لماذا لا توجد سيارات ذات علب اتوماتكية في الجزائر ؟

[insfp]

لماذا لا تنتشر هذا النوع من السيارات في الجزائر؟

[Ayad3]

المشاركة الأصلية كتبت بواسطة insfp

لماذا لا تنتشر هذا النوع من السيارات في الجزائر؟

Volkswagen Tiguan R-Line 2.0 TDI 140 Ch Algérie; Moteur Diesel 140 Ch Boite Automatique 6 rapports ;
و هي موجودة بالجزائر أما في ما يخص انتشار هذا النوع بكثرة في الجزائر فلربما يعود لكون السيارات المعنية باهضة الثمن و الله اعلم

[Ayad3]

المشاركة الأصلية كتبت بواسطة djamelcool

تقريبا كل السيارات في الجزائر اليوم متوفرة بعلبة اوتوماتيكية و باسعار لا تزيد في الغالب الا بـ10/20 مليون سنتيم عن سعرها بعلبة يدوية
انظر هنـــــــا

و تبقى دائما الزيادة 10 أو 20 مليون هي فارق بين النوعين لا يراه الكل بأنه زهيد
شكرا على المعلومة و الموقع الأخ

[kader41]

يا أخي هذه السيارات في أول صدور لها كانت للسماح بذوي قدم واحدة بالقيادة
أما أولاد اليوم الذين يقولون بأنها أحسن في القيادة طبعا هاته الفئة تعلموا القيادة في علبة اوتوماتيكية وكاميرا خلفية وأمامية ورادار لركن السيارة الخ ,,,,
يا أخي السيارة أنت من تقودها وتتحكم فيها وساعات نحب نعصر مليح راح ندوبلي ولا لأي سبب فعلبة التروس الأتوماتيكية لا تحلل اللطريق والمتغيرات و الظروف مثل السائق
أما علب التروس الأوتوماتيكية التي تحتوي على امكانية تغيير السرعات يدويا قلا بأس بها

نصيحتي اذا لم تكن بوجادي في القيادة أو لم تبتلى بفقدان أحد الأرجل فالعلبة اليدوية أفضل

سلااااااااااااااااااام وبالتوفيق

[أبوصالح فهد]

السلام عليكم ورحمة الله تعالى وبركاته مشكور

[AyOuB0587]

بارك الله فيكم اخي على الموضوع وشكرا للاخوان على النقاش
لكن السؤال: هل في الزحام والتصاق السيارات ببعضها ووجود طلاعات وهبطات
هل السيارة الاتوماتيكية أفضل؟

[insfp]

شكرا لكم اخواني على اثراء الموضوع فعلا استفدت كثيرا .

[Kob-Tiarti]

اولا علبة السرعات الاوتوماتيكيةفي الجزائر لا تصلح الا في المدينة،لان بلادنا طلعات وهبطات وهاذي تتعب السيارة ،الامر الثاني وهو الاهم ان غالبية السيارات في الجزائر مازوت والمازوت معروف ثقيل خصوصا في الدوبلاج وعلبة السرعة الاوتوماتيكية تفقد 30% من قوة المحرك لانه ليست موصولة مباشرة بالمحرك وهاذي يخلي السيارة ثقياة في المشي بزاف خصوصا اذا كانت 4سلندر ،اهم عيب فس الاوتو هو ان صيانتو معقدة لان ليه كمبيوتر خاص بيه وامور كهربائية بعكس المانيوال اللي بسيط جدا عبارة عن تروس فقط لا اكثر ولا اقل ،الاوتو حساس اكثر من المانيوال خصوصا فيما يتعلق بالصيانة ، الممتاز في الاوتو انه مريح في السياقة ، لكن المانيوال اقوى .

انا ننصح اللي يبغي يشري اوتو يشري سيارة بنزين ومحركها فوق 1.5 وحجمها متناسب مع محركها ،اما الديزل فعليك بال6سلنر ونتا طالع.

