غراتان شفلور هااااااايل و بنييييين

mechmecha · 2014-12-06, 12:22

السلام عليكم و رحمة الله و بركانه
جربت غراتان شفلور و جا بنييين حبيت نشارككم بيه

راس شفلور صغير مش طايب نرحيه في الروبو للأمانة هذي الفكرة ديتها من عند ام رامي لكن انا درت بيها غراتان
صدر دجاجة مرحي
نخلطوهم مع بعض +معدنوس + راس الحانوت + ثوم كثري شوية + 1 أو 2 بيض +ملح+ شوية كمون ديري كويرات شوية كبار وديريهم في الفرينة و اقليهم
ثم ديري الصوص
1 بصلة + 3 وريقات رند + راس الحانوت + ملح + ثوم + شوية كمون + معدنوس قليهم شوية ثم ديري الماء وخليها تطبخ شوية ثم ديري فيها الكويرات لي قليتيهم و كي يتشربو شوية المرق طفي النار و جيبي بلا تاع كوشة
ستفي الكويرات فيه
المرق لي بقا زيديلو بيضة خلطي و فرغي فوق الكويرات
ثم ديري فرماج رابي من الفوق و الى الفرن