كون تجاوبوني نشريلكم حبة حلوة

[كبسولة الاحلام]

يالالخوة عندما ترغب في ايجاد وظيفة مثلا وتتجه الى اي مؤسسة وش لازم تتتاخذ معاك وثائق
هل تاخذ فقط الطلب الخطي ام الشهادة وين واصل وشهادات الميلاد ووووووووو والوفاة وووووووووو منيش عارف نتوما ادرى
نورونا ربي ينورها في وجوهكم
راني مغبونة وعندي غي ربي فالدنيا يعاونني
جزاكم الله خير الجزاء

[melissa lola]

اختي اخدمي cv انتاعك وفيه تذكري قاع معلوماتك و الشهادات المتحصل عليها و الخبرة ان وجدت روحي للسيبار يخدمهولك وربي يسهلك

[كبسولة الاحلام]

احسنتي مليسا هذا ما كنت ابحث عنه كنت نسمع باليفي بالصح تالمو عمري ولا خدمت مكنتش نعرفوووووووووو

[souadraghad]

المشاركة الأصلية كتبت بواسطة كبسولة الاحلام

يالالخوة عندما ترغب في ايجاد وظيفة مثلا وتتجه الى اي مؤسسة وش لازم تتتاخذ معاك وثائق
هل تاخذ فقط الطلب الخطي ام الشهادة وين واصل وشهادات الميلاد ووووووووو والوفاة وووووووووو منيش عارف نتوما ادرى
نورونا ربي ينورها في وجوهكم
راني مغبونة وعندي غي ربي فالدنيا يعاونني
جزاكم الله خير الجزاء

قبل كل شئ توكلي على الله عزوجل وأدعي لربي يرزقك بوظيفة محترمة
ثانيا عند طلب الوظيفة من مؤسسة عمومية
كي تروحي للمؤسسة المعنية لازم تدي معاك كل الملف المذكور في الإعلان عن الوظيفة مع مراعاة المدة المحددة وغالبا هذا هو الملف :
- طلب خطي
- السيرة الذاتية
- شهادة ميلاد أصلية
- نسخة على الدبلوم
- نسخة على بطاقة التعريف
- صور شمسية
- شهادة طبية عام وصدرية
- شهادة الحالة المدنية
- وربما شهادة إقامة

أما بالنسبة للمؤسسات الخاصة
فخذي معك فقط السيرة الذاتية مع نسخة من الدبلوم فقط ، ثم بعد ذلك يتم إستدعائك في حالة القبول لإكمال الملف.
وربي يوفقك إن شاء الله

وراني نستنى في حبة الحلوى دبري راسك

[حميد.ص]

لازم تخدمي ما يعرف بالcv

curriculum vitae

او السيرة الذاتية و تحطي فيها المعلومات الشخصية تاعك

زائد الشهادات تاعك و تحطيهم عند المؤسسات

بالتوفيق ان شاء الله

[belkadi mohammed]

موقفة في ايجاد عمل ان شاء الله

[الياس محمد]

عليك التسجيل في وكالة الوطنية للتشغيل المحلية بمدينتك
وانتظار اعلان المسابقات التوظيف في الادارات و المؤسسات العمومية أو الخاصة لان الاعلان سيطلب الوثائق اللازمة للمسابقة أو التوظيف ....

[كبسولة الاحلام]

ياربي اجعل لكل من جاوبني حياة بطعم الحلوى
واول خلصة نشريها قاع حلوى ليكم
غي نخدم نفرجكم بلحلوى

[حميد.ص]

المشاركة الأصلية كتبت بواسطة كبسولة الاحلام

ياربي اجعل لكل من جاوبني حياة بطعم الحلوى
واول خلصة نشريها قاع حلوى ليكم
غي نخدم نفرجكم بلحلوى

بالتوفيق ان شاء الله

ربي يفتحلك ابواب الخير

[نسيم ابن الجزائر]

توكلي على ربي و
خدمي cv
و طلب خطي
ثم روحي مسلحة بكل الوثائق الممكن استخراجها من البلدية و الدائرة و الولاية ادي معاك بيان شهاد اقامة شهادة شخصية جنسية ضرائب فاتورة الغاز فاتورة الماء...الخ كلشي كلشي باش لوكان يقولولك مزال خاصك ورقة تخرجيهالهم و تقعديش ماشيا جايا يقولولك جيبيلي ورقة كدا خرجيهالهم .. ورقة كذا جبديها
و ربي يكون في العون

[you92cef]

دي معاك دعوة خير +النية الحسنة+الدعاء

وان شاء الله تكون النتيجة ايجابية

[abdou AMG]

السلام عليكم
اختي الكريمة
عليكي فقط أخذ السيرة الذاتية cv و الشهادة (او الشهادات اذا كان لديكي اكثر من شهادة)
فقط
اما بخصوص باقي الوثائق ليس الان
اذا كان لديهم منصب شاغر راح يتصلوا بك و يعملوا معك مقابلة
و اذا تم القبول راح يقولولك ماهي الوثائق المطلوبة
بخصوص ال cv
يكون مقسم الى اجزاء
-قسم المعلومات الشخصية ( لا تنسي رقم الهاتف و يفضل وضع اكثر من رقم كرقم الوالد او البيت اضافة الى الرقم الشخصي - لكي يكون هناك طريقة للاتصال بك في حالة تغيير الرقم او شيء اخر)
-قسم التكوين الدراسي ( تذكري كل المؤهلات التي لديكي من الباك الى الجامعة و حتى التكوين المكمل مع ذكر الاختصاص)
-قسم الخبرة المهنية ( كل الاشغال التي قمتي بها حتى ولو لم تكن في ذلك المجال)
-قسم المعلومات الاضافية ( كاجادة اللعة العربية و الفرنسية و الانجليزية - حب العمل و الاتقان ....)
و الله ولي التوفيق
لا تنسي حبتي تاع الحلوة هههههه
و الاحسن دعوة الخير افضل من الحلوى