[الواثقْ بالله]

المشاركة الأصلية كتبت بواسطة Kob-Tiarti

اولا علبة السرعات الاوتوماتيكيةفي الجزائر لا تصلح الا في المدينة،لان بلادنا طلعات وهبطات وهاذي تتعب السيارة ،الامر الثاني وهو الاهم ان غالبية السيارات في الجزائر مازوت والمازوت معروف ثقيل خصوصا في الدوبلاج وعلبة السرعة الاوتوماتيكية تفقد 30% من قوة المحرك لانه ليست موصولة مباشرة بالمحرك وهاذي يخلي السيارة ثقياة في المشي بزاف خصوصا اذا كانت 4سلندر ،اهم عيب فس الاوتو هو ان صيانتو معقدة لان ليه كمبيوتر خاص بيه وامور كهربائية بعكس المانيوال اللي بسيط جدا عبارة عن تروس فقط لا اكثر ولا اقل ،الاوتو حساس اكثر من المانيوال خصوصا فيما يتعلق بالصيانة ، الممتاز في الاوتو انه مريح في السياقة ، لكن المانيوال اقوى .

انا ننصح اللي يبغي يشري اوتو يشري سيارة بنزين ومحركها فوق 1.5 وحجمها متناسب مع محركها ،اما الديزل فعليك بال6سلنر ونتا طالع.

بارك الله فيك اخي كلامك صواب

عن نفسي كسبت بزاف المانيال و اخر مرة قلت نجرب نشري سيارة ببولط اوطوماتيك

و شريت نيسان كاش كاي بنزين بسعة 2.0 لتر علبة اوتو cvt بها 6 سرعات

مي الاختلاف في السيارات المزودة ب cvt انو مكاش المشكل تاع الطلعة كما في العلب الاوتو الاخرى

اصلا في ال cvt ماتفيقش و ماتحش خلاص بلي السيارة بدلت السرعة

من قبل جربت فولزفاقن باساط سي سي بعلبة اوتوماتيكية و كنت نحس مليح للسرعات كي يتبدلو

و حتى استهلاك الوقود في cvt مختلف تماما على الاوتوماتيك العادية

ال cvt ماتكلش خلاص

و صح عجبتني و بربي ان شاء الله مانزيدش نكسب بواط مانيال

بربي ان شاء الله شري الاوطوماتيك برك

خاصة ال cvt لانها ممتازة في الطلعة و مكان حتى مشكل معاها

[Kob-Tiarti]

المشاركة الأصلية كتبت بواسطة عبد الله كمال

بارك الله فيك اخي كلامك صواب

عن نفسي كسبت بزاف المانيال و اخر مرة قلت نجرب نشري سيارة ببولط اوطوماتيك

و شريت نيسان كاش كاي بنزين بسعة 2.0 لتر علبة اوتو cvt بها 6 سرعات

مي الاختلاف في السيارات المزودة ب cvt انو مكاش المشكل تاع الطلعة كما في العلب الاوتو الاخرى

اصلا في ال cvt ماتفيقش و ماتحش خلاص بلي السيارة بدلت السرعة

من قبل جربت فولزفاقن باساط سي سي بعلبة اوتوماتيكية و كنت نحس مليح للسرعات كي يتبدلو

و حتى استهلاك الوقود في cvt مختلف تماما على الاوتوماتيك العادية

ال cvt ماتكلش خلاص

و صح عجبتني و بربي ان شاء الله مانزيدش نكسب بواط مانيال

بربي ان شاء الله شري الاوطوماتيك برك

خاصة ال cvt لانها ممتازة في الطلعة و مكان حتى مشكل معاها

وبارك فيك اخي

ربي يبارك لك اخي في سيارتك .

نظام ال cvt نظام قديم ماشي كيما يحسبوه الناس نظام جديد لكنه الآن متطور ، واللي اخترعاتو شركة ديملر الالمانية واستعملوه في الحرب العالمية ، لكن اثبت عدم الفاعلية لان كان يستعمل المطاط فيه ، وعاودت شركة سوبارو في 1989 استخدماتو لكن الناس خافوا من عيوبوا.

لكن ال cvt نظام كيما يقولوا هو اكثرهم تطور ، بصح في 2008-2009 في نيسان التيما ظهرت عيوب كثيره في هذا النظام بعد سنة او سنة ونص لا اكثر .

