السلام عليكم حراير المنتدى هادا اول موضوع مفيد ليا وحبيت نشارك خياتي بهاد القاطو المتواضع والرااااائع
والله صدقوني دايما لما نفوت في صفحات منتدى الجلفة نحس كاني بين اهلي واخواتي وكل ما التفت للمواضيع الشيقة والوصفات بمختلف مجالاتها اشعر بصدق كاتبها ومروءة كلماته ... بديت نتفلسف ياااك هههه ايا المهم نبدالكم بالمكونات والطريقة وان شاء الله يعجبكم ضوقه شوية مر وهادا اللي يميزه اممممم ,, وهاد القاطو درته لخطيبي لما جا يشوفني اول مرررة يعني زوقته بغييير هاد الطريقة اللي بالصورة ....يالله الحقوني
بسم الله :
للعجينة نسحق ( رطل زبدة صول _ 10 ملاعق عسل _ 5 ملاعق ك كاكاو أسود _ شوييية خميرة حلوى يعني قرصة _فرينة حسب ماتتلم العجينة )
كريمة الزبدة : هناك نوعين رح نعطيهملك وانت اختاري ايهما تحبذين
1) 2 ملاعق كبيرة زبدة + فنجال حليب بودرة اي لحظة + ليمونة معصورة وسر هاد الكريمة في حموضتها ونخلط بالباتور )
2) 150 غ زبدة + سيرو محضر من قبل وبارد يعني نص كاس سكر في كاس ماء على نار هادية وعلى جيهة نطلع بودرة الشانتييه حوالي 100 او 150 غ مع كاس غير مليء بالماء البارد نخلطها مع الزبدة ___ هادي تاني ذوقها رااائع ونخلوها تبرد فالفريجيدار )
للتزيين : شكلا مينا مذوبة في حمام مائي + ملعقة ص زبدة + حليب
ويمكن اضافة كوكاو محمص ومرحي ,,, وخطوط من طلية السكر البودر
الطريقة : ( نمحر الزبدة باليد وتكون بحرارة الغرفة ونضيفلها العسل مع مواصلة المحر ونزيد الخميرة والفرينة حتى تتلم العجينة وما ننصحكمش بفرينة الخبز لان القاطو يتفتت وما يتلملكمش من الاحسن فرينة الحلويات كسيم او الحمامة او سفينة _ المهم ونحله على الطاولة مرشوشة بالفرينة ونطبع اشكال حسب الرغبة _ قلب او دمعة او مربع _ ونستفه في صينية مرشوشة بالفرينة ونخليه يطيب على نااار هاادية وبعد ما يطيب ويبرد نلصق كل حبة مع ختها بكمية من كريمة الزبدة
ونذوب الشكلاط ونغطس مالفوق برك ونزين حسب الرغغغبة
ونتمنى تجربوها وتردولي الخبر وادعووولي ربي يجمع بيني وبين خطيبي تحت سقف الحلال 
( تقرير عن مشاركة سيئة )، و الموجودة أسفل كل مشاركة .
2014-11-29, 23:41
النيـgــرو بطريقته الجديدة
العرض العادي
