكون الظالم وشكون المظلوم؟