ال cvt هو اساس نتاعو اوتو لكن التفاصيل مختلفة 180درجة على الاوتو العادي ، ال cvt لاتوجد فيه تروس وانما بكرتين او ثلاث كحد اقصى الرابط بينهم سير حديد يتحرك هذا السير بحسب زيادتك للسرعة وهذا هو اللي يخليك ما تحسش بتغيير السرعات لانها هيا في الاساس سرعة وحدة ،بعكس الاوتو العادي اللي المكون نتاعو تروس واول ما تبدل من ترس الى ترس اخر تحس بالتبديل .

اكبر عيب في الcvt هو انه حساس جدا خصوصا في امور الصيانة ، ونادر مايستعمل في سيارات الدفع الرباعي لانه يتأثر خصوصا عند القطر ، ممكن انه السير الحديدي ينقطع عند السحب.

اما العزم فالشئ الوحيد اللي يحسب له انو ضغط المحرك دائما مرتفع بمعنى انه نسبة هدر العزم قليلة.

[الواثقْ بالله]

المشاركة الأصلية كتبت بواسطة djamelcool

MANUAL vs AUTO vs DCT vs CVT Acceleration Comparison 0-100mph

https://www.youtube.com/watch?v=dGEz5ETOElc

[oussama 1993]

المشاركة الأصلية كتبت بواسطة kob-tiarti

اولا علبة السرعات الاوتوماتيكيةفي الجزائر لا تصلح الا في المدينة،لان بلادنا طلعات وهبطات وهاذي تتعب السيارة ،الامر الثاني وهو الاهم ان غالبية السيارات في الجزائر مازوت والمازوت معروف ثقيل خصوصا في الدوبلاج وعلبة السرعة الاوتوماتيكية تفقد 30% من قوة المحرك لانه ليست موصولة مباشرة بالمحرك وهاذي يخلي السيارة ثقياة في المشي بزاف خصوصا اذا كانت 4سلندر ،اهم عيب فس الاوتو هو ان صيانتو معقدة لان ليه كمبيوتر خاص بيه وامور كهربائية بعكس المانيوال اللي بسيط جدا عبارة عن تروس فقط لا اكثر ولا اقل ،الاوتو حساس اكثر من المانيوال خصوصا فيما يتعلق بالصيانة ، الممتاز في الاوتو انه مريح في السياقة ، لكن المانيوال اقوى .

انا ننصح اللي يبغي يشري اوتو يشري سيارة بنزين ومحركها فوق 1.5 وحجمها متناسب مع محركها ،اما الديزل فعليك بال6سلنر ونتا طالع.

لا اعلم ان كنت تسكن في الجزائر او مادا او تقود سيارة ام شاحنات فكيف السيارات فالجزائر كلهم مازوت ؟ و طابور الانتظار فالمحطات يعطيك الصح زيد المازوت علابانا بلي غالي و الجزائريين كامل يحوسو على طوموبيل قل على 100 مليون و لا ادري ان كنت ترى ان هناك سيارة مازوت جديدة اقل من هدا السعر و ما صدمني اكثر انك قلت المازوت تقيل كي دوبلي ! عندي 206 ايصونص كي يدوبليوني صحاب المازوت منشوفهمش ڤاع كي يعديو ! المهم زيد أقرى مليح لعلك تصحح أخطائك

[Kob-Tiarti]

[QUOTE=djamelcool;3992306070]غالبية السيارات في الجزائر مازوت ؟؟؟؟ لهذا تجد دائما طابور طويل على المازوت في محطة البنزين

يا اخي لو تكلمنا في هذا الموضوع تفصيليا فلن نكمل حتى الصباح و سنخرج بـ 70/100 نقطة لصالح علب التروس الاوتو
و سيأتي عليك يوم تسوق فيه Golf R20 او اي سيارة رياضية اخرى و سترى الفرق كم هو شاسع بين الاوتو و اليدوي من ناحية السرعة, القوة, المناورات, الأمان و الراحة

او فقط جرب Toyota Yaris بعلبة اوتو و رجعلي بالخبر,, سعرها حاليا 160 مليون سنتيم انا عن نفسي هي سيارة احلامي

[/QUOT

اخي مع احترامي لكلامك ، لكن الكلام اللي راك تقول فيه فارغ ، وفيه تعصب لرايك من ناحية ومن ناحية اخرى ميل للعاطفة ( ميولك للرغبتك) ، وساوضح لك السبب وسأناقشك في كل كلمة ذكرتها.

اذهب الى منتديات السيارات سواء الاجنبية منها ام العربية الرياضية منها ام العادية ، واحصائيات رواد مجلانت السيارات وبرامج السيارات ستجد 4 نتائج هامة :
1- المانيوال اقوى من ناحية عزم لان النفس نتاعو اطول من الاوتو.
2- المانيوال نادر الاعطال بعكس الاوتو.
3- 80% من هواة رياضة تعديل السيارات يفضلون المانيوال على الاوتو.
4- الاوتو يفقد السيارة 30% من قوة المحرك.

اذا لقيت حاجة من اللي انا كتبها خطأ انا نعتزل الكتابة في المنتدى.

الآن اناقشك في الكلام اللي ذكرتوا :

اود ان اذكر لك شئ مهم اخي ان والدي اطال الله في عمره من عام 92 في الخليج عايش وانا من مواليد الخليج ، وانا واخوتي اللذين يكبروني جميعنا متربيين في الخليج ولازلنا نعيش ومن اكبر لاصغرنا مهووسون برياضة السيارات الرياضية والعادية والكلاسيكية بمعنى ان الميكانيكا نموتو فيها، ورياضة السيارات في الخليج منتشرة بصورة كبيرة بين الشباب وجزء من الكبار.

اخي اكثر السيارات اللي كسبنها كانت اوتو سواء كانت امريكية او يابانية او كورية او اوربية ، بمعنى ان الاوتو جربناه من زمااااان وفرق القوة واضح جدا لصالح المانيوال خصوصا في الدوبلاج وفي بداية حركة السيارة ، في المانيوال تحس السيارة تفز بعكس الاوتو .

اما من ناحية الامان فالمعروف انه اذا راحت لك الفرامل لا سمح الله في المانيوال على طول تهبطها دوزيام ولا بروميار على حسب السرعة وتخليها حتى تحبس وتتكالي اما الاوتو بنت بمجرد ما تخلي السيارة في ال d تمشي سواء ضغطت على دواسة البنزين ولا لا ، وفي حالة لا سمح الله راحت الفرامل ماتقدرش تحبسها الا بثلاث خطوات وهذا يدي وقت الاولى انك تنقسلها بال +وال - اذا كان اوتو تبترونك ام CVT حتى توصلها الى نمرة رقم 1 حتى تحبس بعدا ترجعها ف الN ، هذا من ناحية الامان.

اما ال r20 روح شوف ارقام الr20 مانيوال وارقام الr20 اوتو هيا ترد عليك ، ونحب نخبرك باللي r20 بالنسبة للسيارات الرياضية ماهيش حاجة قاع بين عمالقة السيارات الرياضية مثل الموستنج بجميع انواعه ( شلبي - روش - بوس - ساليين - جي تي ) كامارو جالنجر سوبرا الخ ......

اما الياريس اللي راك تهدر عليها مجربين ياريس 1.5 اوتو مع 1.3 مانيوال والله ماكلات معاها حاجة الاوتو وعندك الانترنت روح شوف.

في الاخير اخي مشكلتك الوحيدة انك تناقش في امور تعتبر مسلمات في الميكانيكا .

اود ان اطرح عليك سؤال واحد هو ماهي وظيفة الصابونات في الاوتو وواش هي المشكل نتاعها والحل اللي يديروه باش يتجبنوا هذا المشكل ؟؟؟

نحن هنا لا نتقاتل ولكننا نرمي الى حوار بناء يعتمد على العلم لا على العاطفة والميول .

https://www.youtube.com/watch?v=lF0RVvMO304

وهذا موستانج مانيوال نفس النوع ونفس الشكل ونفس كل شئ واحد اوتو واحد مانيوال ، وشوف المانيوال واش دار.

[Kob-Tiarti]

المشاركة الأصلية كتبت بواسطة djamelcool

أولا الموستانج الاوتو في الفيديو توقفت لبعض الوقت 0:23 لأمر ما و الأمر واضح و بهذا الفيديو لا يعني شيئا, و هاك هــذا الفيديو الذي يبين عكس ما تقول

أنا لست هاوي سيارات أخي انا مجرد مستهلك تعجبني السيارات كما تعجبني الهواتف الذكية لا أكثر ولا أقل لذا انا لا أتكلم بالعاطفة انا أتكلم كمستهلك تهمه راحته, امانه و رفاهيته, اخي خبراء و مهندسو السيارات هم اهل هذا المجال لذا إن تكلمو نحن نسمع من هذا المنطلق أدعوك أخي ان تبحث في جميع مواقع السيارات الرسمية و مواقع ال car reviews المعروفة عن اي إختلاف بين سيارة بعلبة اوتو و اخرى ذات نوعها بعلبة يديوية من ناحية عزم الدوران و التسارع إلى الإستهلاك. صدقني لن تجد, أما إن وجدت امر مماثلا في مواقع car reviews أو يوتيوب او من خلال خبرتك الشخصية فأغلب الضن الامر راجع لعدم جودة السائق او السيارة لا غير

Golf 6 R20 متوفرة فقط بعلبة اوتو!! ربما تقصد edition 35 ...

من المعروف أن السيارات الغالية الثمن تجدها تقريبا جميعا بعلبة اوتو ربما بنسبة 99%
لأن 99% من الأثرياء يطلبونها بعلبة اوتو وهذا راجع لأنها اكثر امانا, راحة و رفاهيتا من نظيراتها بعلبة يدوية و خير دليل على ذلك اهل الإمارات الأغنياء حيث ولدت أخي

أما إن لا قدر الله و حدث عطل بالسيارة مثلا تعطلت مكابح الرجل فستضعها مباشرة في N أي point mort ثم تشغل feux de tresse و تبدأ بالكبح شيئا فشيئا بفرامل اليد الى ان تتوقف و الأمر مماثل بالنسبة للـ CVT و العلبة اليدوية لست أدري من اين اتيت بهكذا مثال فارغ



من اين اتيت بهذه المعلومات اخي ؟؟ فالصانع يقول عكس ما تقول. مثلا تويوتا ياريس بعلبة اوتو لها عزم دوران 125 Nm - 4000tr/min و بعلبة يدوية لها عزم دوران 125 Nm - 4000tr/min ... و الامر مماثل من ناحية التسارع من 0 إلى 100 كم سا: 11.7 ثانية لكلتاهما.... 80% من الهواة تعتبر 1% من المستهلكين الذين يريدون الراحة و الامان و القليل من الاعطال. إذا امر الهواة لا يعني شيئا فالصانع لا يهمه 1 بالمائة او اقل من السوق.. افهمت قصدي أخي اما من ناحية الأعطال فانت مخطأ انا كسبت opel astra 2002 بعلبة اوتو ماشية اكثر من 500 الف كم و لم تحدث بها اي اعطال و لم تفتح ابدا رغم ان المحرك هبلني من كثرت الاعطال

إذا كانت قوة كبح السيارة بعلبة يدوية تساوي 40 مترا اذا كانت تسير بـ 120 كم سا
فقوة كبح السيارة بعلبة اوتو تساوي 30 مترا / 120 كم سا و هذا عن تجربة شخصية

أخي نقاط النقاش كثيرة في هذا الموضوع و انا متأكد بأن الأوتو احسن و عيوبه اقل من اليدوي و اقول لك إن عشنا طويلا و لم يصبح الاوتو اكثر انتشارا من المانووال في غضون السنوات القادمة فانا من سيعتزل الكتابة في هاذ المنتدى

اخي ، انت قلتها مستهلك ، يمعنى انه لم تعمل في ميكانيك السيارات من جهة ، ومن جهة اخرى لا تعرف عن تعديل السيارات ولا سباقات الدراج ولا سباقات الشوارع ، انا لن اقولها بحب الظهور لكن لتعرف مدى خبرتي املك ثاني اكبر حساب لسباقات الشوارع في الخليج في برنامج الانستجرام .

انا وانت اتفقنا على شئ واحد وهو ان الراحة لصالح الاوتو لا شك ، لكننا اختلفنا في امر القوة والامان ، وانت ذكرت امر اذا قولته لاي احد يعرف الاوتو يظحك عليك (( أما إن لا قدر الله و حدث عطل بالسيارة مثلا تعطلت مكابح الرجل فستضعها مباشرة في N أي point mort)) ونفسرلك السبب ، ال N في الاوتو هو نفس الباموار في المانيوال ، فاذا كنت في فيرجات نتاع ثنية الحد والكل يعرف خطورتهم وتعطلت الفرامل لاسمح الله وكنت على سرعة 120 مثلا وحطينها في ال N كيما راك تقول ( باموار) واش يحبس السيارة ومكابح اليد اذا استخدمتها على طول تدور بيك السيارة هذا من جهة ، اما المانيوال نقس بعلبة السرعة ل3 ولا 2 وخليها .

اما الطريقة الصحيحة لايقاف السيارة في الاوتو يا من تدعي انك خبير هي انك تحطها من ال D الى اخر حرف في علبة السرعة بالتدريج ،لان هناك اختلاف في الحروف من سيارة لسيارة وبعد ماتوصل لاخر حرف تبدأ باستخدام مكابح اليد لان السرعة راح تكون بين 40-45.

اما قصة ال R20 اللي ما تتوفرش الابعلبة اوتو فروح راجع معلوماتك اخي وهذا ماشاء الله يدل على خبرتك العريقة ،.

اما السيارات الفخمة ، فهمها الوحيد هو الراحة والرفاهية ولا ويتوفرالا في الاوتو هذا الشئ ، اما الامارات والخليج بصورة عامة فهم يستعملون علبة الاوتو اكثر في مشاويرهم اليومية وانا منهم لكثر الازدحامات وسهولة قيادته ، اما في سيارات السباق وسيارات الدفع الرباعي ياخذون المانيوال .

اما المعلومات اللي ذكرتها انا وراك تستفسر عليها ، جائت بيها قوانين الفيزياء من خلال قوانين نقل الطاقة الحركة والهدر ، وانت راك تناقش في امور تعتبر مسلمات في الميكانيك اخي .

نحب نخبرك حاجة ان العزم والاحصنة لايعتمد بصورة كبيرة على نوع ناقل الحركة ، وانما يعتمد على سعة المحرك وعدد الاسطوانات ونوع الوقود ، فالديزل يولد عزم عالي واحصنة اقل ، والبنزين العكس .

اما سيارات تويوتا فافضل الا تناقشني فيه لان سيارات استعمالنا تويوتا .

هذا كورفت c5 مانيوال مع اوتو وشوف الفرق خصوصا في الديماراج.
https://www.youtube.com/watch?v=u4qcXitEwOo

هذا موستنج v8 4.6 اوتو مع ميجان v4 2.0 مانيوال وشوف مستوى الميجان مع ال v8
https://www.youtube.com/watch?v=hGLADwCPzsU

وهذا موستنج v8 4.6 مانيوال مع كابرس v8 6.0 اوتو
https://www.youtube.com/watch?v=dCaaGm-ht2I

هناك امرين هاميين نذكرهم ، الجميع يعرف ان ارقى واعرق رياضة سيارات في العالم هيا الفورملا1 وسيارات الفورملا تستعمل المانيوال لقوته ، الشئ الثاني صيانة الاوتو فقط عبوة زيت 1.5 لتر حوالي 5000دينار جزائري للذي لا يعرف .

اود ان اطرح عليك سؤال واحد هو ماهي وظيفة الصابونات في الاوتو وواش هي المشكل نتاعها والحل اللي يديروه باش يتجبنوا هذا المشكل ؟؟؟


اتمنى الاجابة

[الواثقْ بالله]

[QUOTE=Kob-Tiarti;3992344356]ا
اما الطريقة الصحيحة لايقاف السيارة في الاوتو يا من تدعي انك خبير هي انك تحطها من ال D الى اخر حرف في علبة السرعة بالتدريج ،لان هناك اختلاف في الحروف من سيارة لسيارة وبعد ماتوصل لاخر حرف تبدأ باستخدام مكابح اليد لان السرعة راح تكون بين 40-45.

من فضلك فهمني في هادي بالعقل برك

لاني كنت ديما نخمم اذا كان مشكل تاع فرامل كفاش الحل